جیاوازی نێوان 10 ی محەڕەم و 31 ی ئاب ‼️

وتار/ 31/08/2020 701 جار بینراوە

موحسین حسێن

جیاوازی نێوان 10 ی محەڕەم  و 31 ی ئاب ‼️

✍🏻 هەردووكیان ڕوداوی مێژووین و گۆڕانكاری گەورەیان بە دووای خۆیاندا هێناوە ، بەڵام یەكیان بەرەو باشبوون و چاكبوون ، ئەوی تریان بەرەو خراپبوون و ماڵوێرانی.
1- ڕۆژی 10 ی موحەرەم ڕۆژی سەركەوتنی گەلێكە بەسەر گەورەترین و دڕندانەترین دیكتاتۆری سەردەمی خۆی ، ئەویش سەركەوتنی موسا و شوێن كەوتوانیەتی بەسەر فیرعەون و دارودەستەكەی ، بەڵام 31 ی ئاب ڕۆژی سەپاندنی دەسەڵاتی دیكتاتۆریە بە هاوكاری دوژمنانی گەل لەم مەملەكەتەدا.
2- ڕۆژی 10 موحەڕەم بووەتە شانازی بۆ هەموو میللەتانی سەر زەوی ، بەڵام 31 ی ئاب ڕۆژێكی ئابڕوبەرانەیە و باسكردنی شەرمە.
3- بەهۆی ئەوەی لە ڕۆژی 10 ی موحەڕەمدا ڕوداوی شەهیدكردنی ئیمام حوسەین ڕویداوە ، شیعە ئاڕاستەی ئەو ڕۆژەی گۆڕیوە و خەریكە خەڵكی بیری دەچێتەوە كە مەسەلەكە موسا و فیرعەونە نەك شەهیدكردنی ئیمام حوسەین ، بۆیە لە جیاتی ئاهەنگی سەركەوتن شیوەن شوێنی گرتۆتەوە ، بەڵام ڕودای 31 ئاب كە خۆی خیانەتێكی گەورەیە و شەرم ئامێزە ، دەسەڵات شانازی پێوە دەكات و دەیەوێت وەك دەسكەوتێكی مێژوویی و نەتەوەیی بیناسێنێ‌ ، كە لە ڕاستیدا ئەم ڕۆژە شیوەنی دەوێت نەك عاشورا.

نوێترین نوسینەکانی موحسین حسێن