بارزانی له نێوان دوو ئاڵای توركیادا
وتار/
24/08/2016
799 جار بینراوە
له‌تیف فاتیح فه‌ره‌ج
له گه‌ڵ گه‌یشتنی مه‌سعود بارزانی به توركیا ، سوپای توركیا
چڕ تر په‌لاماری جه‌رابلوس و په‌یه‌ده‌و سوپای سوریای دیموكراتی داو له ئاكامی بۆردومانی
توركیا 29 كه‌س له جه‌رابلوس گیانیان له ده‌ستداوه، ده‌بوایه مه‌رجی بارزانی بۆ
چونی بۆ توركیا له‌م كاته‌دا ڕاگرتنی په‌لاماری جه‌رابلوس بوایه ، نه‌ك ئه‌وه‌ی
هه‌ر به گه‌یشتنی ئه‌و ئه‌ردۆغان داعش و په‌یه‌ده بخاته تای یه‌ك ته‌رازوه‌وه
، میدیاكانی توركیا وێنه‌یه‌كی بارزانیان له نێوان دوو ئاڵای توركیادا نیشاندا ،
میدیاكانی پارتی چۆن كاتی خۆی شانازیان به دانانی ئاڵای كوردستانه‌وه كرد ، ده‌بوو
ئێستاش ڕه‌خنه‌ی ئه‌و وێنه‌یه بكه‌ن ، چونكه توركیا هیچ شتێ بێمه‌به‌ست ناكات ،
ده‌ی بارزانی له توركیا گوتی له گه‌ڵ توركیا له‌سه‌ر قوتابخانه‌كانی گوله‌ن ڕێكه‌وتین.
پێشتر میدیاكانی پارتی گوتیان پرسی پرۆسه‌ی ئاشتی یه‌ك له ته‌وه‌ره سه‌ره‌كیه‌كانی
گفت و گۆی نێوان بارزانی و ئه‌ردۆغانه ، په‌كه‌كه ده‌رگای ئاشتی كردوه‌ته‌وه ،
لێ ئه‌ردۆغان وه‌ڵامی ئه‌وه‌ی به په‌لاماری په‌یه‌ده دایه‌وه ، گه‌لۆ ئیدی گفت
و گۆی ئاشتی چۆن و به چ شێوازێك؟.
ئێمه كه ڕه‌خنه له بارزانی ده‌گرین ، بۆ ئه‌وه‌یه كێماسی
و كه‌م و كورتیه‌كان نیشان بده‌ین ، بارزانی هه‌یه بۆ یه ڕه‌خنه‌ی لێده‌گرین ،
با كه‌س خۆ نه‌كات به پارێزه‌ری ئه‌و ، ده‌ی فه‌رموو با پارێزه‌ره‌كانی به
بارزانی بڵێن له توركیاوه بروسكه‌ی سه‌ره‌خۆشی بۆ كوشتنی 29كه‌سی جه‌رابلوس بدات
، ئه‌و سه‌فه‌ره‌ی بارزانی چووه ئامه‌د و به‌شداری ئاهه‌نگی به كۆمه‌ڵی هاوسه‌ر
گیری كچان و كوڕانی توركیای كرد ، له‌ماردین مه‌ڕیان له به‌ر پێی سه‌ربڕی ،
بارزانی گوتی ئه‌م خاكه ئه‌وه‌ته‌ی هه‌یه خوێنی له‌سه‌ر ده‌ڕژێ پێویست ناكات ئیدی
خوێنی له‌سه‌ر بڕژێ ، ئێمه ئه‌و قسه‌یه‌مان زۆر به بایه‌خه‌وه بینی ، میدیا
كاره توركه‌كانیش هه‌ر وا سه‌یریان كرد ، لێ ئه‌مڕۆ له گه‌ڵ گه‌یشتنی بارزانیدا
له بڕی خوێنی مه‌ڕ توكیا 29 هاوڵاتی جه‌رابلوسی خه‌ڵتانی خوێن كرد.
ڕاستی ئه‌گه‌ر ده‌روێشه‌كانی ئه‌ردۆغان دڵگران نه‌بن من هیچ جیاوازیه‌ك
له نێوان ئه‌ردۆو سه‌دام و ئه‌تاتورك و ئه‌حمه‌دی نه‌ژادو بكوژه‌كانی دیكه‌ی
كوردا نابینم ، هه‌ڵبه‌ت به‌لایشمه‌وه ئاساییه سه‌ركرده‌یه‌كی كورد هه‌ریه‌ك له‌وانه‌ی
بینیبێ یان ببینێت ، ئه‌وه‌م به لاوه ئاسای نیه ، میوانداریه‌كه میوانداریه‌كی
نامه‌ردانه بێت ، توركه‌كان زۆر نامه‌ردانه میوانداری بارزانیان كرد ، ڕێك له
گه‌ڵ گه‌یشتنی ئه‌ودا لوله‌ی زریپۆشه‌كانیان كرده جه‌رابلوس و په‌یه‌ده ، ئه‌م
نه‌ریته چه‌ند بۆ بارزانی قورسه هه‌زار ئه‌وه‌نده بۆ توكیاو ئاكه‌په ناجوامێرانه‌یه
، ئاخر چۆن ده‌بێت میوانداری له كوردێك بكه‌ن و له‌ولاشه‌وه برای كورده‌كه
بكوژن.
ئه‌وه‌شمان بیر بێت ئه‌مجاره‌ش وه‌فده‌كه‌ی بارزانی وه‌فدێكی
حزبی بوو نه‌ك كوردستانی ، ئه‌وه‌ش مه‌سه‌له‌یه‌كی دیكه‌یه .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020