وه‌زیرێكی ئیسرائیل ده‌بێته جاسوسی ئیتیلاعات
وتار/
21/06/2018
649 جار بینراوە
شوان هه‌ورامی
وه‌زیرێكی
ئیسرائیل ده‌بێته جاسوسی ئیتیلاعات
شوان
هه‌ورامی
له
سه‌ره‌تای ئه‌م هه‌فته‌یه‌دا میدیای ئیسرائیلیی هه‌واڵێكیان بڵاو كرده‌وه ، كه "
گۆنین سێگێڤ " ی وه‌زیری پێشووی وزه‌ی كابینه‌ی ئیسرائیل له‌لایه‌ن وه‌زاره‌تی
ئیتیلاعاتی ئێرانه‌وه وه‌كو جاسوسێكی گرنگ بۆ ماوه‌ی شه‌ش ساڵ زانیاریی لێ وه‌رگیراوه
، ئه‌مه‌ش بوومه‌له‌رزه‌یه‌كی گه‌وره‌ی له‌ناو ئه‌و قه‌واره‌یه‌دا درووست كردووه
، كه هێشتا قه‌باره‌و ئاستی زیانه‌كانی بۆ رای گشتیی بڵاو نه‌كراوه‌ته‌وه ، له‌به‌ر
هه‌ستیاریی بابه‌ته‌كه ، زۆر دووره شتێكی ئه‌وتۆی لێ بڵاو بكرێته‌وه .
ناوبراو
كه له مانگی رابردوودا له وڵاتی گینه‌ی كه‌مه‌ره‌یی ( غینیا الإستوائیة ) له
لایه‌ن ده‌زگای جاسوسی ئیسرائیلیه‌وه ده‌ستگیر كراو گوێزرایه‌وه بۆ ئیسرائیل ،
گومان ده‌كرێت گه‌نجینه‌یه‌كی گه‌وره‌ی زانیاریی دابێته ئه‌فسه‌رانی هه‌واڵگریی ئیتیلاعات
.
سێگێڤ
له ساڵی 2007 وه له نایجیریا نیشته‌جێیه و وه‌زاره‌تی هه‌واڵگریی ئێران ( ئیتیلاعات
) له ساڵی 2012 وه وه‌كو جاسوس به‌كاری هێناوه .
گۆنین
ســــێگێڤ له ناوه‌ڕاستی نه‌وه‌ده‌كانه‌وه ، له‌سه‌ر لیستی پارتی " تسۆمیت "
ی راستڕه‌وی په‌ڕگیر بووه‌ته ئه‌ندامی كه‌نیسێت ( په‌رله‌مانی ئیســرائیل ) ،
دواتر له‌و حیزبه هه‌ڵگه‌ڕایه‌وه‌و په‌یوه‌ندیی به " ئیسحاق رابین " ه‌وه
كرد و كرایه وه‌زیری وزه له حكومه‌تی ئیسرائیلیدا .
له
ساڵی 2004 دا به‌هۆی هێنانی سیی هه‌زار ( 30.000 ) حه‌بی قاچاغه‌وه له هۆڵه‌نداوه
بۆ ئیسرائیل زیندانیی كرا .
ده‌زگای
ئه‌منی ناوخۆی ئیسرائیل ( شاباك ) به‌شێكی زۆر كه‌م له زانیاریی ئه‌ڵقه‌ی كۆتایی
جاسوسیه‌كه‌ی باس كردووه ، له كاتێكدا ئه‌و بۆ ماوه‌ی شه‌ش ساڵ زانیاریی داوه‌ته
ئێرانیه‌كان . شـــاباك ئه‌م تۆمه‌تانه‌ی ئاراسته كردووه : یارمه‌تیدانی دووژمن
له كاتی جه‌نگدا و جاسوســــیی له دژی ده‌وڵه‌تی ئیســـــرائیل .
