بنچینه‌كانی دامه‌زراندنی ده‌وڵه‌ت چیه‌ ؟

وتار/ 02/12/2016 650 جار بینراوە

سه‌لیم میراوده‌لی

بنچینه‌كانی دامه‌زراندنی ده‌وڵه‌ت چیه‌ ؟
ئایه‌ له‌ ماوه‌ی 25 ساڵ حكومڕانی كوردی هه‌نگاومان ناوه‌ به‌روسه‌ربه‌خۆی ؟
سه‌لیم میراوده‌لی
بی گومان دامه‌زراندنی ده‌وڵه‌تی سه‌ربه‌خۆی كوردستان خه‌ون و هیواو ئاینده‌ی هه‌موومانه‌ ، سه‌دان ساڵه‌ گه‌لی كورد خه‌بات ده‌كات له‌پێناو كوردستانێكی سه‌ربه‌خۆ و دیموكراسی و ته‌نانه‌ت به‌خته‌وه‌ریش بۆ ئه‌و گه‌ل و نه‌ته‌وانه‌ی كه‌ له‌سه‌ر خاك و نیشتیمانی كوردا ده‌ژین ، وه‌لێ به‌شێوه‌یه‌كی پراتیكی له‌به‌ر به‌رژه‌وه‌ندی كه‌سی حیزبی و ته‌نانه‌ت یه‌كتر بچوكردنه‌ و یه‌كتر تواندنه‌ به‌داخه‌وه‌ تاوه‌كو ئه‌مڕۆش نه‌توانراوه‌ ئه‌و ئاسۆیه‌ی كه‌ هه‌موومان چاوه‌ڕێی ده‌كه‌ین بێته‌دی ، ئه‌ویش له‌به‌ر چه‌ندین هۆ كه‌ هۆكار بوون بۆ دواكه‌وتنی ده‌وڵه‌تی سه‌ربه‌خۆی كوردستان ، له‌ دوای ڕاپه‌ڕینی باشوری كوردستان كه‌ توانرا كورد به‌هۆی ئه‌و ڕاپه‌ڕینه‌ مه‌زنه‌ ببێته‌ خاوه‌نی ئیداره‌ و خۆبه‌ڕێ وبردنی خۆی و ته‌نانه‌ت هه‌ڵبژاردنی په‌ڕله‌مان و له‌ دایكبوونی یه‌كه‌مین حكومه‌تی هه‌رێمی هه‌ڵبژارد ، وه‌لێ به‌داخه‌وه‌ ئه‌و ده‌رفه‌ته‌ زێڕینه‌ش بێ كه‌موكوڕی نه‌بوو و هه‌ر زوو ڕووبه‌ڕووی چه‌ندین گرفتی ناوخۆ بۆوه‌ ، ئه‌و ئومێده‌ی كه‌ هه‌موومان پێمان بوو وه‌كو پێویست نه‌بوو ئه‌وه‌ش بۆ چه‌ند خاڵێك ده‌گه‌ڕێته‌وه‌ كه‌ له‌ده‌وڵه‌تی سیستماتیك و شارستانیه‌ت به‌دی ده‌كرێت هانی هاوڵاتیان ده‌دات ئینتیمایان بۆ نیشتیمانه‌كه‌یان به‌هێزبێت و دڵسۆزبن به‌رامبه‌ر به‌ ئه‌ركه‌كانیان و بێ گومان مافه‌كانیشیان به‌ شێوه‌یه‌كی شایسته‌ هه‌بێت ، 1- به‌ درێژای ئه‌وماوه‌یه‌ نه‌بووینه‌ خاوه‌نی ده‌ستورێكی سه‌رده‌م كه‌ ده‌ستور دایكی یاساكانه‌ ئه‌گه‌ر ده‌ستور نه‌بێت واتا یاسا بوونی نیه‌ و ناتوانێت بچه‌سپێت . 2- نه‌بووینه‌ خاوه‌نی ئابووریه‌كی سه‌ربه‌خۆ و له‌ ده‌ستێكی ئه‌میندا بپارێزرێت و دووربێت له‌ ده‌ستی حیزبی و كه‌سی و بۆ به‌رژه‌وه‌ندی شه‌خسی به‌كاری نه‌هێنن . 3- له‌شكر و هێزه‌كانی ناوخۆ ئه‌ركیان پاراستنی نیشتیمانه‌ و سنوره‌كانی ناو ئه‌و هه‌رێمه‌یه‌ به‌داخه‌وه‌ ئه‌ویش نه‌توانراوه‌ به‌ شێوه‌یه‌كی سیستماتیك و هاوچه‌رخ ڕێكبخرێت و بێ به‌ش نه‌بووه‌ له‌ ده‌ستێوه‌ردانی حیزبی و شه‌خسی ته‌نانه‌ت زۆرجاران ئه‌و هێزه‌ی خۆی به‌ خاوه‌نی له‌شكر ده‌زانێت هه‌ڕه‌شه‌ له‌ به‌رامبه‌ره‌كه‌ی ده‌كات ئه‌وه‌ی له‌بیرچۆته‌وه‌ كه‌ ئه‌وانه‌ موڵكی گشتین و ئاسایشی هه‌مووان ده‌پارێزێ . 4- په‌یوه‌ندیه‌ نیشتیمانیه‌كان بێ گومان زۆر گرینگه‌ ده‌بوایه‌ له‌ چوارچێوه‌ی یاسا ئه‌ركه‌كانیان دیاری بكرابانایه‌ نه‌ك به‌ پێچه‌وانه‌وه‌ حیزبه‌كان ئه‌ویش بۆ به‌رژه‌وه‌ندی خۆیان به‌كار دێنن و بوونه‌ته‌ هۆی ناشیرن كردنی ئه‌و ئه‌زموونه‌ كه‌ هه‌موو كورد چاوی تێوه‌یه‌تی و خوازیاره‌ پڕشنگی باشوری كوردستان هه‌موو كوردستان بگرێته‌ و پارچه‌كانتریش به‌ پشتیوانی خۆیانی بزانن و سود له‌ توانای ئه‌و هه‌رێمه‌ وه‌ربگرن .