قوتی خه‌ڵك
وتار/
02/12/2016
631 جار بینراوە
له‌تیف فاتیح فه‌ره‌ج
قوتی خه‌ڵك
له‌تیف فاتیح فه‌ره‌ج
وه‌زاره‌تی نه‌وتی عێراق ، ڕوون و ڕه‌وان
وتی نه‌وته‌كه وه‌ك ئه‌وه‌ی ڕێكه‌وتون ڕاده‌ست كه‌ن و موچه‌و بودجه وه‌ربگرن ،
ئه‌مه په‌یامێكیشه بۆ پارله‌مانی عێراق و نوێنه‌رانی كورد له‌وێ ، ده‌ی ئه‌گه‌ر
خه‌می خه‌ڵك پێشینه‌ی كاره‌كانی ئه‌م ده‌سه‌ڵاته‌یه ، با لانی كه‌م تا ئه‌و كاته‌ی
له ڕوی ئابوریه‌وه سه‌ر پێده‌كه‌وین ، ئه‌و كاره بكات ، به‌ڵام نایكات ، نایكات
له‌به‌ر ئه‌وه‌ی ، نه‌وتی كوردستان خراوه‌ته قومارێكی ترسناكه‌وه ، بیرتانه
ئاشتی هه‌ورامی ووتی به‌رمیلی ببێته ملیۆنێ دۆلاریش ئه‌م دۆخه چاره‌سه‌ر نابێت
، ده‌ی ئاشتی هه‌ورامی زۆر شت ده‌زانێ و نایڵێت .
ئه‌و قوماره‌ی به نه‌وتی كوردستانه‌وه
كراوه بۆ 100 ساڵ و 50 ساڵ ، ده‌وڵه‌ت و خه‌ڵكی وڵاتان و كۆمپانیای زه‌به‌لاحی تیایه
بۆیه ئه‌م ده‌سه‌ڵاته ئازایه‌تی ئه‌وه‌ی نیه ، نه‌وته‌كه ڕاده‌ستی به‌غدا بكات
، خۆ زۆر ده‌مێك نیه نێچیرڤان بارزانی ووتی ئه‌گه‌ر حكومه‌تی به‌غدا بودجه‌و موچه
بدات نه‌وته‌كه‌ی بۆ ده‌نێرین ، ده‌ی ئه‌وه وه‌زاره‌تی نه‌وتی عێراقی بیانووبڕی
كرد ، بزانن ده‌ینێرن یان نا ، هه‌ڵبه‌ت ناینێرن ، ناردنی نه‌وت له ڕێی عێراق و سۆمۆوه
ده‌بێ سوڵتانی سه‌رته‌ختی توركیا ڕه‌زامه‌ندی بۆ ده‌ربڕێت ، ئه‌وه‌ش هه‌رگیز ڕوونادات
، مه‌گه‌ر به ئاشبه‌تاڵكردنێكی تازه .
من چۆن دڵنیام ئه‌و زمانه‌ی قسه‌ی پێده‌كه‌م
كوردیه ، ئاوا دڵنیام كه ئه‌م حكومه‌ته‌ی هه‌رێم ناتوانێ كێشه‌و گرفته‌كانی
چاره‌سه‌ر بكات ، ئه‌مه هه‌ریه‌ك له سه‌رۆكی حكومه‌ت و جێگره‌كه‌شی له بۆنه‌ی جیاجیادا
ده‌ریان بڕیوه ، لێ هیچ یه‌ك له‌وان ناتوانن ڕاشكاوانه ئه‌و راستیه ده‌ربڕن كه
له ئێستادا چاره‌سه‌ری موچه‌و بودجه له به‌غدایه ، به‌غداش ئه‌وه‌ی گرێداوه
به ناردنی نه‌وت له ڕێگه‌ی سۆمۆوه ، ده‌ی فه‌رمون ، ئه‌گه‌ر خه‌می خه‌ڵكتانه
هه‌نگاوێك بنه‌ن ، ئێوه له كوێ و خه‌می خه‌ڵك له كوێ ؟.
له راستیدا له‌م پرسه‌دا گۆڕان و كۆمه‌ڵ
و یه‌كگرتوو له ناو یه‌كێتیشدا ئه‌وانه‌ی خه‌می موچه‌و بودجه‌ی خه‌ڵكیانه، هه‌ڵبه‌ت
پارتیش ئه‌وانه‌ی به وردی كێشه‌كان ده‌خوێننه‌وه ، ده‌بێت ئه‌و پێشنیازه‌ی به‌غداو
وه‌زاره‌تی نه‌وت بقۆزنه‌وه بۆ تاقیكردنه‌وه‌ی نیازپاكی حكومه‌تی هه‌رێم و حكومه‌تی
عێراقیش ، ئاخۆ ئه‌و دوو لایه‌نه كامیان زیاتر له خه‌می خه‌ڵكی هه‌رێمی
كوردستاندان ، خیانه‌ت ئه‌وه‌نیه له هه‌ر ده‌رگایه‌ك بدرێ بۆ قوتی خه‌ڵك ، خیانه‌ت
ئه‌وه‌یه قوتی خه‌ڵك بدزرێ و یاری به هه‌ست و سۆزی بكرێت .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020