كاریگه‌رییه‌كانی ترامپیزم له خۆرئاوادا !!
وتار/
02/02/2017
590 جار بینراوە
شوان هه‌ورامی
كاریگه‌رییه‌كانی
ترامپیزم له خۆرئاوادا !!
شوان
هه‌ورامی
شـه‌وی
یه‌كشه‌ممه ( 29 / 1 / 2017 ) خوێندكارێكی فه‌ره‌نسیی زمانی هه‌رێمی كیبیك هێرشێكی
چه‌كدارانه‌ی كرده سه‌ر مزگه‌وتی ناوه‌ندی ئیسلامیی هه‌رێمی " كیبیك " و
له ئه‌نجامدا 6 كه‌سی كوشت و 8 كه‌سی تریشی بریندار كرد ، كه حاڵه‌تی زۆربه‌یان
مه‌ترسیداره‌و له ژێر چاودێری تووندان .
به
پێی وته‌ی پۆلیسی كه‌نه‌داو ده‌سه‌ڵاتدارانی ئه‌و وڵاته ، ئه‌لیكساندر بیسۆنیت ( Alexandre
Bissonnette ) ته‌نیا ئه‌نجامده‌ری ئه‌و تاوانه‌یه ، كه سه‌رۆك وه‌زیرانی كه‌نه‌دا
به كرده‌ی تیرۆریستیی و ترسنۆكانه‌ی ناوبرد .
به
پێی بڵاوكراوه‌كانی ئه‌و راستڕه‌وه په‌ڕگیره بێت ، ناوبراو لایه‌نگری دۆناڵد
ترامپ و ماری لۆپانی فه‌ره‌نسیی و ئیسرائیله .
"جاستین ترۆدۆ" ی سه‌رۆك وه‌زیرانی كه‌نه‌دا به تووندترین
شێوه ناڕه‌زایی خۆی و حكومه‌ته‌كه‌ی له‌م كرده تیرۆریستیه ده‌ربڕیی ، ئه‌مه
دوای ئه‌و هه‌ڵوێسته‌ی دێت كه له دژی بڕیاره‌كه‌ی ترامپ گرتیه‌به‌ر بۆ وه‌رگرتنی
په‌نابه‌ران و رایگه‌یاند رێگه ناده‌ن له‌سه‌ر بنه‌مای بیروباوه‌ڕی ئاینیی وڵاته‌كه‌یان
و به‌هاكانی بخرێنه ژێر پرسیاره‌وه . به‌هه‌مان شێوه‌ش پارته‌كانی كه‌نه‌دا به یه‌كده‌نگیی
ناڕه‌وایی خۆیان به‌رانبه‌ر به‌و كرده تیرۆریستیه ده‌ربڕیی .
هه‌ر
چه‌ند سه‌عاتێ له‌دوای واژۆكردنی بڕیاری قه‌ده‌غه‌كردنی هاوڵاتیانی 7 وڵاتی موسوڵمان
نشین بۆ چوونه ناو ئه‌مه‌ریكا ، مزگه‌وتێك له شارۆچكه‌ی ڤیكتۆریای سه‌ر به شاری
هیوستن له ولایه‌تی ته‌كساس ئاگری تێبه‌ردراو به ته‌واویی سوتا ، شایانی باسه
له‌دوای هاتنی ترامپ ره‌گه‌زپه‌رستیی و تووندڕه‌ویی له ئه‌مه‌ریكادا په‌ره‌ی
گرتووه و مه‌ترسیی جدیی رووبه‌ڕووی هاوڵاتیانی موسوڵمان و لاتینیی و ئه‌فه‌ریقیایی
بۆته‌وه ، به‌تایبه‌تیی موسوڵمانان ، چونكه راستڕه‌وه‌كان ئیسلام یه‌كسان ده‌كه‌ن
به تیرۆر ، بۆ هه‌مان مه‌به‌ستیش ترامپ هه‌مان ده‌سته‌واژه‌ی تیرۆریزمی ئیسلامیی
به‌كار هێنا !!
له‌دوای
سه‌ركه‌وتنی ریفراندۆمی به‌ریتانیا بۆ جیابوونه‌وه له یه‌كێتیی ئه‌وروپا ، راسیزم
و ره‌گه‌زپه‌رستیی په‌ڕگیر له ئه‌وروپادا به‌ره‌و هه‌ڵكشان هه‌نگاوی ناوه ، به
تایبه‌تی ماری لۆپان و پارته‌كه‌ی له فه‌ره‌نسادا زۆر زیاتر له جاران به‌هێز
بوون ، له هۆڵه‌نداو به‌لجیكاو ئه‌ڵمانیاش نیشانه‌ی به‌هێز بوونیان زیاتر ده‌ركه‌وتووه
، ئه‌مه جگه له‌وه‌ی كه له ئه‌وروپای خۆرهه‌ڵاتدا كه ساڵانێكی زۆر له‌ژێر ده‌سه‌ڵات
و هه‌ژموونی كۆمۆنیستیدا بوون ، زۆر زیاتر له ئه‌وروپای خۆرئاوا ، ره‌گه‌زپه‌رستیی
تیایاندا گه‌شه‌ی كردووه‌و ته‌نانه‌ت له مه‌جه‌رو بوڵگاریا و چیكدا گه‌یشتوونه‌ته
ده‌سه‌ڵات و به ئاشكراو راشكاوانه له‌سه‌ر بنه‌مای بیروباوه‌ڕی مه‌سیحیی دژایه‌تیی
په‌نابه‌رانی موسوڵمانی خۆرهه‌ڵاتی ناوه‌ڕاست ده‌كه‌ن ، كه هه‌ر وڵاته‌كانی ئه‌وان
له‌م چه‌ند ساڵه‌دا ملیاره‌ها دۆلار چه‌كیان به لایه‌نه شه‌ڕكه‌ره‌كانی فرۆشتووه‌و
حه‌ز ناكه‌ن ئه‌و تراژیدیایانه به‌م زوانه كۆتاییان پێ بێت ، به‌ڵام له‌ولاشه‌وه
به‌شێوه‌یه‌كی ره‌گه‌زپه‌رستانه مامه‌ڵه له‌گه‌ڵ په‌نابه‌راندا ده‌كه‌ن !!
كاتێ
"ڤیكتۆر ئۆربان"ی سه‌رۆك وه‌زیرانی مه‌جارستان پشتیوانیی خۆی له بۆچوون
و به‌رنامه‌كانی دۆناڵد ترامپ راده‌گه‌یه‌نێت ، بۆ خۆی روونترین نیشانه‌یه كه ره‌گه‌زپه‌رستیی
له ئه‌وروپادا له په‌ره‌گرتندایه‌و مه‌ترسیه‌كی جدیی له‌سه‌ر ئه‌و بنه‌ما مرۆیی
و دیموكراسیانه‌یه كه ده‌یان ساڵه خۆرئاوا شانازییان پێوه ده‌كات .
نوێترین نوسینەکانی شوان هه‌ورامی
-
شوان هه‌ورامی
14/03/2021
-
شوان هه‌ورامی
27/02/2021
-
شوان هه‌ورامی
02/08/2018
-
شوان هه‌ورامی
25/07/2018
-
شوان هه‌ورامی
16/07/2018
-
شوان هه‌ورامی
23/06/2018