تا هەموو وەڵامەکانمان دۆزیەوە هەموو پرسیارەکانیان گۆڕی !!

وتار/ 16/07/2017 1124 جار بینراوە

أكبر غريب أحمد

تا هەموو وەڵامەکانمان دۆزیەوە هەموو پرسیارەکانیان گۆڕی !!

* یەکێک لەو هۆکارانەی کۆمەڵگە نەیتوانیوە هەموو پرسێکی سیاسی لەگەڵ سیاسێکاندا بە کامڵی بەجێبهێڵێت  بەکارهێنانی تیۆری " تەرکیز بەلا ڕێ بردنە " وای کردوە زۆربەی پرسەکان بەنیوە ناچڵی بەجێ بمێنێت ،
هەمیشە هەوڵیان داوە  بەردەوام لە هەوڵی دۆزینەوەی وەڵام دا بین ، نەگەشتوین بەدۆزینەوەی وەڵامێک پرسێکی تر  ئامادەکراو دەکەن ،  چونکە دەزانن هەرکات تۆ پەیت بەهەموو وەڵامەکان برد ئینجا ئەکەویتە پرسیار کردن ، پرسیار کردنیش لە ئەوان مانای بچووک کردنەوەی بەرژەوەندێکانیانە ،

بابێینە سەر ناوەڕۆکی بابەتەکە :
ئێمە گەشتووین بە قۆناغی پرسیاروو لێپێچینەوە  لە هەموو ئەو سیاسی و  بەرپرسانەی کە هۆکاری درووست بوونی ئەم چینایەتی و دۆخە ناهەمواروو خولقێنراوەی ئێستا ،  گەشتوین بەقۆناغی " پاداشت و سزا "
ئەوەی  خراپەی کردوە سزاکەی وەربگرێتەوە ئەوەشی چاکەی کردوە پاداشتی وەربگرێتەوە ،

هاتینە قۆناغی لێپیچینەوەی یاسای و ڕێککردنەوەی سیستەمی حوکمڕانی
 بردینیانەوە  بەرەو پرسیاروو ئاراستەیەکی تر
 بۆ شاردنەوەی عەورەتی گەندەڵی و بەلا ڕێ بردنی تەرکیزی هاونیشتیمانی لەسەر ئەو پرسانەی کە بەزیانی ئەوان کۆتای دێت ،  

پرسی ڕیفراندۆم
لە ئێستا لەوانەیە لای هەندێک وەک ئینتیمای قومی و نیشتیمانی ئاراستە بکرێت بەڵام لای هەندێکیشی  وەک کارتێکی فشاری دەروونی بەکار دەهێنرێت بۆ شاردنەوەی گەندەڵێکانی و خۆدزینەوەی لە دەستوروو داپۆشینی مێژووی ناشرینی ڕابردووی و
وە  بەکارهێنانی سۆزی خەڵکی بۆ بەدەستهێنانی مەرامی خۆی ،

بۆ پشت ڕاستکردنەوەی ئەم ڕاستیە
دیقەت بدە کاتێک پرسیاری سیستەمی حکومڕانی و مووچەو کارەباو ئاوو کار دەکەیت خێرا ئاراستەت دەکات بۆ سەرقاڵکردنت بەرەو پرسی ریفراندۆم ....

بۆیە بوون بە دەوڵەتیشمان بەبێ چاککردنی سیستەمی حوکمڕانی  واک ئەوە وایە :
خۆت فڕێ بەیتە  قووڵای بەحرێکەوەو لەوێ بڕیار خۆ فێرکردنی مەلە بدەی ....
ـــــــــــــــــــــــــــــــــــــــــــــــــــ
اکبر غریب احمد

نوێترین نوسینەکانی أكبر غريب أحمد