دیسان هه‌ڵكوتانه‌وه سه‌ر مزگه‌وته‌كان !!
وتار/
03/06/2017
1070 جار بینراوە
شوان هه‌ورامی
دیسان
هه‌ڵكوتانه‌وه سه‌ر مزگه‌وته‌كان !!
شوان
هه‌ورامی
له
ماوه‌ی 26 ساڵی رابردوودا ، حكومه‌ته دووباڵه‌كه‌ی كوردستان به‌رده‌وام بووه له
شه‌ڕی ئایدیۆلۆژیی به‌رانبه‌ر به موسوڵمانانی كوردستان ، به تایبه‌تیی زۆرینه‌ی
ره‌های میدیای چه‌واشه‌كاری كوردستان و ناوه‌نده فیكرییه‌كانی ئه‌و دوو پارته له
لایه‌ن چه‌په شكستخواردووه‌كانی باشووری كوردستان و خۆرهه‌ڵاتی كوردستانه‌وه به‌ڕێوه
ده‌برێت ، گه‌رچی ئێستا شه‌رمه‌زارن له‌وه‌دا باسی شۆڕشی ماركسیزم – لینینیزم و
ماویزم بكه‌ن ، به‌ڵام ئه‌و فیكره‌یان وه‌كو سه‌رچاوه‌ی كینه‌و رق و سڕینه‌وه‌ی به‌رانبه‌ر
به بۆیاخی سۆشیال دیموكرات و دیموكرات و لیبراڵ دیموكرات شاردۆته‌وه ، به‌ڵام هه‌مان
كرده‌ی دیكتاتۆرانه‌ی ماركسیسته‌كان دووباره ده‌كه‌نه‌وه‌و به‌فرسه‌تیشی ده‌زانن
له‌ژێر ناونیشانی خۆرئاوایانه‌ی جه‌نگی دژه تیرۆردا بیانووی گونجاندنی بۆ بدۆزنه‌وه
.
دیسان
وا جارێكی تر له‌هه‌ردوو زۆنه‌كه - به‌تایبه‌تی زه‌رده‌كه‌یان – هێرشكردنه سه‌ر
مزگه‌وته‌كان و دوورخستنه‌وه‌ی مامۆستایانی ئاینی و ده‌ركردنی ئه‌و زانایانه‌ی كه
خوێنده‌وارن و خۆشه‌ویستی خه‌ڵكن و جه‌ماوه‌ر متمانه‌ی پێیان هه‌یه ده‌ستی پێكردۆته‌وه
، ئه‌مه سه‌ره‌ڕای ئه‌و تیرۆر و گرتن و تۆقاندنه‌ی كه به‌رده‌وامه به‌رانبه‌ر
به‌و چینه خزمه‌تگوزاره‌ی كۆمه‌ڵگه‌ی كورده‌واریی .
زۆر
سه‌یره ئه‌م دوو باڵه‌ی باشووری كوردستان ، زیاتره له چاره‌كه سه‌ده‌یه‌ك ده‌سه‌ڵاتیان
هه‌یه‌و به هه‌زاران مفته‌خۆریان وه‌كو راوێژكار دامه‌زراندووه ، به‌ڵام تا ئێستا
ئه‌و راوێژكارانه راپۆرتێكی دروستیان پێشكه‌ش نه‌كردوون ، پێیان نه‌گوتوون كه
دامه‌زراوه‌ی مزگه‌وت ته‌مه‌نی 1400 ساڵ زیاتره‌و له مێژووی شارستانیه‌تی ئیسلامیی
و كوردستانیدا رۆڵی زۆر گه‌وره‌ی بینیووه‌و ئه‌وه‌ی شه‌ڕه‌شاخی له‌گه‌ڵدا كردبێت
دواجار شاخی خۆی شكاوه‌و ریسوای مێژوو بووه ، ئه‌مانه بۆ بیر ناكه‌نه‌وه كه
كارێكی ترسناك ده‌كه‌ن له‌وه‌دا شه‌ڕ به مزگه‌وت و زانایانی خزمه‌تگوزار ده‌فرۆشن
!!
