سنــوری کــوێخا "دێگەڵە بەنمونە "

وتار/ 13/02/2018 680 جار بینراوە

أكبر غريب أحمد

سنــوری کــوێخا   "دێگەڵە بەنمونە "

هەرگیز دوو کوێخا لەگوندێکدا جێگەیان نابێتەوە ، بۆئەمە فۆرم و میتۆدو فەرهەنگ و کلتوری جیاواز لەم دیوەو دیوی ئەم سنورەوە درووست دەکەن ، هەوڵ دەدەن چەمێک دۆڵێک پەرژینێک بکەن بەسنوری خۆیان ، لەپێناو ناونانی ئەم سنورە چیرۆکی تراژیدیا لەو شوێنە دەخولقێنن و  درووستی دەکەن ، ئەم دوو ڕەنگ و هێزە هەرگیز ناهێڵن لەم سنورەددا چرۆ بکات ، نایانەوێ هەستی نەتەوایەتی ئەم سنورە تێکبشکێنێت
 دیارە بەنەمان و کاڵبونەوەی ئەم هێڵە کێشراوە کاڵبوونەوەی یەکێک لە دوو کوێخایە ،


ئەو پەیامەی بەسەر شانی ئەم سنورە سپێردراوە ڕەد کردنەوەی هەمو خواستەکانی ئەو دیوی خۆیەتی ،
کاتێک لەناو یەک جوگرافیاو یەک زمان و یەک نەتەوەدا سنورێک دروست دەکرێت ئیدی هەرچی فشاری سیاسیە لەوێ یەکلای دەکرێتەوە ، هەڵبەتە سیاسەتێک کە لە فۆڕمێکی ڕووخسار ناشرین و ناخێکی تاریکەوە هەڵقوڵابێت ،


دیارە هەبوونی سنورو هێڵی کێشراو کە مێژوەیەکی تاڵی نەتەوایەتی لەپەڕەکانی دا  هەڵگرتوە ، هەمیشە  لەئایندەشدا  ئەنجامی نەگەتیڤی کۆمەڵایەتی و ئابوری و سیاسی پێشکەش دەکات و بەرجەستە دەکات ،


هەبوونی سنور لەناو ووڵاتێکی هاو زمان و  هەو مێژوو تەنها درزێکی جوگرافی نیە بەڵکوو کەلێنێکی گەورەی نەتەوایەتیە
و تاکی ووڵات ناچار دەکات دەست لەبەشێک لەئازادێکانی هەڵبگرێت  ، جگە لە بەرهەمی سیراع و شارچێتی کە دەبێتە کلتور ،


 کاتێک لەهەناوی یەک گەلدا دوو کۆمەڵگە درووست دەکرێت و سنووێک دەکەن بەخاڵی دەژایەتی و دەیکەن بەپەنجەی هەڕەشە لەسەر یەکدی ،

لەوێوە لەبری ئەوەی پەڕلەمان و یاساو دادگا کەیسەکان یەکلا بکاتەوە ئەو ســنورانە دەبنە شوێنگرەوەیان و دەیان کەیسی تاڵ و سەدان ڕەفتاری نا ئەخلاقانەو هەزاران پێشێلکاری مافی مرۆڤی تێدا ئەنجام دەدەرێت ،

بەدەر لەوەش هەرتاکێک بەدڵی کوێخایەکیان ڕەفتار نەکات سنورداشی ئەو دیو ئەو سنورە وەهمێی دەکەن کە داینەمۆی دامەزراندنەکەی دەگەڕێتەوە بۆ بەرژەوەندی ..

نوێترین نوسینەکانی أكبر غريب أحمد