ده‌رباره‌ی گۆڕان و كۆمه‌ڵ
وتار/
18/08/2017
759 جار بینراوە
له‌تیف فاتیح فه‌ره‌ج
ده‌رباره‌ی گۆڕان و كۆمه‌ڵ
له‌تیف فاتیح فه‌ره‌ج
1
له 2003ه‌وه به به‌رده‌وامی تۆمه‌ت ده‌درێته پاڵ كۆمه‌ڵی
ئیسلامی و چاڵی بۆ هه‌ڵده‌كه‌نرێت، هه‌وڵی په‌راوێز خستنی ده‌درێت و ده‌یانه‌وێ بیكه‌نه‌ده‌ره‌وه‌ی
یاریه‌كه ،راپۆرتی له سه‌ر ده‌درێته ئه‌مه‌ریكاو ئه‌وروپا ، هه‌وڵ ده‌درێت وه‌ك
تیرۆریست وێنا بكرێت ، داكۆكی كاری ئه‌و حزبه نیم ، به‌ڵام ته‌واوی ئه‌و بوختان و
تۆمه‌تانه په‌یوه‌سته به هه‌ڵوێستی كۆمه‌ڵی ئیسلامیه‌وه ، ئه‌وه‌ی مایه‌ی هه‌ڵوه‌سته‌یه
، ئه‌وانه‌ی تۆمه‌ت ده‌به‌خشنه‌وه خۆیان مێژوویان لیپه له خراپه‌و نادادی ، هه‌ڵبه‌ت
بۆ پێكه‌وه هه‌ڵكردنی سیاسی و پێكه‌وه ژیانی ئاشتیانه ،دۆزینه‌وه‌ی هاوبه‌شیه‌كان
گرنگه نه‌ك گه‌وره كردنه‌وه ی جیاوازیه‌كان، ئایه له نێوان كۆمه‌ڵی ئیسلامی و
ئه‌وانی تردا خاڵی هاوبه‌ش زیاترن ، یان خاڵی جیاواز ، خاڵی هاوبه‌ش له چاره‌نووس
و یه‌ك نیشتمانی و پێكه‌وه هه‌ڵكردن ، نه‌ك ئه‌وه‌ی كۆمه‌ڵی ئیسلامیش شه‌ریكی
نادادی و سته‌م و گه‌نده‌ڵیه‌كان بێت .
2
له ماوه‌ی رابردودا بزوتنه‌وه‌ی گۆڕان و كۆمه‌ڵی ئیسلامی پێكه‌وه‌یی
و لێكحاڵی بوونێكی باش له نێوانیاندا هه‌بووه ، بۆ ئه‌مه هه‌وڵدراوه هه‌رچۆنێكه
ئه‌و په‌یوه‌ندیه هه‌ڵوه‌شێنرێته‌وه ، له سه‌ر ئاستی سه‌ركردایه‌تی حزبی دیكه
هه‌بووه ، له میدیاداو به ئاشكرا گوتویه‌تی ناكرێ وه‌ك یه‌ك سه‌یری گۆڕان و كۆمه‌ڵ
بكرێت ، نه‌ك ئه‌وه هه‌وڵدراوه دوو وێنه‌ی جیاواز له‌و دوو حزبه نیشان بدرێت بۆ
ئه‌وه‌ی بنكردایه‌تیان بكرێن به گژ یه‌كترا ،به‌ڵام هاوهه‌ڵوێستیان له زۆر پرسی
میلله‌ته‌كه‌یاندا وای كردووه ، كه ئه‌و هه‌وڵانه هیچ به‌روبومێكیان نه‌بێت ، رێگای
دروست ئه‌وه نیه كه كار بۆ شێواندنی په‌یوه‌ندیه‌كان بكه‌ین ، رێگای دروست ئه‌وه‌یه
چۆن جیاوازیه‌كان كه‌م بكرێنه‌وه ، كه‌مكردنه‌وه‌ی جیاوازیه‌كان بۆ ئه‌وه‌ی له‌و
رابردووه ، پڕ له ململانێی نادروست و ناجۆریه رزگارمان بێت ، رابردووی سیاسی و
پێكه‌وه هه‌ڵكردنی ئێمه هه‌قه ببێته وانه، بۆ ئاینده‌ی باشتر ، نه‌ك ببێته
وانه بۆ لاسایی كردنه‌وه‌ی .
3
له سوره‌تی قوره‌یشا له ئایه‌ته‌كانی 3و4 باسی خۆراك دابینی
بۆ به‌گژاچونه‌وه‌ی برسێتی و ئاسایش له نیگه‌رانیدا ده‌كات ، گۆڕان و كۆمه‌ڵ كارێكی
باشیان كردووه ، بژێوی خه‌ڵك و موچه‌و ته‌ناهییان به هه‌ند وه‌رگرتووه ، بۆ هاوڵاتیانی
كوردستان ، ده‌بوو كۆی لایه‌نه‌كانی دیكه له‌م پرسه‌دا هاوشانی ئه‌وان بان ، نه‌ك
هه‌وڵی دورخستنه‌وه له یه‌كتر بدرێت ، وه‌ك چۆن ئه‌و هه‌وڵه له قۆناغێكا بۆ
دوور خستنه‌وه‌ی یه‌كگرتووی ئیسلامی و دواتریش یه‌كێتی درا ، ئێستا دوای ئه‌و هه‌موو
ناجۆریه ،پێویسته ئه‌و هه‌وڵه موخابه‌راتیانه‌ی هه‌ڵوه‌شانه‌وه واز لێبهێنرێت
و بیر له ئاینده بكرێته‌وه ، بۆ 5لایه‌نه سه‌ره‌كیه‌كه‌ی نێو پارله‌مان و كۆی
ئه‌وانی دیكه‌ش ئه‌وه باشتره كار له سه‌ر توند كردنی گرێكه نه‌كرێت ، تا به
گرێ كوێره بوون ، هه‌وڵی تێكدانی په‌یوه‌ندی نێوان لایه‌نه‌كان نه‌خۆشیه‌كی سیاسی
كوشنده‌یه ، به‌ڵام ئه‌و نه‌خۆشیه هێشتا ناوێكی بۆ دانه‌نراوه .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020