نوێكاری و بەخۆدا چوونەوە/ زنجیرەی یانزەهەم

وتار/ 23/02/2021 379 جار بینراوە

موحسین حسێن

نوێكاری و بەخۆدا چوونەوە/ زنجیرەی یانزەهەم

موحسین حوسێن
✍🏻 زنجیرەی یانزەهەم : ڕیكۆرد (record  )
پاش ئەوەی سیستمی هەڵبژاردن گۆڕانكاری بەسەردا هاتووە و هەر پارێزگایەك كراوەتە چەند بازنەیەكی هەڵبژاردن ، بۆ ئەوەی دەنگەكان بەفیڕۆ نەڕوات ، پێویست دەكات پارتە ئیسلامیەكان لەگەڵ لایەنە ئۆپۆزسیۆنە ڕەسەنەكان بەرەیەك دروست بكەن ، ئەگەر ئەمەشیان پێ‌ نەكرا ، ئەوا لانی كەم پێویستە هەموو لایەن و کەسایەتییە ئیسلامییەکان بەیەكەوە بەیەك لیست بەشداری هەڵبژاردنەكان بكەن... ‼️
بەداخەوە ئەوەی لە هەڵبژاردنەكانی پێشوو هەستی پێ‌ دەكەین بێ‌ تەماحی پارتە ئیسلامیەكانە لە بەدەستهێنانی دەنگ و كورسی ، بەجۆرێك هەر یەكەیان باڵانصی خۆی لەسەر ئەوەی تریان هەڵدەچنێ‌ و وا دەزانێت پارتە ئیسلامیەكەی تر ڕكابەریەتی ، بۆیە ڕەقەمی قیاسی -  ڕیكۆرد (record  )  - لەلای هەر یەكەیان هێنانی دەنگ و كورسی زیاترە لەوی تریان ، بەجۆرێك ئەوەیان كە زیاتری هێناوە دڵخۆشە و خۆی بەبراوەی پرۆسەكە دەزانێ‌ ، ئەوەشیان كە دەنگ و كورسیەكانی كەمترە خەفەتبارە و خۆی بە دۆڕاو دەزانێ‌ ، ئەم نەفەسەش لەبیركردنەوە وایكردوە كە كادیرەكان بە بەشێكی كەم ڕازی بن و خۆیان پێوانە نەكەن بە پارتەكانی تری ناو گۆڕەپانەكە ، لە ئەنجامدا وەك كەمینەیەك لە ناوەندەكانی پەرلەمان و ئەنجومەنی پارێزگاكان دەركەون 🌸
جا پێویست دەكات لە قۆناغی داهاتوودا وەك بەدیل بێینە مەیدان و بە كردەیی بچینە كێبڕكێی پارتە دەسەڵاتدارەكان و ئومێدێك بۆ ئەو خەڵكە ناڕازیە بگێڕینەوە و ڕیكۆرد (record  ) ەكە بەرز بكەینەوە.🥀
چاوەڕوانی ( زنجیرەی دوانزەهەم ) بن.

نوێترین نوسینەکانی موحسین حسێن