نوێكاری و بەخۆداچونەوە/زنجیرەی سێیەم

وتار/ 08/02/2021 311 جار بینراوە

موحسین حسێن

نوێكاری و بەخۆداچونەوە/زنجیرەی سێیەم

موحسین حوسێن
*************
✍🏻 زنجیرەی سێیەم 3️⃣  / شێوازەكانی گۆڕانكاری
دوو جۆرمان لە شێوازی گۆڕانكاری هەیە:
1️⃣   گۆرانكاری لە شێوەدا ( لە ڕوخساردا ) : هەنگاوێكی كاتی پچڕپچڕە ‌و  لەسەر ڕوبەری كێشەكان كار دەكات ، وە لەلایەن كەسانێكی هەلپەرستەوە لە پاش هاتنە پێشی ڕووداوەكان بیری لێ‌ دەكرێتەوە ، ئەو جۆرە كەسانەش دەیانەوێت لەم ڕێگایەوە ئیرادەی خۆ تازەكردنەوەی خۆیان تاقی بكەنەوە ، بۆیە دەبینین بە مەبەستی ئاسایی كردنەوەی پەیوەندیەكانیان لەگەڵ ناوەوە و دەرەوەی پارتەكەیان كەشێك دروست دەكەن تا خەڵكانی خوارەوە بكەونە شكاندن ‌و غەیبەتكردنی سەركردەكان ‌و ڕەخنەگرتن لە حزبەكەیان.
2️⃣   گۆرانكاری لە جەوهەردا ( نوێ‌ بوونەوە ) : بریتییە لە گۆڕانێكی بنەچەیی لە هزر و هۆشی تاكەكانی پارتێك ( یان ڕێكخراوێك ) بەمەبەستی گۆڕینی ئەو واقیعەی تیایدان ، هەتا بتوانن لەم ڕێگایەوە پارتەكەیان لە لادان ‌و خزان بپارێزن ‌و بیگێڕنەوە سەر فیترەی ڕاست ‌و رەوانی خۆی ، هەنگاوێكی لەم جۆرەش پێویستی بەقەناعەتی عەقڵی ‌و عەزمی دڵ ‌و ژیانەوەی هیمەت هەیە ‌و ، كۆمەڵێك زەخیرەی فیكری پێ‌ دەگوێزرێتەوە سەر ئەرزی واقیع ، ئەم زەخیرە فیكریەش دەبێتە ئاراستەكەرێكی جوان ‌و سەركەوتوو بۆ ڕابوونەكە.
ئەم هەنگاوەش دەخوازێت كە دڵسۆزانی ڕابوون لەكاڵای خۆیاندا لە ئاستی ئیسلامدابن ‌و بۆ دارشتنی پرۆگرام ‌و چۆنیەتی جوڵە ‌و دەركی سروشتی گۆرانكاریەكان هاوچەرخ بن.
چاوەڕوانی ( زنجیرەی چوارەم 4⃣ ) بن

نوێترین نوسینەکانی موحسین حسێن