كوڕ و كچه‌ باشه‌كانمان : خۆتان و بنه‌ماڵه‌تان تووشی كێشه‌ مه‌كه‌ن

وتار/ 12/01/2017 986 جار بینراوە

م.حسن شه‌مێرانی

( كوڕ و كچه‌ باشه‌كانمان : خۆتان و بنه‌ماڵه‌تان تووشی كێشه‌ مه‌كه‌ن )

من به‌ حوكمی ئه‌وه‌ی ناسراوم له‌م ناوچه‌ی خۆمانا زۆر جار هه‌م كوڕان و هه‌م كچان ته‌له‌فونم بۆ ئه‌كه‌ن به‌ڵكو مامۆستا بڵێ ی ببه‌ ماڵه‌وه‌مان موافقه‌ بكه‌ن له‌سه‌ر شوكردنم به‌ فڵان ، چونكه‌ وه‌عدمان داوه‌ به‌یه‌ك و ناتوانین واز له‌یه‌ك بێنین ، منیش ئه‌ڵێم باشه‌ به‌سه‌ر چاو و ئه‌ڵێم به‌خاوه‌نه‌كانیان به‌ڵام زۆریان موافقه‌ ناكه‌ن و دواتر ئه‌و كوڕ و كچه‌ توشی وه‌زعی خراپ بوون و هه‌ندێكی به‌ خۆسوتاندن و هه‌ندێكی به‌ ڕاكردن له‌ماڵه‌وه‌ بۆلای رێكخراوه‌كانی ئافره‌تان و هه‌ندێكی به‌دڵشكاوی به‌و شێوه‌یه‌ كێشه‌یان بۆ دروست بووه‌ و زیاتریش كچه‌كان ئه‌بنه‌ قوربانی ،

داستانی زۆرم لایه‌ ناكرێ باسی بكه‌م ، جا من ئامۆژگاریم بۆ ئه‌و كوڕ و كچه‌ باشانه‌مان ئه‌وه‌یه‌ : كه‌ ئێوه‌ له‌ سوید ناژین و ووڵاته‌كه‌مان ووڵاتێكی عاشه‌یه‌ریه‌ و پێویسته‌ كارێ نه‌كه‌ن له‌ سنووری شه‌رع و عروفی عه‌شایه‌ری و ڕه‌زامه‌ندی كه‌س و كارتان ده‌رچن ، زۆرێكتان الحمدالله عاقڵانه‌ و دیندارانه‌ ئه‌چنه‌ ناو پرۆسه‌ی هاوسه‌رگیری به‌ ڕه‌زامه‌ندی خۆتان و ئاگاداری كه‌س و كار و هه‌نگاوی دروست و هه‌موو لایه‌ك پیرۆزبایی تان لێ ئه‌كه‌ن ، جا ئه‌وه‌تان كاتی نییه‌ هیچ هه‌له‌وێ نه‌كه‌ن و قبه‌ڵی مه‌كه‌ن ، ئه‌گه‌ر كاتتان بوو نه‌كه‌ن پێش ره‌زامه‌ندی باوك و دایك و برا و كه‌س و كارتان هیچ وه‌عدێك بده‌ن به‌یه‌كتر و ئه‌وه‌تان كاتی ژنهێنان یان شوكردنتانه‌ تا ئه‌و ئه‌ندازه‌ی شه‌رع مه‌جال ئه‌دات ڕازی بن به‌یه‌كتر و به‌و شه‌رته‌ی دوای ئاگاداری و ڕه‌زامه‌ندی كه‌س و كارتان ئه‌گینا خۆشتان و كه‌سوكاریتان تووشی كێشه‌ و سه‌ریه‌شه‌یه‌ ئه‌كه‌ن عاقیبه‌تی زۆر خراپ ئه‌بێت و لێ ی ده‌رتاچن .
حسن شه‌مێرانی