من
لێره‌دا له لایه‌نگرانی ئه‌و دوو حیزبه ده‌پرسم :
یه‌كه‌م
– ئایا بۆچی ئێوه ته‌نیا ده‌ست ده‌خه‌نه كاروباری مزگه‌وته‌كانی كوردستانه‌وه ؟
ئایا ئێوه ده‌توانن قه‌شه‌و مه‌تران و پیاوه ئاینیه‌كانی كریستیان بگۆڕن و ئاڵوگۆڕیان
پێبكه‌ن ؟ ئایا ده‌توانن له سه‌رووی ئه‌نجوومه‌نی رۆحانی یه‌زیدیانه‌وه بڕیاریان
به‌سه‌ردا بسه‌پێنن ؟ ئه‌ی هۆی چیه به‌پێی راپۆرتێكی ویكلیكس ته‌نانه‌ت بۆ هه‌موو
مزگه‌وتێك سیخوڕیشتان دیاریی كردووه ؟
دووه‌م
– ئه‌مه له به‌رژه‌وه‌ندیی كێدایه - كه له‌م كاته‌ی كه‌س به‌خیلیی به حاڵی هه‌رێم
نابات له قه‌یران و شپرزه‌ییدا – كه‌چی ئه‌م حكومه‌ته قه‌یرانی تر دروست ده‌كات
و دڵی موسوڵمانان زیاتر له خۆی ده‌تۆرێنێت ؟ ئه‌وه چ تیۆریسیه‌نێكی كارامه‌یه
ئه‌م به‌رنامه‌یه‌تان بۆ داده‌نێت ؟
سێیه‌م
– هۆی چییه ئه‌م حكومه‌ته‌ی كه كاتی خۆی شه‌رعیه‌تی له‌و شۆڕشه‌وه وه‌رگرت كه
دژی سته‌م و دیكتاتۆریی به‌رپا كرابوو ، كه‌چی ئێستا هاوئاهه‌نگه له‌گه‌ڵ حكومه‌ته
كۆنه‌په‌رست و دیكتاتۆرو تۆتالیتار و كوده‌تاچیی و بنه‌ماڵه‌ییه‌كانی ناوچه‌كه‌دا
؟ كه دیاره له 17 ی شوباتی 2011دا به ئاشكرا سه‌نگه‌ری خۆی گوێزایه‌وه بۆ سه‌نگه‌ری
كوده‌تاچییان له‌دژی به‌هاری دیموكراسیی گه‌لانی ناوچه‌كه و خوازیارانی ریفۆرم له
كوردستاندا ؟
چواره‌م
– هۆی چیه كه‌نیسه‌ی ئینجیلیی ئه‌مه‌ریكا – كه خاوه‌نی ملیۆنان ئه‌ندامه‌و سه‌رسه‌خت
ترین دووژمنی ئیسلام و موسوڵمانان و جیهانی ئیسلامییه - بانگهێشتی به‌ڕێوه‌به‌ری
گشتیی وه‌زاره‌تی په‌یوه‌ندیداری هه‌رێم ده‌كات و بۆ ماوه‌ی مانگێك ، ئه‌م كه‌نیسه‌و
ئه‌و كه‌نیسه‌ی پێده‌كه‌ن و بۆ خۆیشی شانازیی به‌و بانگهێشته‌وه ده‌كات ، ئایا ده‌كرێ
كه‌نیسه‌ی ئینجیلی بووبێته خێرخوازو هیچ ئه‌جێنداو راسپارده‌و بگره بڕیارێكی بۆ
حكومه‌تی هه‌رێمی كوردستان نه‌بووبێت ؟
پێنجه‌م
– ئه‌وه قسه‌ی ئێمه نیه ، به‌ڕێز مه‌لا به‌ختیار ساڵی رابردوو له كۆنفرانسی
