ئابڕوچونێكی گەورە!

وتار/ 27/03/2017 1045 جار بینراوە

سیروان رەشید

ئابڕوچونێكی گەورە!
سيروان ره‌شيد
 ئەمرۆ رۆژەكانی پەكخستنی پەرلەمان و رۆژەكانی كاركردنی یەكسان بوو!

ئەمرۆ 26ی 3، وادەی پەكخستنی پەرلەمانی كوردستان بەبەراورد بە كاركردنی ئەم خولەی پەرلەمان دەرەنجامی رەقەمێكی ناخۆش و حەیاچونمان دەداتێ‌ ئەویش یەكسان بونی رۆژەكانی پەكخستنی ئەم خولەی پەرلەمان بەرۆژەكانی كاركردنیەتی. كە بریتیە لە 17 مانگ و 13 رۆژ كاركردن_ لەبەرامبەر 17 مانگ و 13 رۆژ پەكخستنی لەلایەن پارتی یەوە!

خولی چوارەمی پەرلەمانی كوردستان دوای 220 رۆژلە قەیرانی هەڵبژاردنی دەستەی سەرۆكایەتی، لە رۆژی 29_4_2014 دەستەی سەرۆكایەتی هەڵبژارد و لە 12_10_2015 پەكخرا. كە ماوەی كاركردنی ئەم خولە 17 مانگ و 13 رۆژ بوو، لەزەمەنی پەكخستنیشیەوە تا ئەمرۆ 26_3_2017، زەمەنی پەكخستنی دەكاتە 17 مانگ و 13 رۆژ.

ئەم پەرلەمانە موڵك و بەری رەنجی خەبات و راپەرین و خوێنی هەزاران شەهیدی میللەتەكەمانە، بەداخەوە پارتی دیموكراتی كوردستان وادیارە وەك مەكۆی گۆڕان سەیری دەكاو لەكاری خستووە!.

 هیوادارم خەمخۆرانی میللەت و دەزگا راگەیاندنەكان ئەمرۆژە بكەن بە وەرچەرخان لەكاركردنیان بۆ رسواكردنی كودەتای داگیركردنی پەرلەمان و بەكارخستنەوەی.

نوێترین نوسینەکانی سیروان رەشید