نوێكاری و بەخۆدا چوونەوە/زنجیرەی بیستەم

وتار/ 11/03/2021 363 جار بینراوە

موحسین حسێن

نوێكاری و بەخۆدا چوونەوە
✍🏻 زنجیرەی بیستەم : كاریگەری هەردوو ڕوداوی ( 11 ی
سێبتەمبەر و  بەهای عەرەبی ) لەسەر پارتە ئیسلامیەكان  ‼️
🧡🧡🧡🧡🧡🧡🧡🧡🧡🧡🧡🧡🧡🧡🧡🧡
لە ( زنجیرەی نۆزدەهەم ) ئاماژەماندا بە هەردوو ڕوداوی ( 11 ی سێبتمبەر و بەهاری عەرەبی ) ، كە لەگەڵ ئەوەی هۆكاربوون بۆ شڵەقاندنی گۆڕەپانی كاری ئیسلامی ، وێستگەیەكیش بوون بۆ نوێ‌ بوونەوە ‌و گۆڕانكاری ‌و چونە پێشی بزافی ئیسلامی ، ئێستاش با بەیەكەوە هەردوو ڕوداوەكە شەنوكەوی بكەین و چەند كاریگەریەكیان دیاری بكەین:
1️⃣ ( ڕوداوی  11 ی سێبتەمبەر ) : ڕابونی ئیسلامی بردە قۆناغی بە ئاگاهاتن ‌و بە خەبەربوون ، وە چەند سیفاتێكی ناچاری دایە ئەو قۆناغەی مێژوو كە لە ڕواڵەتدا لە لە قاڵبدانی كاری ئیسلامی دەچوو ، بەڵام لە جەوهەردا ڕێككارییەكی بە ئاگاهێنانەوە بوو ، جا پێویستە بەهەمان شێوە دووا ( ڕوداوی بەهاری عەرەبی ) یش بە قۆناغێكی نوێی ناوزەند بكەین
2️⃣ لە دووای ( ڕوداوی 11 ی سێبتەمبەر ) چاودێران گرەویان لەسەر ئەوە دەكرد : كە ئایا پارتە ئیسلامیەكان بەو شێوەیە خۆیان دادەڕێژنەوە كە وڵاتانی زلهێز دەیانەوێت ؟ یان وڵاتانی زلهێز ( لە سەرو هەمووشیانەوە ئەمەریكا ) خۆیان ڕێكدەخەن بەو شێوەیەی ئیسلامیەكان دەیانەوێت ؟ دیارە ئەو كات لەبەر( مەغروریەتی ئەمەریكا ، عەمالەتی دەسەڵاتدارانی ووڵاتە عەرەبییەكان بۆ وڵاتانی زلهێز ، لاوازی ڕابونی ئیسلامی) زوربەی چاودێران  قەناعەتیان وابوو ئەوە ووڵاتانی زلهێزە براوەن ‌و ڕابونی ئیسلامیشە دۆڕاوە ، بۆیە دەبێت ڕابونی ئیسلامی دەستەمۆ ببێت ‌و بە پێی نەخشەكانی وڵاتانی زلهێز خۆی دابڕژێتەوە ، بۆیە ڕوداوەكە داخ و حەسرەتێكی زۆری بەدوای خۆیدا هێنا و  هەموومانی خەفەتبار كرد ، بەڵام خوای میهرەبان ئەنجامەكەی هەڵگێڕایەوە و بەخێر گەڕا بۆمان [ وَعَسى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ] البقرة216
3️⃣ جا هەروەك چۆن ئەو میكانیزمانەی پێش ( ڕوداوی 11 ی سێبتەمبەر ) بۆ دووا ئەو ڕوداوە نەدەشیان ، بەهەمان شێوە ئەگەر بە ووردی دیراسەی میكانیزم ‌و وەسیلەكانی پێش گۆڕانكاریەكانی ( بەهاری عەرەبی ) یش بكەین ، تصور دەكەم پێویست دەكات ئێستا لانی كەم 70% یان گۆڕانكاریان بەسەردا بهێنین.
