سه‌رۆك وه‌زیرانی نه‌رویج چۆن له‌ كیشه‌كانی هاوڵاتیان ده‌كۆڵێته‌وه‌ ؟

وتار/ 02/12/2016 608 جار بینراوە

سه‌لیم میراوده‌لی

سه‌رۆك وه‌زیرانی نه‌رویج چۆن له‌ كیشه‌كانی هاوڵاتیان ده‌كۆڵێته‌وه‌ ؟
سه‌لیم میراوده‌لی
ڕۆژانه‌ ده‌یان چیرۆكی كاریگه‌ر ده‌بیستین له‌ سیاسه‌تمه‌داران و به‌رپرسانی جیهان كه‌ چۆن ویستویانه‌ له‌ خه‌می گه‌له‌كه‌یان تێبگه‌ن چه‌ندین شێوازی سه‌رده‌میانه‌یان تاقیكردۆته‌وه‌ ، له‌م ماوه‌یه‌دا سه‌رۆك وه‌زیرانی نه‌رویج بۆخۆی شۆفێری ته‌كسی بووه‌ و گفتوگۆی له‌گه‌ڵ گه‌شتیاره‌كان كردوه‌ و پرسیاری ئیداری و خزمه‌تگوزاری لێ كردون و له‌ چۆنیه‌تی چاره‌سه‌ری گونجاوی كۆڵیوه‌ته‌وه‌ ، دواتر كردویه‌تیه‌ پڕۆژه‌ی كاری خۆی و له‌ یاداشته‌كانی تۆمار كردوه‌ به‌ جۆرێك ده‌ڵێت ئه‌وه‌ی له‌و گه‌شته‌دا سودم بینیوه‌ له‌هیچ كۆبونه‌وه‌یه‌كی ئه‌نجومه‌نی وه‌زیران نه‌مبینیوه‌ ، ئه‌و ده‌ڵێت ته‌نها هاوڵاتیانن كه‌ بتوانن له‌ ئێش و ئازاری خۆیان تێده‌گه‌ن بێگومان چاره‌سه‌ریش لای ئه‌وانه‌ و ئه‌گه‌ر بێت و داواكاریه‌كانیان به‌هه‌ند وه‌ربگیرێت ، به‌داخه‌وه‌ زیاتر له‌ دوومانگه‌ له‌ پارێزگای سلێمانی و ده‌وروبه‌ری به‌ گه‌رمای هاوین و به‌ سه‌رمای زستان ژماره‌یه‌كی زۆر هاونیشتیمانان و موچه‌خۆران داوای بچوكترین مافی سه‌ره‌تای خۆیان ده‌كه‌ن ، وه‌لێ به‌داخه‌وه‌ ده‌سه‌ڵاتدارانی هه‌رێم تا ئه‌مڕۆش به‌جدی نه‌هاتونه‌ته‌ سه‌رخه‌ت و ڕیز له‌ به‌های پیرۆزی هاوڵاتیانی خۆیان ناگرن ، وه‌كو شتێكی ئاسای سه‌یری ڕوداوه‌كان ده‌كه‌ن بێ باكن له‌وه‌ی كه‌ هه‌رچوار ده‌وره‌مان دوژمن و ده‌یانه‌وێت ڕاسته‌وخۆ گه‌ل و ده‌سه‌ڵات لێك دووربكه‌نه‌وه‌ .

نوێترین نوسینەکانی سه‌لیم میراوده‌لی