هونەری جەنگ .. ؟ یا هونەری خۆپاراستن لە جەنگ ..؟؟

وتار/ 18/10/2017 1214 جار بینراوە

أكبر غريب أحمد

هونەری جەنگ .. ؟  یا هونەری خۆپاراستن لە جەنگ ..؟؟
ـــــــــــ
اکبر غریب احمد

( قازانجی ترس و زیانی جورئەت )
گەلی کورد لەبەردەم هەڵبژاردنی یەکێک لەم دوو دەستەواژەدا :

 هەندێک جار پەلەکردن لە  گەورە بوون کۆمەڵێک مەترسی دەهێنێتە پێشەوە بەجۆرێک تەواوی دەستەکەوتەکانی ڕابردووش لەدەست دەدەی ،
وەک چۆن لە پێکهاتەی بایۆلۆژی لەشدا بەهۆی تێکچوون لە دەردانی هۆڕمۆنەکاندا گەورە بوونی نا ئاسایی دێتە کایەوە بەهەمان شێوەش ئەگەری گەورەبوونی نا ئاسایی گەلیش دێتە بوون ،

وە مەرج نیە هەموو کاتێک جورئەت باشتربێت لە ترس ، هەندێک جار ترس هۆکاری سەرکەووتن و زیاتر نزیک بوونەوەیە لە ئامانج ،
بۆیە نیشانەکانی سودی ترس هەندێک جار لێرەدا بەرجەستە دەبێت ،

بەڵام  ترس  لە چی  ؟؟
ترس لەو دووژمنەی بەرامبەرت نا کە تەواوی سەرکەوتنەکانی لەهێزوو چەک و مەچەکدا دەبینێتەوە !
بەڵکوو ترس لەو هەنگاواوو بڕیارانی خۆت کە دەزانی چارەنووسی گەلێک و نیوو سەدە ئەزموونی قووربانی و خوێنی چەندین هەزار شۆڕشگێڕوو
چەندین مناڵ و دایک و باوکی پیروو کوڕی گەنجی  ئەنفال کراوو کیمیابارانی  پێوە بەستراوە ،

بۆیە ترس لەدەستانی جوگرافی و کلتوروو ئەزموون خۆی بۆ خۆی هونەری جەنگ و  بوێری و شۆڕشگیری و ژیریە ،

لەڕاستی دا کیان درووست کردن کارێکی ئاسانە تەنها پێوویستی بەچەند جەنگاوەرێک هەیەو بەس !
بەڵام ئەوەی قورس و گران و ناڕەحەتە پاراستن و سەرخستێنێتی بەرەو دوونیای مۆدێرن و کاروان و قافڵەی خۆشگوزەرانی و کەناری ئارمی ئەگین چۆنێتی درووستکردنەکەی هەرگیز قورستر نیە لە چۆنێتی  پاراستنەکەی وەلێ  گەلی کورد هەرچی قۆناغی قورس و نارەحەتی و جۆری چەوساندنەوە هەیە بینوێتی تا  گەشتوە بە ئێستا ،

بەڵام بیرمان نەچێت  بڕیاری ئەمڕۆ سبەینێمان لێ تێک نەدا ئەبێت ئەوە بزانین شەڕ و جەنگ لە ئێستادا بۆ ئێمەی کورد براوەیی تێدا نیە لەڕاستی دا هەموو شەڕێک لەئەسڵدا واتای دۆڕانە بەتایبەت بۆ ئەم قۆناغەی گەلی کورد کە هێشتا لە پەرتەوازەی ناوخۆی و قەیرانی دارایی دەربازیان نەبوە ،

خراپترین کار لە سیاسێکاندا ئەوەیە کەلەکاتی بڕیاری جەنگ بەرژەوەندوو ئەزموون وو چارەنووسی گەلەکەی لەبیر نەبێت ،

ئێمە ئەو شتەی داخوازی دەکەین زۆر گەورەیە بۆیە زۆر گرنگە خۆمان بچوک نەبین ،
لەبەردەم ئەم ژینگەو کەش و هەواو گۆڕانکاریە سیاسیەیی  ڕۆژهەڵاتی ناوڕاستدا پێویستە گەورە بیربکەینەوە هەنگاوی وورد بنێیین  بۆ گەشتن بەئامانجی گەورە ،   
دەبێت هەستین لەخەو بۆگەشتن بەخەوەنەکانمان ،
بەیەک ڕەنگ و دەنگ و دیدوو دەست بترسین لە هەنگاوی هەڵەو جەریئ بین لە هەنگاو بەرەو سەرکەوتن  ...

بۆیە لە ئێستادا هونەری خۆپاراستن لەجەنگ وانەیەکی پێویسترە لەهونەری جەنگ ....

نوێترین نوسینەکانی أكبر غريب أحمد