نوێكاری و بەخۆداچونەوە/زنجیره‌ی دووه‌م

وتار/ 07/02/2021 491 جار بینراوە

موحسین حسێن

نوێكاری و بەخۆداچونەوە/زنجیره‌ی دووه‌م

موحسین حوسێن
هەستیاری گۆرانكاری لەهەر دڵسۆزێكدا نیشانەی زیندوویەتی رابوونە ‌و ، ئیرادەی هەر كادیرێكی دڵسۆزیش دەوری سەرەكی دەبینێ‌ لە پڕۆسەی گۆرانگاریدا ، هەر كاتێكیش واز لە نوێ‌ بوونەوە هێنرا دڵسۆزانی رابوون هەستیاری خۆیان لە دەست دەدەن ‌و وەك عامەی خەڵكەیان لێ‌ دێت ‌و ناتوانن هەڵوێست لەمەڕ ڕووداوەكان وەربگرن.
سەفەرێكی بەرەو رابردو و وە چەمینەوە بەسەر ڕووداوەكانیدا نەخشی جێ‌ پێی بێ‌ نەخشەیمان وەك زامێكی قوڵ لە لاشەی شەكەتی ئەم  رابوونە نیشان دەدات ، بۆ گەیشتن بەمانای عبودیەت ‌و ڕەزامەندی پەروەردگارمان دەخوازێت پابەندبوونمان بە رێبازی پیغەمبەران ( علیهم السلام ) بكەینە مەنهەجی گۆڕانكاری ، بۆیە پەی بردنێكی هەمە لایەنە و گشتگیر بە ڕووەكانی تێڕوانینی ئیسلامیی گرنتی بەردەوامی ئەو گۆڕانكاریەن ‌و هەموو كورت هەڵهێنانێكیش لادان دێنێتە كایەوە.
جێنشنیەتی ئادەمیزاد ‌و تەمكینی ئەم ئوممەتە و وەسەتیەتی كاری ئیسلامیی دەخوازێت مەنهەجێكی گۆڕانكاریمان هەبێت كەوەستابێتە سەر كۆمەڵێك ئامانج ‌و بناغە ‌و پایە ، بۆ بەهرەمەندبوونیش بەتوانا ‌و زانایایی ‌و ئەزموونی دڵسۆزانی ڕابوون پێویست دەكات كە دەروازەیەك بۆ گفتگۆ بكەینەوە تا بە پێشنیاز ‌و هەنگاوە بە نرخەكانیان كارێكی بەرهەمهێن بهێنینە ئاراوە و رابوون لەم شێوازە كلاسیكیە دەركەین ‌و شێوازێكی نوێ‌ بدەینە بانگەواز .
كورت بینی ‌و هەڵەش لەوەدایە وابزانین رەخنە ‌و داوای بەخۆداچوونەوە تەشویشی رێزی موسڵمانان دەكات ‌و كارەكان پەك دەخات ، هەر كۆمەڵێكیش ترسی لەم هەنگاوە هەبێـت ‌و واهەست كات ئەمە هەڕەشەیە لەكیانی متمانەی لە دەست داوە ‌و مستحقی مانەوە نیە ‌و بۆ هەڵگرتنی ئەو پەیامەش ناشێت.
چاوەڕوانی ( زنجیرەی سێیەم ) بن .....

نوێترین نوسینەکانی موحسین حسێن