به
پێی زانیارییه‌كان ئه‌م وه‌زیره دوو جار سه‌ردانی تارانی پایته‌ختی ئێرانی كردووه
و له‌گه‌ڵ ئه‌فسه‌رانی ده‌زگای هه‌واڵگریی ئه‌و وڵاته‌دا كۆبووه‌ته‌وه ، هه‌ر له‌وێ
رێكه‌وتوون له‌سه‌ر شوێنی كۆبوونه‌وه‌كانیان ، كه بریتیی بووه له شوقه و ڤێللا
و شوێنی تایبه‌ت به ئێرانیه‌كان له ده‌ره‌وه‌ی وڵات . هه‌روه‌ها ئامێرێكی به شیفره‌كردنی
نامه‌كانی له ئێرانیه‌كان وه‌رگرتووه ، بۆ ئه‌وه‌ی له كاتی ناردنی زانیارییه‌كاندا
به‌كاری بهێنێت .
به‌ڵام
ئه‌وه‌ی جێگه‌ی پرسیاره بۆ چاودێرانی ئه‌و دۆسیه هه‌ستیاره ئه‌وه‌یه : قه‌باره‌ی
ئه‌و زانیاریانه‌و گرنگیان چه‌نده ، كه ناوبراو به ئێرانیه‌كانی داوه ؟ به تایبه‌تیی
سێگێڤ وه‌زیری وزه‌ی ئیسرائیل بووه‌و زانیاریی زۆر هه‌ستیاری له‌سه‌ر كه‌رتی وزه‌ی
ئه‌و وڵاته له‌به‌رده‌ستدا بووه ، به‌و پێیه‌ش كه ئه‌فسه‌رێكی یه‌ده‌گی سوپای ئیسرائیل
بووه ، زانیاری وردی له‌سه‌ر شوێنه سه‌ربازیی و هه‌واڵگریی و ته‌لار و ئامێره
گرنگه ئه‌منیه‌كانی له‌لا بووه .
ئه‌وه‌ی
كه تا ئێستا له‌م دۆسیه‌یه‌دا ده‌ركه‌وتووه سێگێڤ رایه‌ڵه‌یه‌كی باشی له نێوان
ئه‌فسه‌رانی هه‌واڵگریی ئێران و پیاوانی بواری ئه‌منیی ئیسرائیلدا دروست كردووه ،
به‌و شێوه‌یه‌ی كه ئێرانیه‌كانی وه‌كو پیاوانی كار ( بزنسمان ) به ئیسرائیلیه‌كان
ناساندووه . كه ئه‌مه پرسیارێكی گرنگی له‌لای "عاموس هرئێل " ی توێژه‌ری
رۆژنامه‌ی هائارێتس دروست كردووه : ئایا ئه‌م كه‌سه توانیویه‌تی چه‌ند كه‌سی تر
ببه‌ستێته‌وه به ده‌زگای هه‌واڵگریی ئێرانه‌وه ؟
هه‌رچه‌نده
میدیای ئیسرائیلی ده‌یه‌وێت له نرخی ئه‌و وه‌زیره كه‌م بكاته‌وه كه دووژمن
توانیویه‌تی بیكاته جاسوسی خۆی ، به‌ڵام بابه‌ته‌كه زۆر له‌وه گرنگ تره كه په‌رده‌پۆش
بكرێت ، بۆیه " عه‌میر پێرێتس " ی وه‌زیری پێشووی جه‌نگی ئیسرائیل ئێواره‌ی
دووشه‌ممه ( 18 / 6 / 2018 ) رایگه‌یاند: ئه‌و كاته‌ی كه قه‌باره‌ی زانیارییه‌كان
ئاشكرا ده‌بن ، بوومه‌له‌رزه‌یه‌ك هه‌موو ئیسرائیل ده‌هه‌ژێنێت .
یه‌دیعۆت
ئه‌حرۆنۆت له ژماره‌ی رۆژی سێ شه‌ممه ( 19 / 6 / 2018 ) دا نووسیویه‌تیی : قسه
به‌س له‌سه‌ر ده‌ستگیر كراوێك نیه ، به‌ڵكو قسه له‌سه‌ر كه‌سێكه كه رۆژگارێك
له‌سه‌ر مێزی كابینه‌ی حكومه‌تی ئیسرائیلی دانیشتووه .
