لەعنەت لە سیاسەتێ غەیبەتی برا ئایینیەکەم حەڵاڵ کات

وتار/ 07/06/2017 822 جار بینراوە

م.حسن شه‌مێرانی

لەعنەت لە سیاسەتێ غەیبەتی برا ئایینیەکەم حەڵاڵ کات

ئازیزان :

خودی سیاسەت کارێکی زۆر پیرۆزە و بەمانای سەرپەرشتی و ئیدارەی کاروباری جەماوەر بە شێوەیەک خزمەت گوزاریان بۆ دابین کەیت و عەدالەتیان تیا دروست کەیت و ئازادیان بۆ بەرپا بکەیت و ترس و برسێتیان لێ دور خەیتەوە،وە پێویستە هەموو کەسێ یان گروپێ یان حیزبێک کە دائەمەزرێ ئەبێت بۆ ئەو مەبەستانە بێت کە باسمان کرد و ئایینی پیرۆزی ئیسلامیش کە فەرمان ئەدات بە بەها باڵاکان و ئەفەرمووێ ( وَتَعَاوَنُوا عَلَى الْبِرِّ وَالتَّقْوَى)

واتە:هاوکاری یەکتر بکەن لەسەر چاکە و شتانێ کە لە رقی خوای گەورە بتانپارێزێ و ئەفەرموێ (وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ)

واتە: ئیمانداران ژن و پیاویان هەندێکیان دۆست و پشتیوانی هەندێکیانن،بەڵام بەداخەوە ئێستا ئەبینین ئیمانداران و ئیسلامیەکان سیاسەتی ڕۆژ و بەرژەوەندی حیزبی و شەخصی وای لێ کردوون کە غەیبەتی یەکتر ئەکەن و دوورن لە یەکتر و بەبێ ئەوەی ئاگایان لە خۆیان بێت ( وَزَيَّنَ لَهُمُ الشَّيْطَانُ أَعْمَالَهُمْ)

واتە:شەیتان کردەوەکانیانی لا جوان کردوون،ئەمەش بوو وای کرد لە نەورەسی بفەرموێ(أعوذ بالله من الشيطان والسياسة)جا دیندار ئەوەیە سیاسەتێ بکات خوای گەورە پێ ی خۆش بێت و لە قیامەت لێی پەشیمان نەبین

حسن شه‌مێرانی

نوێترین نوسینەکانی م.حسن شه‌مێرانی