4️⃣ لەبەر ئەوەی ڕابونی ئیسلامی قۆناغی موراهیقی تێپەڕاندوە و ئێستا چووەتە قۆناغی روشد و پێگەیشتن ، كەواتە داخوازی تری لە هەڵگران ‌و دڵسۆزانی هەیە جیاواز لەوانەی پێشوو ، بێگومان ئەو كەسانەی تەمەنیان لەناو ڕابونی ئیسلامیدا بە قەدەر ساڵەكانی نێوان تەمەنی موراهیق ‌و ڕوشدە ، ئەوەندەیان ئەزموون كۆكردۆتەوە كە بتوانن ئاسان هەست بەو گۆڕانكاریە جەوهەریانە بكەن ، دیارە ڕابونی ئیسلامیش خاوەنی ژمارەیەكی زۆر كەسایەتی بەئەزموونە كە قبوڵ ناكەن لەمەو دووا مێشكیان ببێتە شۆستە و خەڵكانی كاڵفام و بێ‌ ئەزموون بە پۆزەوە بەسەریدا گوزەركەن.
5️⃣ پێویستە هەوڵدەین ئەو خەسڵەتانەی لە ڕابونی ئیسلامیدا لە خەسڵەتی موراهیق دەچن بژاری بكەین ، چونكە چۆن بۆكەسایەتیەكی بەتەمەنی گەورە صیفات ‌و جوڵەی موراهیقانەی لێنایەت ‌و لە كەسایەتی دادەبەزێنێت ، بۆ هەموو بزاف ‌و پارت ‌و ڕێكخراوێكیش بەهەمان شێوەیە ، هەمووشمان دەزانین كه لە تەمەنی موراهیقیدا تەنها هەستەكان دەجوڵێنرێن ‌و ڕاپێچی یادەوەریەكان دەكرێن ، مەجالێكی زۆر كەم بۆ عەقڵ دەهێڵرێتەوە ، بەڵام ئەمڕۆ كە ڕابونی ئیسلامی پێی ناوەتە قۆناغێكی نوێی هەستیار ، پێویست دەكات ئەو زەخیرە عەقڵیەی كە زادەی چەندەها ساڵی هەوڵ ‌و تێكۆشانی بێ‌ پسانی كەسانی دڵسۆزی ئەم ڕابونەن بخەینەگەڕ.
6️⃣ پێویستە زیاد لە كەسایەتی خۆمان بە خەم ناوبانگ و كەسایەتی ڕابونی ئیسلامیەوە بین و نەهێڵین شكۆی دابەزێت ، وە هەرچییەك دەبێتە هۆكار بۆ لەكەداركردنی كەسایەتیەكەی نەیهێڵین ، بۆ ئەمەش دەخوازێت كۆبوونەوە و بەیەك گەیشتنەكانمان بۆ عیلاجی ئەو دەرد و بەڵایانە بێت كە خۆی خزاندۆتە سەر ڕێچكەی گۆڕانكاری ، بەڵام بە تەدریجی و قۆناغبەندی ، واتە ڕاهێنان بە ڕابون بكەین وەك كەسایەتیەكی كامڵ و هەوڵدەین مەشقی پێ‌ بكەین ، ‌وە ڕۆشنبیری ‌و ڕێنمایی ئەم قۆناغەش بدەینە هەڵگر و شوێنكەوتووانی ، قۆناغەكەش دەخوازێت چەند گۆڕانكارییەك ئەنجام بدەین ، وە بۆ هەر گۆڕانكارییەكيش پێویستە توێژینەوەیەكی زانستیانە ئەنجام بدرێت ، پاشان هزرو بیر و كاری كادیرانی پێ‌ ئاڕاستە بكرێت.
چاوەڕوانی ( زنجیرەی بیست و یەكەم ) بن 🥀

نوێترین نوسینەکانی موحسین حسێن

خـێـزان

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

به‌م ڕێگایانه‌ به‌رگریی‌ له‌شت به‌هێز بكه‌

ئه‌م هه‌نگاوانه‌ په‌یره‌و بكه‌