نوێكاری و بەخۆدا چوونەوە/ زنجیرەی بیست و دوو

وتار/ 14/03/2021 295 جار بینراوە

موحسین حسێن

نوێكاری و بەخۆدا چوونەوە/ زنجیرەی بیست و دوو

✍🏻 زنجیرەی بیست و دوو : پێوەر بۆ دینداری ( متديِّن ) و ئاكارە بەرزەكان ( القيَّم)  ‼
🌺🌻🌺🌻🌺🌻🌺🌻🌺🌻🌺🌻🌺🌻
☘️دوو زاراوەن دەبنە پێوەر بۆ هەڵسەنگاندنی مرۆڤەكان ، جا بە كەسێك دەوترێت ( متديِّن ) كە دینداری بووبێتە پێناسەی و زۆر پابەندبێت بە ئاین و عەقیدەكەیەوە ( مَعْرُوفٌ بِتَدَيُّنِهِ : بِتَعَبُّدِهِ وَذَلِكَ بِاتِّخَاذِهِ ديِناً سَمَاوِيّاً ) ، قییەمیش : كۆمەڵێك بنەمای ئاینی و كۆمەڵایەتی و ئەخلاقین كە ژیانی كۆمەڵگای لەسەر وەستاوە و جیای دەكاتەوە لە ئاژەڵ ( وهي القواعد التي تقوم عليه الحياة الإنسانيّة وتختلف بها عن الحياة الحيوانيّة ) ، پێویستە هەر دوو زاراوەكە لە مرۆڤدا ڕەنگ بداتەوە و لە هەمان كاتدا موتەدەین و خاوەن قییەمیش بێت ، بەڵام واقیعی ئیستای كۆمەڵگامان شتێكی تر دەڵێ‌...
🌿ئەوەتا زۆر جار لە كۆمەڵگادا كەسانێك دەبینین كە پابەند نین بە شعایرە دینیەكان و ئامادەی نوێژ و جەماعەت نابن ، بەڵام خاوەن ئاكاری بەرز و ڕەوشتی جوانن ، بۆ نموونە پیاوێك دەبینین : نوێژ ناكات و بەڕۆژوش نابێت بەڵام لەگەڵ باوك و دایكی باشە ، حەقی دراوسێ‌ دەدات ، سیلەی ڕەحم بە جێدێنێ‌ ، خێر و خێرات دەكات ، غەیبەت و بوختان ناكات ، لە مامەڵەدا سەر ڕاستە ، یان ئافرەتێك دەبینین باڵاپۆش و نوێژخوێن نییە ، بەڵام هەرچی ئاكارێك ئیسلام داوای دەكات ڕەنگی داوەتەوە تیایا ...
🍁 لەولاشەوە كەسانێك دەبینین پێنج فەڕزە لە مزگەوتن ، ڕۆژوی سوننەت دەگرن ، شەونوێژ دەكەن ، ڕیشێكی درێژیان هێشتۆتەوە ، یان ئافرەتێكی باڵاپۆشە ، واتە ( متدیِّن ) ە ، كەچی لەگەڵ باوك و دایكی خراپە ، لەگەڵ هاوسەری بەردەوام بۆڵەیەتی ، هەر ڕۆژەی شەڕ بە دراوسێیەك دەفرۆشێت ، سیلەی ڕەحم بەجێ ناهێنێ‌ و قسە لەگەڵ كەسە نزیكەكانی ناكات ، كەسێكی ڕەزیل و چروكە ، هەر دەم دەكاتەوە غەیبەت و بوختانی لێ‌ دەبارێ‌ ، كاسبكارێكی دەستبڕە ، یان فەرمانبەرێكی گەندەڵە ...
جا كە لە زنجیرەی پێشوو گوتمان با كێڵگەكە فراوان كەین ، ئایا بۆ ئەم قۆناغە دەرگا بەڕوی كام لەم دوو جۆر مرۆڤە واڵاكەین ❓كامیان پەیامەكەمان جوان دەكات و كامیشیان ناشیرینی دەكات ❓
🌼 دەی با لە قۆناغی داهاتوودا دەرگا فراوانەكە واڵاكەین و هەر یەك لەم دوو جۆر مرۆڤە خۆیان لە ڕیزەكانی ئێمەدا ببیننەوە ، هەوڵدەین لە ڕێگای پرۆسەیەكی پەروەردەیی سەردەمییانە ، ئەوەی ئاكاری بەرزە فێری دینداری بكەین ، ئەوەش ( متدیِّن ) ە ئاكارە بەرزەكانی تیا بچێنینت.
🌴 جەنابی مامۆستا عەلی باپیریش سەرۆكی كۆمەڵی دادگەری كوردستان لە كۆنگرەی چواردا فەرمووی ( مەرج نییە خەڵك بێن لە ڕیزی نوێژخوێناندا لەگەڵمان نوێژ بكەن ، بەڵكو با بێن پێكەوە كار بۆ چەسپاندنی دادگەری و بەرگری لە مافی خەڵك بكەین ).
چاوەڕوانی ( زنجیرەی بیست و سێ‌ ) بن

نوێترین نوسینەکانی موحسین حسێن