کەی بەرنامە و بەڵێنتان وابوو.

وتار/ 21/06/2020 494 جار بینراوە

دارا سێكانیانی

کەی بەرنامە و بەڵێنتان وابوو.

لە کوێی دنیادا بوە؟  لەچ  ؟ فەرهەنگ و یاسایەکدا بەرچاوتان کەوتوە؟  لەچ؟  ئەزموون و باگراوندێکی فکریەوە فێربوون و هێناوتانە.

ئەبێت دڵسۆزان و خەمخۆران و پسپۆڕان و فەرمانبەرانی ڕاستە قینە باجی بندیوار و مشەخۆروکان بدەن تا کەی، ئامادەنین سنورێک بۆ ئەم ستمە ناڕەوایە دابنێن، پەنا بۆ  ستەمی بەناو چاکسازی ستەمکارانەتان ئەبەن،

ئەم هەموو بەڵێن و کۆبونەوەیە و هەڵایەی بەناوی چاکسازی وە ئەکرێت و ئەوترێت، بەداخەوە جورئەتی ئەوەناکەن گرفتەکە چارەسەرکەن، ئامادەنین موچەی بندیوارەکان ببڕن کە، چەندین ساڵە بوونەتە مشەخۆر بەسەر هاوڵاتیانەوە، بە ئاشکرا و بەنایاسایی و بەگەندەڵی مووچە و داهاتی فەرمانبەرانی ڕاستەقینە ئەدرێت بەو بندیوارانەی کەتەنها بۆ ڕاگرتنی ژمارە و ڕێژەی دەنگەکانیان پارێزگارییان لێ ئەکەن.
هەتا خاوەنی ئەو عەڤڵیەت و لۆژیک و بەرنامەیە بن دڵنیابن ئەم ووڵاتە و ئەزموونەکەی و متمانە و ناو ناوبانگی کوردو کوردستان و ئێستا و داهاتوو مێژوەکەشی ڕەشتر ئەکەن .
ئەگەر سەیرێکی خۆتان بڕیارەکانتان و ئەنجامەکانی وکارەکانتان بکەن ئەزانن لە ماوەی ئەزموونی حوکمڕانیتان چ ستەمێکتان لە هاوڵاتیان و فەرمانبەران و موچەخۆران کردوە، تا شەڕی ناو خۆ بوو کرتان کاتێک ئاهێک بەبەر خەڵکداهاتەوە دەستان خستە بینەقاقای هاوڵاتیان،  لەساڵی ( 2014) تائێستا چیتان بەسەر ژیانی مووچەخۆرانداهێناوە ماوەیەک  چارەکە مووچە و ماوەیەک  نیوە مووچە  ماوەیەک بەپاشەکەوتەوە هەر ساڵێک چەند مانگێکی لێببڕیت و ساڵێک نزیک ببینەوە لەمانگی حەوت  تەنها مووچەی مانگی یەک درابێت بە مووچە خۆران .
ئەبێت هاوڵاتیان دڵیان بە کوێ و چی و کام کاری ئەم دەسەڵات و بەرپرسانە خۆشبێت لە ووڵات و هەرێمێکی دەوڵەمەندا .
     
                     دارا سێکانیانی

نوێترین نوسینەکانی دارا سێكانیانی