نوێكاری و بەخۆدا چوونەوە/زنجیرەی سی و سێ‌

وتار/ 27/05/2021 439 جار بینراوە

موحسین حسێن

نوێكاری و بەخۆدا چوونەوە
زنجیرەی سی و سێ‌ : گۆڕان لە كردەوەی چاك و باشەوە بۆ چاكتر و باشتر
****************************************
لە چوار چێوەی گۆڕانكاریەكاندا بوونی بابەتگەلێكن كە ئەنجامدانیان هیچ خزمەتێك بەم كاروانە ناكەن ، كەچی كاتەكانی خۆمانمان پێوە كوشتووە ، كە پێویست بوو لەم قۆناغەدا زیاد لە هەر كاتێكی دی نەفس ‌و فیكر و كاتەكانمان بۆ كار و هەنگاوی بەرهەمدار تەرخان بكردایە ، چونكە ئیسلام پێویستی بە كار ‌و جوڵەی بەرهەمداری بێ‌ وچانە نەك قسەكردن ‌و جەدەل ‌و مناقەشە ، دیارە هەر ئەمەش كاكڵە و كرۆكی ئیسلامە ، هەروەك خوای پەروەردگار بە پێغەمبەرمان ) درودی خودای لەسەر بێت ) دەفەرمووێت : [ وَقُلِ اعْمَلُوا فَسَيَرَى اللهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ ] التوبة : 105...  واتە : پێیان بڵێ‌ وەكار كەون ‌و هەرچی دەتوانن لە كار و كردەوە ئەنجامی دەن ، چونكە خودا كار و كردەوەكەتان دەبینێت ‌و ئاگادارە بە نهێنی ‌و ئاشكرای ، هەروەها پێغەمبەرەكەشی ئاگادار دەكات ‌و ئیماندارانیش ئاسەوار و دەرئەنجامەكانی دەبینن ، بەم زوانە دەگەڕێنەوە لای ئەو خودایەی كە زانایە بە نادیار و دیاران ، ئەوسا ئاگادارو دەكا كە ئێوە چۆن كارێكتان كردوە
جا لەگەڵ ئەوەی جوڵە ‌و ئیشكردن ئەو پێگە بڵندەی هەیە ، بەڵام بە تەنها هەموو شتێك نیە ، بەڵكو پێویستە باشترین و چاكترین كردەوە ئەنجام بدرێت ، چونكە داهێنانی ژین ‌و مردن بۆ ئەو ئەركەیە ‌و تا بزانرێت كام مرۆڤ ئاكارو كردەوەی چاكتر و جوانترە ، هەروەك پەروەردگارمان دەفەرمووێت [ الَّذِي خَلَقَ الْمَوْتَوَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً ] الملك 2  .....  واتە : ئەوەی كە مردن ‌و ژینی داهێناوە ، تا ئێوە تاقی كاتەوە كامتان ئاكار و كردەوەی جوانتر و چاكتر ‌و پەسەند ترە
وە لە جیاكاریەكانی باشترین كردەوەش بریتیە لە كاركردن بە پێوەری ( فقه الأولويات ) واتە
1- ئەنجامدانی هەر كارێك لە كاتی دیاریكراوی خۆیدا ، بەجۆرێك كە نە پێش كاتی دیاریكرا بخرێت ، وە نە دووا كاتی دیاریكراو ، دیارە بوونی وردەكاری لە كاتەكانی ( نوێژ و ڕۆژو ) دا هەر بۆ فێركردنی ئەم حاڵەتەیە
2- پێشخستنی ئەو هەنگاوانەی كە پێویستە پێشبخرێن و دوواخستنی ئەوانەشیان كە دوواخستنی پێویستە ، بەپێی ئەو ڕیزبەندی و پێگەیەی شەریعەتی ئیسلام بۆ هەر كارێكی داناوە ، واتە هەوڵدەین [  سوننەت پێش فەڕز نەخەین - فەرع پێش ئەسڵ نەخەین -  فەرزی عەین پێش فەڕزی كیفایە نەخەین - فەڕزێكی كیفایە كە ئیماداری پێویستمان هەیە بۆ ئەنجامدانی پێش فەڕزێكی كیفایەی نەخەین كە هیچ ئیماندارێك ئامادەنییە ئەنجامی بدات - بۆ ئەنجامدانی سوننەتێك خۆمان لە حەرام نەگلێنین - بۆ خۆپارێزی لە مەكروهێك فەڕزێك نەفەوتێنین .... هتد ].
3- كەواتە ئیسلام جوڵە و هەنگاو و كارێكی دەوێت كە ئیحسانی تیا بێت ، وەك خودای باڵادەست دەفەرمووێت [ وَأَحْسِنُوا إِنَّ اللهَ يُحِبُّ الْمُحْسِنِينَ ] البقرة: 195  ،  وە هەروەها ئیتقانی تیا بێت ، هەروەك دایكمان عائیشە ( ڕەزا و ڕەحمەتی خودای لێبێت ) لە پێغەمبەری خوداوە ( درودی خودای لەسەر بێت ) بۆمان دەگێڕێتەوە و دەفەرمووێت: [  إِنَّ اللَّهَ تَعَالَى يُحِبُّ إِذَا عَمِلَ أَحَدُكُمْ عَمَلا أَنْ يُتْقِنَهُ ]
بەو هیوایەی لە قۆناغی داهاتوودا ئاگاداری پێگە و ڕیزبەندی كارەكانمان بین و هەنگاوێك بنێین كە گۆشتی پێ‌ بگرین نەك گۆشتی پێ‌ دانێین
چاوەڕوانی ( زنجیرەی سی و چوار ) بن

نوێترین نوسینەکانی موحسین حسێن

خـێـزان

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

به‌م ڕێگایانه‌ به‌رگریی‌ له‌شت به‌هێز بكه‌

ئه‌م هه‌نگاوانه‌ په‌یره‌و بكه‌