نوێكاری و بەخۆدا چوونەوە/ زنجیرەی بیست و حەوت

وتار/ 18/03/2021 412 جار بینراوە

موحسین حسێن

نوێكاری و بەخۆدا چوونەوە
✍🏻 زنجیرەی بیست و حەوت: هەسان یان چەقۆ ؟
      ****************************************
كاری ئیسلامی ( لەژێر هەر ناو و ناونیشانێكدا بێت ) درێژەدانە بە كاری پێغەمبەران ( درودی خودایان لەسەر بێت ) و جێبەجێكردن و گەیاندنی پەیامەكەی ئەوانە ، شوێن پێی ( پێغەمبەر ) هەڵگرتنیش لەم كارەدا سەرەتاكەی بە پاككردنەوەی دڵ و دەرون دەست پێدەكات ، پاشان دەتوانین تفاعل لەگەڵ ئەو واقعەدا بكەین ‌و بەعەزیمەت ‌و بەبێ روخان هەنگاو بنێین و گۆڕانكاری تیا بكەین ، كەواتە رێگای بەرەو خوا چون [ فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ ] الذاريات 50 ،  سەرەتا پێویستی بە خۆ پەروەردەكردن و خۆ ڕێككردن هەیە پاشان هەنگاونان بۆ چاكسازی لە دەوروبەر ، لە جێ‌ بەجێ‌ كردنی ئەم دوو ئەركەشدا بەردەوام لەگەڵ ( نفس – شەیتان - طاغوت ، باطل ) صراعمان بۆ دروست دەبێت ، جا ئەگەر لە خۆ پەروەردكردن ( بنا‌ء الذات ) دا لاواز بین ئەوا بێگومان لە ململانێكەدا دەیدۆرێنین و لە ئەنجامدا یەئس دەدەینە ئەندام ‌و لایەنگران ‌و دۆستان ، لەولاشەوە دوژمنان دڵ خۆش دەكەین ، ماڵوێرانیش ئەوەیە بێ‌ ئامادەسازی بۆ یەكەم ( بنا‌ء الذات ) دابەزینە مەیدانی دووەم ( اصلاحی دەوروبەر ).
جا ئەوەی جێگای سەرنجە ، ئێمە هەندێكمان خۆمان لا بووەتە ( هەسان ) و خەڵكیشمان لا بووەتە ( چەقۆ ) بەردەوام خەریكی تیژكردنەوەیانین ، بەڵام بە داخەوە خۆمان بیرچۆتەوە و هیچ گرنگیەك بە لایەنی ئیمانی و مەعریفی خۆمان نادەین ، بۆیە كول و لاواز دەردەكەوین و لەگەڵ ئەوەی جوڵەی زۆرمان هەیە بەڵام بەرەكەت لە كارەكانماندا نابینین ، هەندێكیشمان خۆمان لا بووەتە ( چەقۆ ) و خەڵكیشمان لا بووەتە ( هەسان ) ، بەردەوام چاوەڕێین خەڵكانێك دەمەزەردمان كاتەوە ، وازمان لەو ئەركە گرنگ وگەورەیە هێناوە كە پاداشتەكەی زیاترە لە دونیا و لەوەش كە لە دونیادایە (  يا علي لئن يهدي الله بك رجلاً  واحداً خير لك من الدنيا و ما فيها )
دەی با بڕیار بدەین لە قۆناغی داهاتوودا : ڕۆڵی چەقۆ و هەسان ببینین و هەم ( هەسان ) بین و هەم ( چەقۆ )
چاوەڕوانی ( زنجیرەی بیست و هەشت ) بن 🥀

نوێترین نوسینەکانی موحسین حسێن