ڕەشبینی ڕۆژنامەنوسان لە داموودەزگا ئەمنیەکان و دادگاکان

وتار/ 04/06/2019 685 جار بینراوە

ڕەوەند عه‌بدڵڵا حەمە

ڕەشبینی ڕۆژنامەنوسان لە داموودەزگا ئەمنیەکان و دادگاکان

ڕەوەند عبدڵلە حمە
بەشێوەیەکی گشتی ئەگەر تەماشای بارو دۆخی ڕۆژنامەنوسان بکەین ، لە کوردستان ژیانیان لەدۆخێکی خراپدا تێپەڕ دەبێت ، بەتایبەت ئەو ڕۆژنامەنوسانەی کە نوسینەکانیان بەدڵی حزبەکانی دەسەڵات نییە تەواو ڕەشبین بوون لە ئەودۆخەی کەلە کوردستاندا دەگوزەرێ  لەبەر ئەوەی دەزگا ئەمنیەکان و لایەنی پەیوەندیدار ناتوانی گرنتی ئەوە بەن بەڕۆژنامەنوسان کە سەلامەت دەبن ، لەکاتی بڵاو کردنەوەی هەربابەتێکدا کە بۆ نەهێشتنی گەندەڵی و باشترکردنی دۆخی گۆمەڵگا و نەهێشتنی ئەوگەندەڵیانەی کە لەداموودەزگا حوکمێکاندا دەگوزەرێ یان ڕێگری کردنی ئەو دەزگا حزبیانەی کە لێدان و ئەشکەنجەدان و کوشتنی ڕۆژنامەنوسان زۆر  ئاسایە لایان و ئەمەلەکاتێکدایە پێشتر جەندین ڕۆژنامەنوس لە گەرمان و کەرکوک و هەولێر و دهۆک  شەهید کراون و ڕوبەڕوی ئەشکەنجە دان بونەتەوە.

لێرەدا لە کوردستان دووجۆر ڕۆژ نامە نووس هەیە:

یەکەم : ئەمە زۆرینەن کە قەڵەم یان فرۆشتووە لە پێناو پارەدا ، ئەم جورە لەڕۆژنامەنووسانە بەرگری لە حزبەکانی دەسەڵات دەکەن و هیچ کات ڕوبەڕوی مەترسی کوشتن و ئەشکەنجەدان نابنەوە و واتە لەپێناو پارەدا ویژدانی خۆیان فرۆش تووە و لەهەموو بەهایەکی مرۆڤ بوون داماڵڕاون و ڕۆڵێکی زۆر قێزەون دەگێڕن، بە خواستو ویستی حزبەکان دەجوڵێنەوە ، خۆی گومانەکە لێرەدا درووست دەبێت بۆچی ئەم جۆرە لەڕۆژنامەنووسانە لەداموودەزگاحزبیەکاندا کاردەکەن بۆ شاردنەوەی گەندەڵی و بەتاڵانبردنی سەروەتو سامانی گشتی لەلایەن حزبەوە ڕوبەڕوی ئەشکەنجەدان و کوشتن نابنەوە؟

دووەم : ئەم جۆرەیان ژمارەیەکی کەمن لەڕۆژنامەنوسان کە هەرگیز لەپێناو پارەدا قەڵەمەکانیان نافرۆشن هەتا لەژیاندابن نوسینەکانیان بۆ باشترکردنی کۆمەڵگاو بنبڕ کردنی گەندەڵییە لە سەرجەم داموو دەزگا حوکمیەکاندا ،بەفیڕۆنەدانی داهاتی گستی ، گەڕانەوەی موڵکی گشتیە ،بەڵام زۆر ڕووبەڕووی کێشە دەبنەوە و چ ئەشکەنجەدانبێت یان هەڕەشە یان کوشتن ، یان دەربەدەرکردن لەوڵات ، بەناچار لەبەر ئەوەی هیچ داموودەزگایەک ناتوانێت کرنتی سەلامەتی ژیانی بکات ، ئەو پڕو پاگەندانە دە ڕاگەیاندنی حزبەکاندا بڵاو دەکرێتەوە باسی یاساو دادپەروەری دەکرێت ، زۆر دوورە لەڕاستیەوە ، لەپێشتردا جەندی ڕۆژنامەنوس ئەشکەنجە دراوە بریندار کراوە، کوژراوە تاوان بارەکان دیارن و یاساش هیچ کات جێبەجێ ناکرێت.

کاتێک دەسەڵات شکست دەخوات لە سەلامەتی گیانی  هاوڵاتیان و ڕۆژنامەنوسان ،هەروەها داڕوخانی ئابوری و بەحزبی کردنی داموودەزگا حوکمیەکان وگەندەڵی لەتەواوی جومگەکانی دەسەڵاتدا، ڕفاندن وکوشتنی ڕۆژنامەنوسان وکەسانی ناڕازی لەدەسەڵات، دەتوانین ناوی بێین سەردەمی تیرۆروتۆقاندنی دەسەڵاتی حزبی لەمێژوی  ڕۆژنامەگەری کوردیدا ، ئه دەسەڵاتە دۆڕاوی بەردەم مافەکانی مرۆڤ و ئەمنیەت و سەلامەتی ڕۆژنامەنووسان و مامۆستا و فەرمانبەرانە هاوڵاتیانە.

نوێترین نوسینەکانی ڕەوەند عه‌بدڵڵا حەمە