کۆنگرە و حیزب و قسەی جەماوەر..!

وتار/ 02/01/2020 726 جار بینراوە

كۆچه‌ر محمد عارف

کۆنگرە و حیزب و قسەی جەماوەر..!

کۆچەر محمد عارف
کاتێک ئاوێته و هاوزمانی میلەتی خۆت بیت، خۆت بە داینەمۆی فەرهەنگی  و کەلتوری کۆمەڵگەکەت بزانی ، یاخود هەوڵ و تەقەلای ئەو داینەمۆیە بدەیت و،  ئامادەگی نوێبوونەوەو کارنامەو هێڵی گشتیت هەبێت بۆ خزمەتی خەڵک و جەماوەر، کاتێک خاڵ لەسەر پیتانانت بۆ جەماوەر و ئاشنایەتی رووبەری ئەرێنی جەماوەر بێت ؟ ئیدی نابێت، پێت وابێت کەس قسەت لەسەر نەکات ، کەس هەڵسەنگاندن و تێگەیشتنی خۆی بۆ سیاسەت و فیکر و  مامەڵەی فیکری حیزبی و جەماعی تۆ شەن و کەونەکات ، نەخێر ئەوە هەڵەتێگەیشتنە لە کاری ڕێکخراوەی و حیزبی . بەتایبەت لە سەرو سەوداو کاتی بەستنی کۆنگرە، چونکە کۆنگرە گەورەترین دەستەڵاتی باڵایە ، بۆ ستراتیژی چوارساڵی ئایندە و شەن و کەوکردنی بەرنامەی فیکری ، دەبێ چاوەڕێ بیت زۆرترین ڕاو ڕەخنەو سەرنج و پێشنیارت عەرز بکرێت .

هەر بۆیە زیندوترین حیزب، ئەو حیزبەیە خۆی کەشی ئاسای و ئارامبەخش بسازێنێت ، بۆ ئەوەی ڕەخنەی قوڵ و سارێژئاسا بخوڵقێنت و خۆی بخاتە بەر نەشتەری ڕۆشنبیرانی دۆست و نەیاری ، بەم چەشنە ، بێ ماندووبوون و  گەڕان بەدوی نەزیف و خوێنبەربوونەکان، یا خاڵی ئەرێنی و خزمەتی بەرچاوی چوارساڵی ڕابردووی دەخرێتە بەر دید و دیداری هەوادارانی .

هەمان کات هێندە سەقافە و ئاستی ڕۆشنبیری ئەندامەکانی ئەو حیزبە بەرز و بەگۆڕ بکات ، لە کاتی ڕەخنەلێگرتنیان  زمانی توند و قسەی بێ زانیاری نەڵێن و  تۆندئاژۆ نەبن و ، پاش لە فلتەردانی  بیکەنە کۆڵەکەو پایەی نوێ کاری حیزبیان..!

نوێترین نوسینەکانی كۆچه‌ر محمد عارف