مه‌كته‌بی سیاسی و مه‌لها
وتار/
14/03/2021
375 جار بینراوە
له‌تیف فاتیح فه‌ره‌ج
مه‌كته‌بی سیاسی و مه‌لها
له‌تیف فاتیح فه‌ره‌ج
1
تۆ بڕوانه میله‌تێك ئومێد له سه‌ر خه‌ڵكانێك هه‌ڵبچنێ
كه له حزبا ده‌بنه مه‌كته‌بی سیاسی و پیاوی ئاوه‌زمه‌ند ، كه‌چی كاری ئه‌و
كردنه‌وه‌ی یانه‌ی شه‌وانه‌و خانه‌ی له‌ش فرۆشی بێت ، ئاخر ده‌بوو مه‌كته‌بی سیاسی
پڕۆژه‌و به‌رنامه‌ی هه‌با بۆ كێشه‌و ئاڕیشه‌كان ، ده‌بوو به‌رده‌وام قسه‌و هه‌ڵوێستی
هه‌بوایه له سه‌ر بارو دۆخ و رێگه چاری گرفته‌كانیشی زانیبا ، نه‌ك له چین و
ماچینه‌وه كچانی به‌د به‌خت بێنێت و لێره داهێنان له كه‌ڵه‌كه كردنی دۆلارا
بكات .
2
بروسكه‌وسه‌ره خۆشی لێدان بۆ مه‌رگی موسته‌شارو شینگێڕی
بۆی هه‌مان لاسایكردنه‌وه‌یه كه موسته‌شار به شه‌هید له قه‌ڵه‌م ده‌درێت و له
ته‌نیشت ناوی ئارام و ئازاد هه‌ورامی و زۆری دیكه‌وه شه‌هیدانه‌ی بۆ ده‌بڕێته‌وه
، حزبگه‌لێك دایكانی ئه‌نفال له به‌رده‌م بانكه‌كان وه‌ك سواڵكه‌ر رابگرن و دیوه‌خانانه
بۆ موسته‌شارو جاشه‌كان ببڕنه‌وه ، هه‌رگیز ئومێدی هیچتان پێیان نه‌بێت له نه‌هامه‌تی
و وێرانی زیاتر .
3
چوون بۆ لای مناڵی گیراوه‌كانی بادینان و له ئامێز گرتنیان
، لاسایكردنه‌وه‌ی بانگكردنی ئامه‌دو شیرین ئه‌مین و دایكی كاوه‌ی جوانه‌مه‌رگ و ماچكردنی ئامه‌ده‌و
ئه‌مه‌ش درێژكراوه‌ی هه‌مان ململانێی مه‌لای و جه‌لالیه ، له بری ئه‌و چیرۆكانه
ئه‌و قۆناغه تێپه‌ڕێنن و چیتر ئه‌و هه‌موو
سوكایه‌تیه به مرۆڤی كورد مه‌كه‌ن .
4
درێژه دان به گرتن و راوه‌دوونانی ده‌نگه ئازادو جیاوازه‌كان
، هه‌ر بۆ كپكردنی ئازادی و لێسه‌ندنه‌وه‌ی مافی ووتن و نووسین نیه ، به‌شێكیشه
له سوكایه‌تی به‌و هه‌موو كونسڵگه‌ری و نوێنه‌رایه‌تی وڵاتانه‌ی كه له هه‌رێم
كراونه‌ته‌وه‌و بۆ داكۆكی له ئازادی خه‌ڵك هیچیان له باردا نیه‌و خه‌ڵك گومان له
داخزان و داڕزانیان ده‌كات .
5
هه‌مووتان ببنه شاهیدو گه‌واهیده‌ری رۆژگارێك تێیدا
خائین و گه‌نده‌ڵ و سته‌مكارو چه‌ته ئاسوده‌و بڕیاربه ده‌ستن و نیشتمان په‌روه‌رو
قوربانی و ئازادیخوازان په‌راوێزخراو ، رۆژگارێك كه‌ڕه‌نگه وه‌ها تاریكتر نه‌بووبێ .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020