ئه‌مه
یه‌كه‌مجار نیه ده‌زگای هه‌واڵگریی ئێران ده‌توانێت دیواره‌كانی ده‌زگای هه‌واڵگریی
ئیسرائیل ببڕێت و گورزی كوشنده‌ی لێ بدات ، پێشتریش توانیبووی " بن زایجه‌ر "
ی ئه‌فسه‌ری ده‌زگای هه‌واڵگریی ده‌ره‌وه‌ی ئیسرائیل ( موساد ) بۆ جاسوسیی به
قازانجی خۆی كۆنترۆڵ بكات و زانیاریی ته‌واوی له‌سه‌ر شانه‌كانی موساد له لوبنان
لێ وه‌ربگرێت و هه‌موویان ده‌ستگیر بكرێن . به‌ڵام هه‌ستیاریی سێگێڤ له‌وه‌دایه
كه پێشتر وه‌زیر و ئه‌فسه‌ر بووه‌و زانیاریی زۆر گرنگی له‌به‌ر ده‌ستدا بووه .
له‌م
دۆسیه‌یه‌دا ئه‌وه‌ی جێگه‌ی باسه ئه‌وه‌یه ، ده‌زگای هه‌واڵگریی ئێران زۆر پیشه‌گه‌رانه
كاریان كردووه و زانیویانه سێگێڤ له حاڵه‌تێكی دارایی خراپدایه ، بۆیه له‌و
ده‌روازه‌یه‌وه كۆنترۆڵیان كردووه .
هه‌ندێ
چاودێری بواری ئاسایش بڕوایان وایه ، سیناریۆی نیشاندانی زانیاریی له‌سه‌ر دۆسیه‌ی
ئه‌تۆمیی ئێران له‌لایه‌ن " بنیامین ناتانیاهۆ " ی سه‌رۆك وه‌زیرانی ئیسرائیل
له مانگی رابردوودا ، ته‌نیا بۆ شاردنه‌وه‌ی ئه‌م شكسته گه‌وره‌یه كه ده‌زگای
هه‌واڵگریی ئێران به‌سه‌ر ئه‌و وڵاته‌یدا هێناوه .
هه‌ندێكی
تریش بڕوایان وایه ئیسرائیل به ئاشكرا كردنی ئه‌م دۆسیه‌یه ده‌یه‌وێت زیاتر سۆزی
ترامپ و ئیداره‌كه‌ی به‌لای خۆیدا رابكێشێت ، به‌و پێیه‌ی كه ئیسرائیل له به‌رده‌می
مه‌ترسیی به‌رده‌وامی ئێراندایه و به‌م شێوه‌یه خۆی وه‌كو قوربانیی نیشان بدات .
یاساناسان
بڕوایان وایه گۆنین سێگێڤ دوو بڕیاری دادگا چاوه‌ڕوانیی ده‌كات ، یا 15 ساڵ زیندانیی
ده‌كرێت ، یا له‌سێداره ده‌درێت ، كه ئه‌گه‌ر دووه‌میان بێت ، ئه‌وا ده‌بێته
دووه‌مین كه‌س به تاوانی خیانه‌تی جاسوسیی له‌سێداره ده‌درێت ، كه یه‌كه‌م كه‌س
مه‌ئیر تۆبیانسكی بوو كه له ساڵی 1948 دا به هه‌مان تۆمه‌ت له‌سێداره درا .
نوێترین نوسینەکانی شوان هه‌ورامی
-
شوان هه‌ورامی
14/03/2021
-
شوان هه‌ورامی
27/02/2021
-
شوان هه‌ورامی
02/08/2018
-
شوان هه‌ورامی
25/07/2018
-
شوان هه‌ورامی
16/07/2018
-
شوان هه‌ورامی
23/06/2018