بەناو ئەنفال پەڵەیەكی ڕەش

وتار/ 14/04/2020 428 جار بینراوە

د. ادریس كاریتانی

بەناو ئەنفال پەڵەیەكی ڕەش بەنێو چەوانی ئەوانەی دەستی ئەنفالچیان ڕاكێشاو موستەشارەكانیان پەنادا؟

د.ادریس كاریتانی
تاوانی بەناو ئەنفال لەمێژودا وینەو شێوازی نیە ، ئەگەر ئەم تاوانە لەسەر هەر میللەتێكی خاوەندار ئەنجام بدرابایە، ئێستا بەجینۆساید دەناسرا، تاوانباران دەدرانە دادگا، ئەوانەی لەدادگای لاهای و دادگا نێو دەوڵەتیەكان داواكراون بەئەندازی تاوانی بەناو ئەنفالیان نەكردوە، كەچی نەك تاوانباران نەدراونەتە دادگا بەڵكو دەسەڵاتدارانی كورد بەم شێوازە خزمەتی تاوانباران و ئەنفالچیەكانیان كردوە:
1- پەنادانی بەئاشكرای ئەوانەی دەستی بەعسیان ڕاكێشا، بۆ ئەنفالكردنی ژن و منداڵ و پیرو پەككەتەی ئەم میللەتە لەلایەن دەسەڵاتەوە، ئەمەیان گەورەترین تاوانە و جارێكی تر ئەنفالكردنێكی مەعنەوەیە.
2- دەست تیكەڵكردن و هینانەوەو یارمەتی دانی سەرانی بەعس و حیزبەكەی، هیچ پاساوێك بۆ بانگەشەی كوردایەتی ناهێڵێتەوە.
3- ئەگەر كوردایەتی و دڵسۆزی كەس و كاری ئەنفال، تەنها دەركردنی بەیاننامە بێ‌، صدام حسین یش چەندان بەیاننامەی دەر دەكرد.
4- زۆربەی ئەنفالچیەكان خاوەنی نەك چەند بیناو پارەو دەسەڵاتن، بەڵكو شاری تایبەتی خۆیان هەیە، ئەوەی ئەنفالیش كراوە، نەخانوو نەموچەیەكی باشی هەیە، ئایە ئەمە كوردایەتیە!!!؟.
5- خەڵك ئەنفال كرا كەچی بەرپرسەكانی دەسەڵات بونە ملیار دێر، ئەمە گەورەترین خیانەتە بەرامبەر كەس و كاری ئەنفال.
6- هەرێمی ئێمە بەرەو تاپوكردن دەچێ‌ بەسەر چەند كەسایەتی و بنەماڵەیەك، خەریكە كەس و كاری ئەنفالكراوەكان ببن بە بێگانەو كریچی لەو وڵاتی خۆیان.
7- دەسەڵات دار هەرچی پارەو دەسەڵات و ملك و كومپانیاو نەخۆشخانەو بازرگانیە بۆ خۆتان و كەس و كارو بنەمالەكانتان قورغتان كردوە. چۆن ڕوتان دێی باسی كەس  و كاری ئەنفال بكەن.
8- یەك جار بەچاوی ویژدانەوە تەماشای خۆتان و ماڵ و سەروەت و دەسەڵاتەكەتان بكەن، لەگەل كەس و كاری شەهید و ئەنفالكراوەكان بەراوردی پی بكەن، لەخۆت بپرسە ئایە كوردی یان گەندەڵكار؟؟؟.
9- ئەگەر شۆڕشتان بۆ ئەوە كرد ببنە سەرمایەدار، چیتر باسی بۆرچوازی و سەرمایەداری مەكەن، ناوی دیموكراسیش لەگۆڕ نێن، چونكە ئەم گەندەڵیە هیچ پیردۆزێكی دونیا لەخۆی ناگری.
10- لەوە دڵنیا بن لەڕژێمەكانی دونیا بەهێزترو پشت ئەستور تر نابن، تەنها جارێك ئاوڕێك لەچارەنوسیان بدەوە، دڵنیام هەڵوەستە دەكەی  ، لەخۆت بپرسە ئەوەی بۆ پیشی تۆ نەما بەخودا بۆ تۆش نامینێ‌.

نوێترین نوسینەکانی د. ادریس كاریتانی