نوێكاری و بەخۆدا چوونەوە/زنجیرەی نۆزدەهەم

وتار/ 09/03/2021 353 جار بینراوە

موحسین حسێن

نوێكاری و بەخۆدا چوونەوە
✍🏻 زنجیرەی نۆزدەهەم :
( ڕابونی ئیسلامی ) یان ( بوژانەوەی ئیسلامی )‼️
     🌷🌷🌷🌷🌷🌷🌷🌷🌷🌷🌷🌷
سەرەتا دەمەوێت ئاماژە بە واتای سێ‌ زاراوە بدەم ، كە بریتین لە زاراوەكانی [ صحوة ، يقظة، نهضة ]
1️⃣  زاراوەی ( صحوة ) : بەواتای [ بێداری ، هەستیاری ، هۆشیاری ، بە ئاگایی ، خەبەرداری ، ڕابون ) هاتووە.
2️⃣  زاراوەی ( يقظة ) : بەواتای [ هەڵسان ، بەئاگاهاتن ، بەخەبەربوون ] هاتووە.
3️⃣  زاراوەی ( نهضة ): بەواتای [ بوژانەوە ، ژیانەوە ، جووڵان ، بزاوت ، راپەڕین ، هۆشیاربوون ، ووزە ، هێز و چالاكی ، توانایی ، تین ] هاتووە.
مەبەستیشم لە ئاماژەدان بەم سێ‌ زاراوەیە ڕوانینێكی خۆمە بۆ تەمەنی پڕ بەرەكەتی ڕابوونی ئیسلامی ‌و قۆناغبەند كردنی بەپێی ئەم سێ‌ زاراوەیە.
سەرەتا دەمەوێت ئاماژەیەك بدەم بە گۆڕانكایەكانی سەرەتای هەزارەی سێیەم:
دیارە لەم سەرەتای هەزارەی سێیەمەدا دوو گۆڕانكاری زۆر گرنگ ڕویاندا كە هەم شڵەقاندن بوو وە هەم وێستگەی نوێ‌ بوونەوە ‌و گۆڕانكاری ‌و چونە پێشی ڕابوونی ئیسلامی بوو ، ئەو دوو گۆڕاكاریەش بریتی بوون لە:
1️⃣  ڕوداوی 11 ی سێبتمبەری ساڵی 2001 كە بە خەبەرهێنان ‌و بە ئاگاهێنانی ڕابوونی ئیسلامی بوو ، دەتوانین بڵێین ڕابوونی ئیسلامی بردە قۆناغی ( يقظة ) ، بۆیە واباش بوو لە دووا ئەو مێژووە ، ئەم جوڵانەوەیە ئیسلامیە ناوەكەی بگۆڕێت ‌و لە جیاتی زاراوەی ( صحوة ) زاراوەی ( يقظة ) ی بۆ بەكار بێت.
2️⃣  ڕوداوی بەهاری عەرەبی : كە شەپۆلە جوڵەیەكی ناڕەزایی سلمی جەماوەری بوو لە كۆتایی ساڵی  2010‌و سەرەتای ساڵی 2011 لە زوربەی وڵاتانی عەرەبی دەستی پێكرد ‌و پەلی هاویشت بۆ زوربەی وڵاتانی ئیسلامی.
دیارە سەرەتاكەی گەنجێك بە ناوی ( محمد البوعزيزي ) وەك دەربڕینی ناڕەزایی بۆ ئەو دەسەڵاتە خۆسەپێنە دیكتاتۆرە گەندەڵە لە وڵاتی تونس خۆی سوتاند و كۆتایی بە دەسەڵاتی ( زین العابدین بن علي ) هێنا ، وە ئەو شۆرشە جگە لە وڵاتی تونس سێ‌ ڕژێمی تریشی لە گۆڕناوە وەك: [ محمد حسنی مبارەك لە وڵاتی مصر - معمر قەزافی لە وڵاتی لیبیا - وە شۆڕشی یەمەنیش علی عبدالله صاڵحی ناچار كرد واز لە دەسەڵات بهێنێ‌ ]  ، دیارە هۆكاری سەرهەڵدانی ئەو شۆڕشانەش بریتیبوون لە [ گەندەڵی - خراپی باری گوزەرانی هاوڵاتیان - نەمانی ئەمن ‌و ئاسایش - نەبوونی ئازادی سیاسی - مەحسوبیەت - پاك نەبوونی پرۆسەكانی دەنگدان....هتد]  ، وە ڕوداوی ( بەهاری عەرەبی ) یش بوژانەوە ‌و ژیانەوە ‌و بزاوتن ‌و ووزە و تین ‌و راپەڕینی بەخشیە ڕابوونی ئیسلامی ‌و بە توانا تر و چالاك تری كرد ، بۆیە دەخوازێت دوا ئەو مێژووەش ناوی ئەم بزاوتە ئیسلامیە بگۆڕدرێت چونكە ڕابوونی ئیسلامی چووەتە قۆناغی( نهضة ) وە.
كەواتە پێویستە زاراوەی ( ڕابونی ئیسلامی ) بگۆڕین بە ( بزاوتی ئیسلامی ) یان ( بوژانەوەی ئیسلامی ) !
چاوەڕوانی ( زنجیرەی بیستەم ) بن

نوێترین نوسینەکانی موحسین حسێن