لەبیرتان بێت ئەمڕۆ مێژوو بۆ نەوەی ئایندە ئەنوسرێتەوە

وتار/ 01/06/2020 569 جار بینراوە

سه‌لیم میراوده‌لی

لەبیرتان بێت ئەمڕۆ مێژوو بۆ نەوەی ئایندە ئەنوسرێتەوە

سەلیم میراودەلی
بەداخەوە ئەو بارودۆخەی ئەمڕۆی کوردستان بەگشتی و کەرکوک و ناوچە دابڕاوەکان، بەتایبەتی هێندە هەستیار و دڵتەزێنە ،دەبێت گرینگی زیاتر بە یەکڕیزی و تەبای ناوماڵی کورد بدرێت ،کە خەریکە لەبەر بەرژەوەندی کەسی و حیزبی ،سەروەریەکانمان لەدەست دەربچێت ، ئێوە و ئێمەش دەزانین کە بۆ بەدەستهێنانی سەروەری نەتەوەکەمان تاوەکو بە ئەمڕۆ گەیشتووین دەریایەک خوێنمان پێشکەش کردوە ،گیانی پیرۆزی شەهیدانی نەتەوەکەمان شایدی ئەو ڕاستیەن ، ناکرێ و هەرگیز نابێت ئەنفالی بارزانیەکان و گەرمێن و دۆڵی جافەتی و خۆشناوەتی و کوردستان لەبیربکەین بە بەرژەوەندی نەوت و موچە و داهاتی شەخسی بیگۆڕینەوە چونکە هەرگیز مێژوو لێتان خۆشنابێت ، بەبەرچاوی جیهان و ڕای گشتی ڕسق و دانەوێڵەی جوتیارانی کورد بسوتێن و ئەنفالێ کیتر تۆمار بکەنەوە ، ئەی ئێوە نەتانگوت گەل بێ خودان نیە ئەی بڕیار نەبوو کوردستان بکەینە ئارامی و پێکەوەژیان بەسە با چیتر خوێنی گەشی نەتەوەکەمان بەفیڕۆ نەڕوات لەسەر پۆست و دەسەڵات ، پێشنیا دەکەم لەپێناو پاراستنی سەروەری گەلەکەمان هەرچی زووە لەسەر ئەو پرسە گرینگانەی ئەمڕۆ کۆنگرەی باڵای بەرژەوەندی نەتەوەی ببەسرێت ڕای گشتی ناوخۆ و جیهان ئاگادار بکرێتەوە دەنا بۆجارێکیتریش پێتان دەڵێم مێژوو لە کەسمان خۆشنابێت ، ئەم وتارەش لەناو لاپەڕەکانی مێژووی ئایندەی نەتەوەکەمان تۆمار دەکرێت .

نوێترین نوسینەکانی سه‌لیم میراوده‌لی