زیاد بوونی ئەگەری شەڕی پێشمەرگە لەگەڵ حەشدی شەعبی

وتار/ 19/08/2016 843 جار بینراوە

صلاح عه‌لي رشيد

زیاد بوونی ئەگەری شەڕێکی تری کورد و هێزی پێشمەرگە
  لەدوای نەمانی داعش لەگەڵ حەشدی شەعبی و حکومەتی عێراقی
لەمیدیاکانەوە : -
جارێک عەبادی وئێستاش وتەبێژەکەی(سعد حدیسی)
داوای کشانەوەی پێشمەرگەدەکەن لەوناوچانەی بەهۆی شەڕی داعشەوەپێشمەرگەکۆنترۆڵی کردون ، پێشمەرگەش ڕەتی دەکاتەوە.

٭ سەعد حەدیسی، وتەبێژی نوسینگەی راگەیاندنی سەرۆك وەزیرانی عێراق رایگەیاند، دەبێت هێزەكانی پێشمەرگە لەو ناوچانە بكشێنەوە كە لە شەری دژی داعشدا كۆنترۆڵی كردوون.
٭ سعد حەدیسی باسی ئەوەیشی کردووە،کە هەندێك لێدوانی سەركردە سەربازیی و سیاسییەكان كە باس لەوە دەكەن موسڵ بخرێتە سەر هەرێمی كوردستان، لێدوانی تاك لایەنەن و ڕەتدەكرێتەوە.
 ٭ ماوەیەک لەمەوپێش،  لە دوای ئیمزاكردنی پرۆتۆكۆلەكەی نێوان هەرێم و ئەمەریكا وەزارەتی بەرگریی عێراق رایگەیاند، بەپێی یەكێك لە بەندەكانی رێككەوتنامەكە دەبێت پێشمەرگە لە و ناوچانە بكشێتەوە كە لە ئۆپراسیۆنی كۆنترۆڵكردنەوەی نەینەوادا ڕزگاریان دەكات.
 ٭٭ چەند رۆژێك لەمەوپێش حەیدەر عەبادی لە لێدوانێكی هاوشێوەدا داوای وەستاندنی پێشڕەوەییەكانی پێشمەرگە و كشانەوەی لەو ناوچانە كردبوو، كە كۆنتڕۆڵی كردبوو، بەڵام بەرپرسانی هەرێم رەتیان كردەوە لەو ناوچانە بكشێنەوە كە كۆنترۆڵیان كردووە.
ـ بۆیە پێویستە هەرچی زووە سەبەبکاران و بەرپرسانی دۆخی خراپی هەرێم و ئاڵۆزیەکان و درێژەکێشانی ناکۆکییەکان و پەک کەوتنی دامودەزگا شەرعی و حکومی و مەدەنییەکان ، دەست هەڵگرن و هەمووی وەلاوەبنێن وبتوانن لەسنوری تاکەکەسی و لێک تێگەیشتنی حیزبیدا چارەسەری ناکۆکییەکانیان بکەن.
ـ ئێمە دەزانین کە ئەگەر ئێستا هاوپەیمانان هاوکاری هێزی پێشمەرگە دەکەن لەشەڕی دژی داعشدا ، ئەوا لەکاتی هەڵگیرسانی شەڕی نێوان حکومەتی عێراق و هەرێم ، یان حەشدی شەعبی و هێزی پێشمەرگە کەس یارمەتیمان نادات ، وەک کێشەی ناوخۆیی ناوزەد دەکرێت.
ـ لەدرێژەکێشانی گرفت و ناکۆکی و قەیرانەکاندا و سەرهەڵدانی مەترسی لەوشێوەیەدا، هەرلایەنێکی بەرپرسیار لەو نەهامەتییانەی ئێستامان دەبێت  بەرپرسیارێتی ئەوحاڵەتەش لەئەستۆ بگرن و چۆن ئێستا سەبەبکاری ئەم بارودۆخەخراپەن ، لەوکاتەشدا زیاتر هۆکارن.
ـ لەڕوانگەی بەرپرسیارێتی نیشتمانی و ئەخلاقیمانەوە داواکارین لە هەموو هێزەدڵسۆز و خەباتکارەکانی گەلەکەمان دڵسۆزانەتر و حەکیمانەتر و بەرپرسیارانەتر مامەڵەبکەن و ناکۆکییەکانیان وەلاوەبنێن و مێژوویەکی نوێ بهێننە ئاراوە .
ـ هەمومان دەزانین کە لەکاتی تەداخولی هێزی دەرەکی بۆهەر هەرێمێک ، شکۆوسیادەی پێشێل دەبێت و دواتر ناگەڕێنەوە ، وەک لەشەڕی نێوان عێراق ـ ئێران وشەڕی ناوخۆی هەرێم و شەڕی ڕوخانی ڕژێم دا بینیمان کە پاشماوەکانی ئەمریکاو تورکیا و ئیران لەعێراق و هەرێم ماونەتەوە وجێیان نەهێشتوە .

نوێترین نوسینەکانی صلاح عه‌لي رشيد