مەسرور بارزانی و نێچیر بارزانی و قوباد تاڵەبانی وەك موختارەكەن .

وتار/ 11/08/2021 388 جار بینراوە

د.غالب محه‌مه‌د عه‌لی

مەسرور بارزانی و نێچیر بارزانی و قوباد تاڵەبانی وەك موختارەكەن .

چەندین ساڵە ئەم دوو بنەماڵە لە گەڵ هاوڵاتیانی هەرێمی كوردستان راستگۆ نین و هەر ڕۆژە و بە بیانویەك موچەی خەڵك دەبڕن و سەروەت و سامەنەكەی دەدزن بۆ خۆیان و نەوەكانیان لە ڕێگەی كۆمپانیاكانیانەوە ، هەتا نێچیرڤان بارزانی بوو ،وەك ڕاوچی هەموو سەروەت و سامانی هەرێمی كوردستانی کردبووە نێچیری خۆی و پارەیەکی زۆری تەرخان کردبوو هەر خەریكی كڕینی ئەم كەسایەتی و ئەو نوسەری ساختە و ئەوبەرپرسی مشەخۆر و ئەو وەزیر بوو ،نەك بە پارەی خۆی و ڕەنجە شانی کارکردنی حەڵاڵ ، بەڵكو بە سەروەت و سامانی میللەت و داهاتی نیشتمانی ووڵات ، دوای ئەوە بینیمان یەك مانگ پارە لە عیراقەوە نەهات حكومەت بوو بە حکومەتی موفلیس و دوو بنەماڵەش بوون بە بنەماڵەی ملیاردی دۆلار ، لە كۆتایدا خەڵكی هەرێمی كوردستان باجی درۆی و وەهمی دەوڵەتداری خۆی و وەزیرەكانی دا .
لەپاش ئەوەش مەسرور بارزانی ئامۆزای هات ، هەر لە سەرتاوە وەزیرەكانی گۆڕان و وەزیرەكانی یەكێتی و بەشێك لە بەرپرسەكانی هەردوو حزب و هەندێك نوسەر و حاكم و ڕۆشنبیر ناویان نابوو براگەورە ، هەتا ئێمە فریا كەوتین و ماسکەکەکەی ڕوویمان هەڵماڵی و ووتمان ئەمە دزە گەورەیە نەك برا گەورە ، یەكەم كاری کە دەستی پێكرد دروست كردنی حكومەتێكی پۆلیسی و ئەمنی و پۆپۆڵیستی بوو ، دەستی كرد بە گرتنی كەسە ئازاكان و بێ دەنگ كردنی خەڵك و نەدانی موچە و گرانكردنی سوتەمەنی و بێ ئاوی لە هەلێر وبێ غازی لە دهۆك و بێ خزمەتگوزاری لە سلێمانی و پەراوێزخستنی گەرمیان و فەرامۆشکردنی ئیدارەی ڕاپەڕین ، من نازانم چۆن شەرمناكەن وەزیر و گزیر و ماستاوچیەكانی حزب دەڵێن ئەم كابینە كابینەی چاكسازیە !!!
با بێینە سەر قوباد تاڵەبانی ، بەندە پێم وایە قوباد تاڵەبانی لە كابینەی هەشت نێچیر بارزانی هەر بابەتێكی باس بكردایە یەك سەر قوباد تاڵەبانی بێ یەک و دوو ئەشهەدوو بیلای بۆ دەكرد ،وەك کەمکردنی مووچە بۆ چارەک و نەهێشتنی نەوتی سپی و گرانكردنی بەنزین و باج لە سەر خەڵكی هەژار ، هەر وەها لە كابینەی نۆ یەك دەسەڵاتی نی یە کەشایانی باسکردن بێت، تەنها ناوی زل و دێی وێرانە ، داماوە وەك خەڵك داوای چاو پێكەوتن دەكات لە نوسینەگەی مەسرور بارزانی ،ئەڵێ ئیتر قاچاخچێتی لە سلێمانی ناكرێت كەچی دوای یەك ڕۆژ (١٢) بارهەڵكر گیرا و هەر بە فەرمانی خۆی ئازاد کران هەر وەها هەتا ئەم ساتە قاچاخچێتی بەردەوامە لە هەردوو مەرزەکە، بۆ درۆ كردن و خۆڵ کردنە چاوی خەڵک هێزیان ناردوە گوایە ڕێگە لەقاچاخچێتی دەگرن...
لە كۆتایدا دەڵێم گەر درۆ كردن لە گەڵ خەڵك پارەی بكردایە ئێستا بە هۆی درۆكردنی ئەم سێ كەسە هەرێمی كوردستان داهاتێكی زۆر زیاتری دەبوو لە نەوت فرۆشتن ...!
كەواتە موختارەكە هاوشێوەی زۆرە وەك نێچیر و مەسرور و قوباد .....
غالب محمد علی