پارله‌مان و سه‌ر و پێ ته‌ققه‌و شیعر
وتار/
16/01/2021
469 جار بینراوە
له‌تیف فاتیح فه‌ره‌ج
پارله‌مان و سه‌ر و پێ ته‌ققه‌و شیعر
له‌تیف فاتیح فه‌ره‌ج
1
رێك له‌و كاته‌دا كه پارله‌مانی كوردستان له سه‌ر شیعرێك ده‌رگای دادگا
له شاعیرێك ده‌گرن ، بانكێكی لوبنان نزیكه‌ی 300 ملیۆن دۆلاری هه‌رێمی كوردستان
ده‌ستبه‌سه‌ر ده‌كات ، دیلۆیت گه‌وره‌ترین شه‌رمه‌زاری فرۆشی نه‌وت ئاشكرا ده‌كات ، كه‌چی ئه‌مانه هیچیان
پارله‌مان ناجوڵێنن، به‌ڵام شیعرێك قوشقیان ده‌كات، خودایه ئه‌گه‌ر شێخ ڕه‌زای تاڵه‌بانی
له عه‌سری ئه‌م پارله‌مانه‌دا ژیابا چی به‌سه‌رده‌هات ، پارله‌مان نه‌بانه له‌وه‌ی
حزبه گه‌وره‌كانی كوردستان مه‌كینه‌ی جنێو ، سوكایه‌تی و شكاندنی كه‌سێتی كوردیان
خستوه‌ته گه‌ڕ و گه‌ڕ به شاعیرێك ده‌فرۆشێ به شیعر ڕه‌خنه له بارو دۆخه‌كه
ده‌گرێت ، شاعیرێك كه خه‌ونی ئه‌وه‌یه سبه‌ینێ ی كورد له ئه‌مڕۆی باشتر بێت .
2
شێخ كه‌ریم شاعیرێكی قه‌له‌نده‌ر بوو له قه‌ره‌هه‌نجیر ده‌ژیا ، ئه‌و له
شوێنێكا ده‌ڵێت :
هه‌زار برین و ده‌ردم پێوه‌یه
هێشتا
هی ترم بۆ به‌ڕێوه‌یه
كه قسه هاته سه‌ر شیعر خه‌راپ نیه بڵێم له دیوانێكدا كه‌له‌م رۆژانه
چاپكراوه دوو دانه شیعری خۆم به كه‌مترین گۆڕانكاریه‌وه دیته‌وه ، به‌ڵام ئیتر
كابرا ناوی خۆی خستوه‌ته سه‌ر ، جاكورد ئه‌و هه‌موو برینه‌ی پێوه‌یه‌و ته‌ققه‌ی
سه‌رو پێشی هاته سه‌ر ، ته‌ققه‌كردن له به‌رنه‌مانی سه‌رو پێ ، كێشه‌یه‌كی گه‌وره‌ی
مرۆڤی كورد ئاشكرا ده‌كات ، مرۆڤێك هه‌میشه له خه‌می ورگیدایه ، مرۆڤێك مێشك و
ئاوه‌زیشی خستوه‌ته خزمه‌تی بیركردنه‌وه له ورگیه‌وه ، ته‌ققه‌كه‌ره‌كان له
هه‌ولێر بن یان له سلێمانی و دهۆك هه‌میشه له خه‌می ورگیاندان ، ئه‌مه مایه‌ی
رامان نیه ؟
3
زۆر جار له به‌ر خۆمه‌وه ده‌ڵێم ئێمه خه‌ریكی سه‌ر هێشه‌یه‌كی گه‌وره‌ین
له ته‌ك خه‌مێكا ده‌ست و په‌نجه نه‌رمده‌كه‌ین ، كه زوو تر له واده‌ی خۆی مرۆڤ
پیر ده‌كه‌ن ، ئاخر میله‌تێك سه‌ركردایه‌تیه‌كه‌ی به ره‌خنه بڵێن "جوته وه‌شاندن"
و كه‌سیش نه‌بێت سزای بدات و له‌ولاشه‌وه سه‌رۆكایه‌تی پارله‌مانه‌كه‌ی له سه‌ر
شیعرێك شاعیرێك بده‌نه دادگا ، چاوه‌ڕوانی چی لێده‌كه‌یت .
4
ئه‌رێ نه‌مزانی دادوه‌ره‌كه داوای هه‌ڵگرتنی پارێزبه‌ندی
له سه‌ر عه‌لی حه‌مه ساڵح و دابان محه‌مه‌د كردبوو یان له سه‌ر شه‌قوه‌شێنه‌كانی
نێو پارله‌مان ، به‌ڕاستی رۆژگارێكی سه‌یره گوڵم .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020