دەبێ کێ سزا بدرێت؟!

وتار/ 19/04/2017 1605 جار بینراوە

ڕێبوار محه‌مه‌د

دەبێ کێ سزا بدرێت؟!
ڕێبوار محه‌مه‌د
وەک وەفایەک بۆ خۆڕاگری مامۆستایان و پاش 44 ڕۆژ پشوو گرتن و چاوەڕوانی ڕوبعێک مووچە ، پەروەردەی ڕۆژهەڵات 39 مامۆستای قوتابخانەی (ئاراس)ی بنەڕەتی سزا دا، منیش بەپێویستی دەزانم چەند ڕاستیەکتان بۆ بخەمەڕوو:
1.هیچکام لەبەڕێوبەرێتیەکانی گشتی و ڕۆژهەڵات و ڕۆژئاوا ویەکەی سەرپەرشتیاری و کۆگاکان و سەرجەم بەشەکانیان لەو ڕۆژەدا کە مامۆستای تیا سزا دراوە ،دەوامیان نەکردووە..
2. هیچکام لەم بەڕێوەبەرێتیانەی لە خاڵی یەکەم ئاماژەی پێ دراوە تا ئێستا نەیانتوانیووە خشتەی دەوامیان ڕێک بخەنەوەو تا ئێستا لەهەفتەیەکدا 4 ڕۆژ دەوام دەکەن ..
3.تا ئێستاش بەدەیان قوتابخانەو خوێندنگە لە سنووری هەردوو بەڕێوبەرێتیەکە هەفتەی 4 ڕۆژ دەوام دەکەن و لێپرسینەوەو بەدوادا چونی بۆ ناکرێت،ئەمە جگە لە بێئاگایی هەردوو پەروەردە لەیەکتری و جیاوازی هەرلە پلان و ئامارو تاقیکردنەوەکان و وەرەقەی سۆماو ....هتد..
4.هیچکام لەبەڕێوبەرایەتیە ناوبراوەکان ڕۆژی 3/14 کە یادی لەدایک بوونی بەرزانی بوو زاتی ئەوەیان نەبوو بڵێن پەروەردەکان ناگرێتەوەو سەرەڕای ئەوەی کاتی تاقیکردنەوەکان بوو کردیانە پشوو..
ئێستا خۆتان حوکم بدەن کێ شایستەی سزایە؟!

نوێترین نوسینەکانی ڕێبوار محه‌مه‌د