پەیامێك بۆ لایەنە سیاسیەكانی كوردستان

وتار/ 31/01/2019 723 جار بینراوە

محه‌مه‌د تۆفیق

پەیامێك بۆ لایەنە سیاسیەكانی كوردستان
‎”محمد تۆفیق”
‎یەك دەنگ نەبوون و یەكڕیز نەبوونتا و ململانێی پۆستەكان و هەوڵەكانتان بۆ بەدەست هێنانی زۆرترین پۆست لە هەرێم و بەغداد ، فاكتۆری سەرەكی خراپی دۆخی ئەمڕۆی كوردستان و كۆمەڵانی خەڵكی كوردستانن ، لەهەر جومگەیەكی ئەم حكومەتەدا هەرلایەنێكتان پشكی بەركەوتبێت بەڕێژە بەرپرسیارە لە دۆخی ئەمڕۆی كوردستان ، وە ئەوەشی كراوە بۆ هاوڵاتیان هیچ ئازایەتیتان نەكردوە و ئەركی سەرشانتانە و ئەوە پیشەكەتانە، هەموو لایەكمان دەزانین گەندەڵی كراوە ، دزی كراوە ، ئیشی نایاسای كراوە، ناعەدالەتی كراوە ، كەموكوڕتی  هەبووە لە بەڕێكردنی بەرپرسیاریەتیەكەتاندا ...هتد ، بەڵام لەگەڵ ئەوەشدا كەسانێك لە ڕیزەكانتاندا بوونیان هەبووە كە دڵسۆزانە خزمەتیان كردوە هەرچەندە كە ئەمانە بەپەنجەی دەستمان دەژمێردرێن بەڵام جێگای دەستخۆشی و ڕێزو تەقدیرن ، وە ئەوەش ڕوونە لە هەموو وڵاتان گەندەڵی و بەرپرسی نا بەرپرس بوونی هەیە بەڵام بە ڕێژەی كەم و زۆر

‎هەر لایەكتان ئەوە باش دەزان یەك بەیەكی هاوڵاتیان و لایەنگرانتان ماندوون ، شەكەتن ، برسین ، كرێچین ، لە دۆخێكی سەختدا ژیان بەڕێ دەكەن ، بێ كار و بێ كاسپین ، هیچ نەبێت بەخاتر لایەنگرانتان و وەفاتان بۆیان   واز لە ململانێ بهێنن ، وە بەو شەراكەتی ڕاستەقینە یەكێتی نیشتیمانی كوردستان باسی لێوەدەكات لە حكومەت بەشداربن و پێكەوە دەست لەناو دەست كۆتای بە ناكۆكیەكانتان بهێنن ، وە پێویستە هەموو پرسەكانی حكومەت و كەركوك و بەغداد بەیەك پاكێج بن و باسی لێوە بكەن لەپێناو بەرژەوەندی هاوڵاتیان و كوردستان ، وە كۆتای بە موزایدە بهێنن ، كۆتای بە گەندەڵی و قسەی باق و بریقەدار بهێنن ، پێكەوە پلان و بەرنامەی چوارساڵی ئایندە دابڕێژن و كوردستان ئاوەدان و ئاوەدانتر بكەنەوە و كۆتای بە نەهامەتی و خراپی دۆخی ژیانی هاوڵاتیان بهێنن

‎وە لێرەوە داواكارم پارتی ویەكێتی گۆڕان و تەواوی ئەو لایەنانەی بڕیاری بەشداری كردنیان لەحكومەت داوە بەجدی و بێ موزایدەو ململانێ بەشداری حكومەتی ڕاستەقینە بكەن و پێكەوە بەرنامە و پلانێكی تۆكمەی سیاسی و ئابوری دابڕێژن بۆ چوارساڵی ئایندە چونكە ئەم كابینەیە دواین چانسی لایەنە بەشداربووەكانی حكومەت دەبێت بۆ چوارساڵی ئایندەتر و خولێكیتر ، وەگەر ئەم چوارساڵە و ئەم كابینە نوێیە چاكسازی و گۆڕانكاری تێدا نەكەن و بەدەم داوای هاوڵاتیانەوە نەچن ئەوا  لەهەمان كابینەدا وەك بۆمب هاوڵاتیان دەتەقنەوە و دەبێتە تەقینەوەیەكی یەكجاری وەها كە هاڵاتیان گوێ بەمەرگیشیان نەدەن بۆ ڕوبەڕوو بونەوەی گەندەڵكاران

نوێترین نوسینەکانی محه‌مه‌د تۆفیق