نوێكاری و بەخۆدا چوونەوە/ زنجیرەی هەشتەم

وتار/ 16/02/2021 341 جار بینراوە

موحسین حسێن

نوێكاری و بەخۆدا چوونەوە/ زنجیرەی هەشتەم

شێخ موحسین حوسێن
**********************
✍🏻 زنجیرەی هەشتەم 8️⃣: گۆرانكاری لە پێناو چیدا ؟
بۆ ئەوەی ئامانج لە گۆڕانكاری ڕوون ‌و ئاشكرا بێت پێویستە ( سۆنەرێكی واقعی ) بۆ حاڵی ئێستای ڕابوونی ئیسلامی بكەین‌ و دەرد و بەڵاكانی تەشخیص بكەین ، كەواتە پێویستە ئەم حاڵەتانەی خوارەوە لەبەر چاو بگرین ‌و چارەسەریان بۆ دابنێین.
نەخشەسازی تەكنیكێكی مۆدێرنە‌و شورا و دیوارەكان لێك جوێ‌ دەكاتەوە ‌و سنورەكان دەنەخشێنێ‌ ، بەڵام  زۆر جار بەهۆی بێ‌ نەخشەیی لە پەرواێز ‌و دامێنی شارەكان گەرەكی بێ‌ ناونیشان ( بێ‌ تاپۆ ) دێنە كایەوە كە ئەندازیاری نەخشە ساز حەیران دەكات ‌و ناتوانێ‌ ئاڕاستەی بۆ دیاری بكات ‌و سنور بەندی كات ، بەمەش شەپۆلەكانی لە كۆنترۆڵ دەردەچن ‌و هەموو مەرجێكی پێویست ڕەتدەكەنەوە ‌و لەنیگای یاسای نەخشە سازیش خۆیان قوتار دەكەن ، جا لەبەر ئەوەی رابوونی ئیسلامیش لە سەرەتاوە كاردانەوە بووە بۆ ئەو ستەمە زۆرەی كە لە كورد و كوردستان كراوە ، نەتوانراوە قۆناغبەندی بۆ دیاری بكرێت ، بۆیە بێ‌ نەخشە ‌و بێ‌ بەرنامە هاتووەتە مەیدان ، ئێستا هەموو ڕۆشنفیكر و ڕوناكبیرێك حەیرانە لە قۆناغبەندكردنی ، بۆیە وەك گەڕەكە بێ‌ ناونیشان ‌و بێ‌ تاپۆكان هەرچی هەوڵێك دەدرێت بۆ ڕاستكردنەوەی بێ‌ ئاكامە ، كەواتە دەبێت ئەم سنورە بچوك بچوكانە تێكشكێنین ‌و بیركردنەوەمان پانتاییەكی فراوانتر لە خۆبگرێت ‌و بە ( ماستەر پلانێكی ) نوێوە هەنگاوی داهاتوو دابڕێژین ‌و سەر لە نوێ‌ بینای بكەینەوە ، بۆ ئەمەش پێویست دەكات خوێندنەوەیەكی نوێ‌ بۆ بارودۆخی ئێستای جیهان ‌و ناوچەكە ‌و كوردستان بكەین ، هەتا لەو روانگەیەوە بزانین كاروانی ئیسلامیی لە داهاتوودا چۆن هەنگاو هەڵبگرێ‌ و چی ئامرازی نوێ‌ بۆ بەشە جیاجیاكانی كاری ئیسلامیی( رێكخستن، كۆمەڵایەتی ، جەماوەریەكان، پەیوەندیەكان.......هتد) بخەینە گەڕ ؟
  چاوەڕوانی ( زنجیرەی نۆیەم  9️⃣ ) بن.

نوێترین نوسینەکانی موحسین حسێن