لەبارەی هاو رەگەز بازەوە لێیان پرسیم:

وتار/ 02/07/2017 1601 جار بینراوە

م. حه‌سه‌ن پێنجوێنی

لەبارەی هاو رەگەز بازەوە لێیان پرسیم:

ئەمشەو لەسەر مەسینجەرەکەی فەیس بووک خوشکێک لە ئەوروپاوە پەیوەندی پێوە کردم، و کورتە ڤیدیۆیەکی (روداو تیڤی) بۆ ناردم.. منیش زۆرم پێ سەیر بوو کە بۆی ناردبووم. تمەز پرسیاری بۆ دروست بووە، و دەیەوێ حەقیقەتی ئەم مەسەلەیە بزانێت، پرسیارەکەی بۆ ناردم ، و نووسیبووی:

سلاو ي خواي گەورەتان لێ بێ ماموستا حسن پينجويني
داواي ليبوردن ئەكەم هەر چەنە شتيكي جوان نيە ئەم ڤيديويە بەلام پيويستە ئيمەيش وەك موسلمان بزانين لەرووي شەرعەوە چ حوكميكي هەيە لەسەر ئەم بابەته، وا لەكوردستان بوەتە با سيكي گەرم، ماموستايەكي ئاينيش با سي كرد ئايا لەرووي شەرعەوە چەند ريگە پيدراوە ؟.. زۆۆۆر سو پاست ئەكەين بو كورتەباسيك لەم با بەته..

منیش لەوەڵامیدا گوتم:
پاش سوپاس بۆ خودا و سڵاوات لەسەر پێغەممەر و ئال و بەیتی.. سڵاوی خوا لە تۆیش بێت..

هاو رەگەز بازی لە ناحییەی شەرعەوە بە هیچ شێوەیەک ری پێدراو نییە، خوای باڵا دەست بەتایبەتی پێغەممەرێکی بەناوی ( لووط) نارد بۆ ئەو قەومەی ئەو عادەتەیان هەبوو، چاک نەبوون، و بەگوێی پێغەممەرەکەیان نەکرد، خوای باڵا دەستییش ژێرەو ژووری کردن و بەردی بەسەریاندا باراند، و لەناوی بردن..

قورئان لەزۆر شوێندا باسیان دەکات لەم ئایەتەی سورەتی ئەلئەعراف دا باسی قیزەونی و ناڕەوایی کارەکەیان دەکات، کە لوط پێغەممەر علیە السلام ئامۆژگارییان دەکات واز لەو کارە ناڕەوا و قیزە ونەیان بێنن..
(لووط)ی برازای (ئیبراهیم)بوو، پاش ئەوەی بڕوای بەئیبراهیم هێنا كۆچی كرد بۆ وڵاتی شام، پاشان خوا كردی به‌په‌یامبه‌رو (عليەالسلام) ناردی بۆ (سدوم)و گونده‌كانی ده‌ورو به‌ری، ئه‌ویش كاری خۆی ئه‌نجامداو ئامۆژگاریی زۆری كردن كه‌: ده‌ست له‌و كارە دزێو و ناپه‌سه‌ندە هه‌ڵبگرن، ئەوکارەی كه‌سێكی دی پێش ئه‌وان نه‌یكردبوو.. هەروەک قورئان باسی دەکات و دەفەرموێ:

" وَلُوطًا إِذْ قَالَ لِقَوْمِە أَتَأْتُونَ الْفَاحِشَةَ مَا سَبَقَكُم بِهَا مِنْ أَحَدٍ مِّن الْعَالَمِينَ؟ إِنَّكُمْ لَتَأْتُونَ الرِّجَالَ شَهْوَةً مِّن دُونِ النِّسَاء، بَلْ أَنتُمْ قَوْمٌ مُّسْرِفُون" الأعراف/ 80-81.

واتە: لووتیش بەقەومەکەی گوت: ئایا ئێوە كاری شووره‌یی و، فاحیشه‌ی وا ده‌كه‌ن؟ كەبه‌ر لەئێوە هیچ كه‌سێك لەجیهاندا نه‌یكردووه؟ بۆ ئەنجامدانی ئاره‌زووی جینسی خۆتان، بۆچ له‌باتی ژنان له‌گه‌ڵ پیاوان جووت ده‌بن؟ ئێوە خه‌ڵكێكن سرووشتان تێك چووه‌، و زیادە رۆییتان كردووه‌، بۆیە كارێ ده‌كه‌ن ئاژه‌ڵیش نایكات..
کاتێ وازیان نەهێنا و بەگوێی پێغەممەرەکەیان نەکرد خودایش ژێرەو ژووری کردن، و بەردی بەسەریانا باراند، هەروەک لەم ئایەتەدا باسی دەکات:
" فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا، وَأَمْطَرْنَا عَلَيْهَا حِجَارَةً مِنْ سِجِّيلٍ مَنْضُودٍ، مُسَوَّمَةً عِنْدَ رَبِّكَ، وَمَا هِيَ مِنَ الظَّالِمِينَ بِبَعِيدٍ. " هود/ 82-83.
واتە: كاتێ فه‌رمانه‌كه‌مان گه‌یشت بۆ تیاچوونیان، شارو گوندەكانیانمان ژێرو ژووركرد، و به‌قوڕی سووره‌وە كراوی ڕه‌قی - چین له‌سه‌ر چین - وه‌ك به‌ردەگڵ به‌ردەبارانمان كردن، { ولەئه‌نجامدا خانوو و به‌ره‌‌یان بووبە ده‌ریایه‌كی تاڵ و تفت و، ئاوه‌كه‌شی كه‌ڵكی هیچ شتێكی نه‌ما، پاشان به‌ده‌ریای مردوو (البحر الميت) و به‌ده‌ریاچه‌ی لووت ناوبانگی ده‌ركرد}، هەر به‌ردێكیش لەو بەردانە لای په‌روه‌ردگارتەوە ناو ونیشانی ئه‌وكه‌سه‌ی بو دیاری كراوبوو لێی بدات، ناوچە وێرانكراوەکانیش‌ له‌سته‌مكارانه‌وە دوور نییه..‌ با سەری لێ بدەن.. و بزانن ئەنجامی یاخی بوون لە فەرمانی چی دەبێت!!
خوشکەکەم! قورئان بەو جۆرە باسیان دەکات، و خوایش ئاگادارەرە..

بۆ زیادە ئاگاداریت:

لە ئوسترالیاشدا تا ئێستا لە چەند ویلایەتێکدا رێی پێ نەدراوە..

نوێترین نوسینەکانی م. حه‌سه‌ن پێنجوێنی