تكایه قڕكردنى باڵنده و ئاژه‌ڵه‌كان رابگرن
وتار/
26/04/2017
694 جار بینراوە
مه‌عروف مه‌جید
تكایه قڕكردنى باڵنده و ئاژه‌ڵه‌كان رابگرن
به داخه‌وه له ماوه‌ى رابردوودا چه‌ندین دیارده‌ى نه‌شیا و قێزه‌ون به‌رامبه‌ر ئاژه‌ڵ و باڵنده كێوییه‌كان كرا كه به درندانه‌ترین شێوه له‌ناوبران .
دوێنىَ له گه‌رمیان ئه‌مرۆ له هه‌ڵه‌بجه و ده‌ربه‌ندیخان به‌یانى له‌سه‌ر ئاستى هه‌موو هه‌رێمى كوردستان، كه‌سانى نه‌خۆش ئه‌و كاره بێزراوه دووباره ده‌كه‌نه‌وه .
ئێمه له رێكخراوى ئاینده بۆ پاراستنى ژینگه وێراى ئیدانه‌كردنى سه‌رجه‌م ئه‌و كاره نه‌شیاوانه‌ى به‌رامبه‌ر به ژینگه‌ى كوردستان ده‌كرێت، نیگه‌رانیش به‌رامبه‌ر كه‌مته‌رخه‌مییه‌كانى حكومه‌ت و لایه‌نى په‌یوه‌ندیدار ده‌رده‌بڕین كه وه‌كو پێویست نه‌یان توانیوه سزاى ئه‌و كه‌سانه بده‌ن كه به‌و كارانه هه‌ڵده‌ستن، به‌تایبه‌تى ئه‌و كه‌سانه زۆربوێرانه وێنه‌ى خۆیان بلاَوده‌كه‌نه‌وه له‌تۆڕه‌كۆمه‌لاَیه‌تییه‌كان .
به‌شێك له‌و ڕاوچییه دڵره‌قانه به پشت و په‌ناى حزب و به‌رپرسان ئه‌و كاره نه‌شیاوانه ئه‌نجام ده‌ده‌ن ، كه زۆر كات كارمه‌ندانى پۆلیسى دارستانیش ناتوانن لێپرسینه‌وه‌یان له‌گه‌ڵ بكه‌ن توشى كێشه‌و گرفت بونه تا كار گه‌یشته ئه‌وه‌ى شه‌هیدییش بكرێن .
كاتى ئه‌وه هاتووه وه‌زاره‌تى ئه‌وقاف و یه‌كێتى زانایان له بڵندگۆى مزگه‌وته‌كانه‌وه هۆشدارى بده‌نه راوچییه دڵره‌قه‌كان كه با به‌س بێت قڕكردنى ئاژه‌ڵ و باڵنده كێوییه‌كان كه ئه‌وانه هاوسه‌نكى راگرتنى زه‌وین بۆ ئێمه‌ى مرۆڤى دڵرق و بىَ به‌زه‌یی .
ئێمه داوا له لیژنه‌ى فتواى هه‌رێمى كوردستان ده‌كه‌ین ئه‌گه‌ر به شێوه‌ى كاتیش بێت له‌سه‌ر ئاستى هه‌رێمى كوردستان به تایبه‌تى چه‌ند ناوچه‌یه‌كى دیاریكراو ڕاوكردن تێیدا حه‌رامبكه‌ن و چیتر باڵنده وئاژه‌ڵى ئه‌و شوێنانه قڕنه‌كرێن و كۆتاییان پێنه‌یه‌ت.
داواش ده‌كه‌ین سزاى ڕاوكردن ده‌هێنده زیادبكرێت بۆ ئه‌وه‌ى كه‌سانێك بۆ هه‌واو ئاره‌زوى خۆیان كۆتایی به ژیانى سه‌دان ئاژه‌ڵ و باڵنده نه‌هێنن، به‌تایبه‌تى له كاتى گه‌رادانان و بێچوودا، كه به داخه‌وه ئه‌و كه‌سانه هه‌ست به به‌رپرسیارێتى ناكه‌ن و كات و شوێنیان بۆ نییه بۆ قرٍكردنیان .
داواش له سه‌رجه‌م رێكخراوه ژینگه‌ییه‌كان ده‌كه‌ین یه‌ك هه‌ڵوێست بین به‌رامبه‌ر ئه‌و كاره نه‌شیاوانه و داواى هه‌ڵوه‌شاندنه‌وه‌ى مۆڵه‌تى راوكردن بكه‌ین و ئه‌و كه‌س و لایه‌نه‌كانه‌ش ئاشكرا بكه‌ین كه داڵده‌ى راوچییه بىَ به‌زه‌ییه‌كان ده‌ده‌ن .
رێكخراوى ئاینده بۆ پاراستنى ژینگه
نوێترین نوسینەکانی مه‌عروف مه‌جید
-
مه‌عروف مه‌جید
28/06/2021
-
مه‌عروف مه‌جید
20/06/2021
-
مه‌عروف مه‌جید
13/02/2021
-
مه‌عروف مه‌جید
07/12/2020
-
مه‌عروف مه‌جید
04/11/2020
-
مه‌عروف مه‌جید
04/09/2020