دایكی شارامی ئه‌حمه‌دی
وتار/
06/08/2016
656 جار بینراوە
له‌تیف فاتیح فه‌ره‌ج
دایكی شارامی ئه‌حمه‌دی
1
ده‌سه‌ڵاتدارانی ئێران گوێیان له هاواری دایكی شارام نه‌بوو ، ئه‌و دایكه‌ی
پێشتر كوڕه بچوكه‌كه‌ی له سێداره درابوو، ئه‌و دایكه‌ی به ڕوحانی و وه‌زیرو گزیره‌كانی
ئێرانی ده‌گوت " ئه‌و كوڕه‌م بده‌نه‌وه ، توخوا ئه‌و كوڕه‌م بده‌نه‌وه
" ئایه مرۆڤ له‌سه‌ر بیرو باوه‌ڕو ئایدۆلۆژیا شایانی كوشتنه ، ئه‌گه‌ر له‌سه‌ر
بیروبۆچون مرۆڤ شایانی كوشتن بێت ، ده‌ی زه‌وی نیشتمانی كێیه ، شارام و هاوڕێكانی
له سه‌ره‌تای ته‌مه‌ندان ، بۆ ده‌بێت به‌و شێوه‌یه مامه‌ڵه له گه‌ڵ كۆمه‌ڵه
گه‌نجێك بكرێت ، كه ڕه‌نگه ئه‌گه‌ر سونه‌و كورد نه‌بونایه به‌و ده‌رده نه‌چونایه
، شارام چوو به‌ڵام تا مردن جه‌رگی ئه‌و دایك و باوكه سوتێنرا ، تۆ بڵێیت خودا وه‌ڵامی
ئه‌و جه‌رگ سوتاوانه نه‌داته‌وه .
2
ته‌نها چوار هه‌زار
یه‌كێك له به‌رپرسانی سوپای زێره‌ڤانی له دیدارێكدا باسی ئه‌وه ده‌كات
، به‌ره به‌یانی 3-8-2014 ته‌نها چوار هه‌زار چه‌كداری پارتی له‌ناو شه‌نگال
بوونه ، باشه با بڵێین هه‌ر ئه‌و چوار هه‌زاره بووه‌و ته‌واو ، دۆشكه‌و هاوه‌ن
و ئاربیجی و بیكه‌ی سی و چه‌كی قورسیشیان پێنه‌بووه ، ئاخر ئه‌گه‌ر چوار هه‌زار
چه‌كدار یه‌كێ دوو گووله‌ی ته‌قاندبا هه‌شت هه‌زار گووله‌ی ده‌كرد ، ماڵته ئه‌وه
باشتر نه‌بوو له‌وه‌ی سه‌عاتی 70 كیلۆ مه‌تر هه‌ڵبێن و هه‌زاران كچ و ژن به
گورگان خوارد بده‌ین بۆ ئه‌وه‌ی ئێستا بۆیان بلۆرێنین .
3
ئاشتی هه‌ورامی چی ده‌وێت
له‌و ڕۆژه‌وه‌ی ئه‌و پیاوه بووه به شالیاری به ته‌ڵانبردنی نه‌وت و
غازی كوردستان ، غه‌زه‌بێكی سه‌یری له سلێمانی و هه‌ڵه‌بجه‌و گه‌رمیان گرتووه،
من تێناگه‌م ئه‌و ڕقه له پای چی، ئه‌وه‌تا ئێرانیش ئاماده‌یه بۆڕیه‌كی نه‌وت له‌م
سنوره‌وه بڕوات ، كه‌چی كاكم نایه‌وێت ئه‌و ڕێكه‌وتنه بكات ، له كاتێكا بۆی ڕێك
بكه‌وێت ، شاخه‌كانیش ده‌گوازێته‌وه بۆ توركیا ، ئاخر ئه‌فه‌ندم جیاوازی نێوان
توركیاو ئێران بۆ كورد چیه.
4
ئه‌سیل نوجه‌یفیش مڕاندی
به پێی قسه‌ی میدیایه‌كی هه‌ولێر ئه‌سیل نوجه‌یفی ساخته‌كارو تاڵانچی موسڵ
، گوتویه‌تی ئێراق 14 پارێزگای به ده‌ست ئێرانه‌وه‌یه‌و له هه‌رێمیش سلێمانی هه‌روه‌سا
، گوایه به‌س هه‌ولێرو دهۆك و موسڵ نه‌بێت ، ئاخر هه‌ی ناقۆڵا ما ئێوه موسڵتان
نه‌دایه داعش ، هه‌ولێرو دهۆكیش هه‌ر ئه‌وه‌ی ماوه به قه‌د ئه‌سته‌نبوڵ ئاكه‌په
ته‌راتێنی تیا بكات ، كوێرایت داهاتووه ، هه‌موو وێنه‌كان وه‌ك خۆی ببینی ، گه‌لۆ
چه‌ند بنكه‌ی پاسداران له سلێمانی و هه‌ڵه‌بجه هه‌یه، با ئه‌سیل یه‌ك به‌ڵگه نیشاندات
.
5
ده‌خیل له‌م ڤیان " ده‌خیله "
كه شه‌نگال درایه ده‌ستی
داعشه‌وه ، ڕووی ڕه‌ش و سپی زۆر كه‌س ده‌ركه‌وت ، كاتێ ڤیان ده‌خیل له پارله‌مانی
عێراق گریا هه‌موو هاوسۆزی ئه‌و بوین ، به‌ڵام هه‌رگیز ڤیان ده‌خیل نه‌بووه
" نادیه موراد" نادیه موراد بوبه باڵیۆزی ده‌ره‌وه‌ی ئێزدیان و ده‌خیلیش
هه‌رزوو كوژایه‌وه ، له دوای سته‌مكاری شه‌نگاله‌وه دوو جۆر ته‌واری ئێزدی ده‌ركه‌وتن
، نمونه‌ی نادیه مورادو نمونه‌ی ئه‌و كچه گه‌ریلا ئێزیدیانه‌ی سینگیان نایه به‌رگووله‌وه
، ده‌خیل له هیچیاندا نیه‌و ناوه‌ناوه‌ش قسه‌ی زل ده‌كات .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020