پرۆژەیاسایەك ئاڕاستەی پەرلەمان دەكرێت

وتار/ 07/08/2019 981 جار بینراوە

محه‌مه‌د تۆفیق

پرۆژەیاسایەك ئاڕاستەی پەرلەمان دەكرێت

بەناوی خوای گەورەو میهرەبان

‎بەڕێزان دەستەی سەرۆكایەتی و گشت ئەندامانی پەرلەمانی كوردستان سڵاو و ڕێز

‎وازحە كە لە كابینەكانی پێشودا كەمترین لە بەڵێن و كارنامەكان بوون بە كردار ، بەكردار نەكردنی بەڵێن و كارنامەی تەواوی وەزیرەكان ، كۆمەڵانی خەڵكی كوردستانی نیگەران و بێ هیواكردوە بەرامبەر بە حكومەت و وەزیرەكان ، هەر بۆیە لەپێناو ڕەوینەوەی نیگەرانیەكانی خەڵكی كوردستان و لەدایكبوونی حكومەتێكی بەهێز و چالاك كە لەئاست داخوازی میللەتەكەماندا بێت و وەهەروەها ئیجباركردنی وەزیرەكان بە بەكرداركردنی گشت یان زۆرینەی بەڵێن و كارنامەكانیان،ئەم پڕۆژە یاسایەتان ئاڕاستە دەكەم ، دەقی پرۆژە یاساكە ”ماوەی ٢ ساڵی سەرەتای كابینەكە بدرێت بە هەر وەزیرێك كە لە %٣٥ و زیاتری بەڵێن و كارنامەكانی بكات بە كردار ، گەر لەماوەی ئەو دووساڵەدا كەمتر لە %٣٥ كارنامە و بەڵێنەكانی كرد بەكردار ڕاستەوخۆ لەلایەن پەرلەمانەوە بانگهێشت بكرێت و بەكۆی دەنگی ئەندامانی پەرلەمان  لەهەمان دانیشتندا متمانەی لێ بسەنرێتەوە ، وە لەكۆی موچەی ئەو دوساڵەی كەوەری گرتوە لە %١٠ ی غرامەی موچەكەی بكرێت” وە داواكارم كەئەم پڕۆژە یاسایە پاش گفتوگۆ و ڕێكخستن لە لایەن پەرلەمانەوە ، وەك ماددەیەك لە پەیڕەوی ناوخۆی پەرلەمان جێگیر بكرێت.

‎”محمد تۆفیق نەوڕۆڵی”

نوێترین نوسینەکانی محه‌مه‌د تۆفیق