له ژیانمدا چه‌ند جارێك بێ ئومێد بووم
وتار/
22/12/2016
721 جار بینراوە
سه‌لیم میراوده‌لی
له ژیانمدا چه‌ند جارێك بێ ئومێد بووم خه‌ریكبو بكه‌وم سوپاس
بۆخوا هه‌ستامه‌وه
سه‌لیم میراوده‌لی
له‌سه‌رتای له دایكبوونم
كۆسپێكی هاته سه‌ڕ ڕێم و ئه‌ویش به‌جێهێشتنی باوكی به‌ڕێزم بوو ، سوپاس بۆ به
هاوكاری دایكی ئازیزم هه‌ستامه‌وه ، كاتێك كه تازه لاوبووم ئاشق بووم و له‌ویشدا
به‌ختم نه‌بوو خوای گه‌وره ئه‌ویشی بۆخۆی برده‌وه وه‌لێ له‌دوای وی كه‌سێكی گه‌وره
ئارامی پێ به‌خشیم و خێزانه‌كه‌م بوو به سۆزه‌وه پێشوازی لێ كردم و ته‌نانه‌ت دڵنه‌وایشی
دامه‌وه ، هه‌موومان خوازیاربووین ببینه خاوه‌نی ده‌وڵه‌تێكی سه‌ربه‌خۆ وه‌كو گه‌لانی
جیهان به‌خته‌وه‌ربین و بۆ ساتێكیشبێت چه‌ك و توند و تیژی بدات و به ئه‌قڵێكی سه‌رده‌م
بیر بكه‌ینه‌وه وه‌لێ له‌ویشدا نا ئومێدبووم ، سه‌ره‌تای ڕه‌په‌ڕینی به‌هاری نه‌وتویه‌ك
به جۆش و خرۆشه‌وه له‌گه‌ڵ هاوڕێیانم به‌شداربووم له بست به بستی خاكی پیرۆزی
كوردستان ده‌زانن كه‌ی نا ئومێد بووم ؟ ئه‌وكاته‌ی به‌داخه‌وه كه ده‌مبینی نه‌فس
نزمه‌كان له جیاتی ساڕێژكردنی برینه‌كانمان و ده‌مبینی كه چۆن كوردستان تاڵان ده‌كه‌ن
و ده‌سكه‌وته گه‌وره‌كان لامان بچوك ده‌كه‌ن ، له كاتی هه‌ڵبژاردنی نه‌وتو دوودا
ئه‌وكاته چه‌ند خۆشحاڵ بووم كاتێك بۆیه‌كه‌مین جار گه‌لی كورد به هه‌موو پێكهاته‌كانه‌وه
به پیر و جوان و گه‌نجه‌وه به جل وبه‌رگی ڕه‌نگینه‌وه به‌ژداری هه‌ڵبژاردنمان
كرد ، وه‌لێ ئه‌وكاته نا ئومێد بووم كه ده‌سه‌ڵاتداران و ڕه‌به‌ره‌كانمان نه‌یانتوانی
ئه‌و خۆشیه‌مان پیرۆزتر بكه‌ن به مه‌رگ و شه‌یڕێكی كاولتر ماڵی كوردیان خاپورتر
كرد ، نه مردم و ژیان جارێكیتریش نوێ بۆوه ئه‌وكات عێراق و كوردستان بۆ یه‌كه‌مین
جار ئاڵای سه‌ربه‌خۆی هه‌ڵكرد و په‌یكه‌ری دێوه‌زمه‌ی دیكتاتۆری سه‌ده‌ی بیسته‌م ڕوخاو
گۆڕ به‌گۆڕ بوو خه‌نده گه‌ڕایه‌وه بۆ سه‌رتاسه‌ری گه‌لی عێراق، ئه‌م جاریش به‌داخه‌وه
له جیاتی سود له مێژووی سه‌د ساڵه‌ی زوڵم و سته‌م وه‌ربگرین كه‌وتینه‌وه داوی یه‌كتر
خواردن و یه‌كتر تواندنه‌وه ، له هه‌موو كات زیاتر ئه‌و كات بێ ئومێد بووم كاتێك
كه بینینم سه‌ركرده‌كانمان بوونه‌ته بازرگان و به شێكی زۆریان ته‌نانه‌ت ڕابردوی
خۆشیان له‌بیر كردوه چیتر نه‌ماوه بۆ ژیان و مانه‌وه‌مان ، ته‌نها ده‌بێت ڕووبكه‌ینه‌وه
گه‌له‌كه‌مان و جارێكیتریش ئومێد و هیوا بۆ نه‌وه‌ی داهاتو بڕوێنینه‌وه پێیان بڵێین
ئێوه شایه‌نی ژیانێكی خۆشترن ده‌بێت ئێمه‌ش ببینه خاوه‌نی ده‌ستور و مافه‌كانی خۆمان
، نه‌مردبامایه به چاوی خۆم بمبینیبایه حكومه‌ت و سه‌روه‌ریه‌كانی گه‌لم له حیزب
و له شته‌كانیتریش گه‌وره‌تبانایه ئه‌وكات ئاسوده ده‌بووم و خه‌ونه‌كانی ئه‌مڕۆ
و ئاینده‌م ده‌كرده شاكارێك و پێشكه‌شی ڕۆڵه‌كانی گه‌له‌كه‌م ده‌كرد له‌هه‌ر
چوارپارچه‌ی كوردستان ، خه‌ڵاتی سه‌ربه‌خۆیشم پێشكه‌شی كه‌سوكاری شه‌هیدان و تێكۆشه‌رانی
گه‌له‌كه‌م ده‌كرد .
نوێترین نوسینەکانی سه‌لیم میراوده‌لی
-
سه‌لیم میراوده‌لی
21/08/2021
-
سه‌لیم میراوده‌لی
16/08/2021
-
سه‌لیم میراوده‌لی
14/07/2021
-
سه‌لیم میراوده‌لی
02/07/2021
-
سه‌لیم میراوده‌لی
20/06/2021
-
سه‌لیم میراوده‌لی
07/06/2021