دابڕاندا سوپاسی حكومه‌تی هه‌رێمی كوردستانی كردو رایگه‌یاند له كۆی ئه‌و خاڵانه‌ی
داویانه به حكومه‌تی هه‌رێم بۆ رێكخستنه‌وه‌ی كاروباری ئاینیی – به‌و شێوه‌یه‌ی كه
خواسته‌كانی ئه‌وان دابین بكات – ته‌نیا خاڵێكی جێبه‌جێ نه‌كراوه‌و ئه‌وانی تری جێبه‌جێ
كراون . كه‌واته ناكرێ ئه‌م دژایه‌تیه‌ی مزگه‌وت و مامۆستایانی ئاینی و ئه‌و زه‌مینه
خۆشكردنه‌ی كه به فیكر ده‌یكه‌ن به‌دوور بزانین له ئه‌جێندای ئه‌وانه‌ی كه به
فیزیكی مامۆستایانی ئاینیی تیرۆر ده‌كه‌ن یا شوێن بزریان ده‌كه‌ن ، ئایا نازانن ئه‌وه
هه‌نگاوێكی ترسناكه ؟
به‌ڕاستی
ئه‌مه‌ی كه ده‌زگا ئه‌منیه‌كانی هه‌رێم ده‌یكه‌ن - به تایبه‌تیی له هه‌ولێر -
زه‌نگێكی مه‌ترسیداره بۆ تێكدانی ئاشتیی كۆمه‌ڵایه‌تیی ، به‌تایبه‌تیی مامۆستایانی
ئاینی هه‌میشه قه‌ڵای پاراستنی ئه‌و ئاشتیه بوون ، ئه‌گه‌ر ئامۆژگاریی و هه‌وڵی
دڵسۆزانه‌ی ئه‌وان نه‌بوایه ، ئه‌سته‌م بوو به چه‌ك و ته‌قه‌مه‌نیی ته‌قلیدیی
ئاوا به سانایی شه‌ڕی داعش سه‌ركه‌وتایه ، ئه‌مه له كاتێكدایه ئه‌گه‌ر به‌ڕێژه
وه‌ریگرین ئه‌وانه‌ی كه له هه‌رێمه‌وه چوونه‌ته ناو داعش زۆر زۆر كه‌مترن له‌وانه‌ی
له ئه‌ڵمانیای سه‌رمایه‌دارییه‌وه چوونه‌ته ناو ئه‌و گرووپه تیرۆریستیه‌وه ،
ئه‌مه له كاتێكدایه هاوكاتی هاتنی داعش ده‌یان كێشه‌ی بژێویی و دانه‌مه‌زراندن
و بێكاریی یه‌خه‌ی لاوان و جه‌ماوه‌ری خێر له‌خۆنه‌دیوی كوردستانیان گرتبوو ، كه
تا ئێستاش به‌رده‌وامه ، كه زه‌مینه‌و بیانوویه‌كی له‌باره بۆ دژایه‌تی ئه‌م ئه‌زموونه
، به‌ڵام نازانم هۆی چیه به‌رپرسانی هه‌رێم له‌بری پاداشتدانه‌وه‌ی مامۆستایان ،
به‌و شێوه‌یه بێحورمه‌تیان به‌رانبه‌ر ده‌كه‌ن ؟ ئه‌ڵبه‌ته به‌رانبه‌ر به باشترینه‌كانیان
كه جه‌ماوه‌ر ئه‌و شاهیدییه‌یان بۆ ده‌دات ؟!
نوێترین نوسینەکانی شوان هه‌ورامی
-
شوان هه‌ورامی
14/03/2021
-
شوان هه‌ورامی
27/02/2021
-
شوان هه‌ورامی
02/08/2018
-
شوان هه‌ورامی
25/07/2018
-
شوان هه‌ورامی
16/07/2018
-
شوان هه‌ورامی
23/06/2018