قازو قه‌زه‌م
وتار/
18/11/2016
1000 جار بینراوە
له‌تیف فاتیح فه‌ره‌ج
قازو قه‌زه‌م
له‌تیف فاتیح فه‌ره‌ج
1
من كوڕی عه‌ریف فاتیحم ، جارێكیان باجه‌ت توركه پێی وتم
باوكت شانازیه‌كی گه‌وره بوو، باوكم تا مرد پارتیه‌كی راستی بوو نه‌ك پارتی پاره‌و
پله‌و پۆست ، له كاتێكا به هه‌وڵی خۆی ببوه ئامر به‌تالیۆن له ئه‌یلولا، ساڵی
1979 چه‌ند رۆژێك ون بوو" ئه‌و ده‌م به هۆی ئاشبه‌تاڵه‌وه له خه‌له‌كان بوین
و ئێمه زۆر مناڵ بووین " دوای كه‌هاته‌وه كاسێتی پرسه‌كه‌ی بارزانیشی پێبوو،
ئه‌وه‌نده‌م گوێ لێگرت ، ئێستاش زۆربه‌ی شیعره‌كه‌ی هه‌ژاری موكریانیم له‌به‌ره
، پارتی چاكه‌ی باوكمیان به‌وه دایه‌وه كوڕێكیان له شه‌ڕی ناوخۆدا شه‌هیدكردو
تا خۆیشی له ژیانا بوو هیچیان بۆ نه‌كرد .
2
چۆن كرام به ڕائید ، من فه‌رمانبه‌ری وه‌زاره‌تی رۆشنبیری
بووم ، فه‌رمانبه‌رێكی ئاسایی ، دوریان خستمه‌وه بۆ به‌غدا ، به‌غدا وه‌رینه‌گرتم
، دوای شه‌ش مانگ بێنه‌وبه‌ره خرامه سه‌ر رێكخراوه‌كان ئه‌ویش به هاوكاری دكتۆر
به‌رهه‌م ، مسته‌فا چاڵاوی پێی وتم تۆ له هه‌شتاكان رێكخستن بووی ، هاتی بۆ پێشمه‌رگایه‌تی
، راپه‌ڕینت كردوه ، له 1991ماوه‌یه‌ك خۆبه‌خشانه پێشمه‌رگه بووی ، ئه‌تكه‌ین
به خانه نشینی پێشمه‌رگه ،وتیان موچه‌كه‌شت له سه‌ر به‌غدا ده‌بێت ، هه‌ڵبه‌ت
پێشمه‌رگایه‌تی ئه‌و ده‌م و ئێستاش شانازیه ئه‌گه‌ر نه‌حزبێنرێ ، پاش ئه‌وه‌ی هه‌وڵم
دا بمگێڕنه‌وه وه‌زاره‌ت نه‌كرا ، ناچار بووم بۆ ژیان ئه‌وه قه‌بوڵ بكه‌م ، بۆ
هه‌وڵی گه‌ڕانه‌وه‌م بۆ فه‌رمانبه‌ری هه‌ر یه‌ك له مسته‌فای سه‌ید قادر ، بایز تاڵه‌بانی
، كاوه‌مه‌حمود و زۆری تر شاهیدن ، من سزا دراوم ، ئێستاش له هه‌وڵی ئه‌وه‌دام به‌غدا
وه‌رمبگرێ ، له 2009وه ده‌ركراوم ، له كاتێكا 16 ساڵ فه‌رمانبه‌ریم هه‌بوو،
خاوه‌نی 50 كتێب و سه‌دان وتارو لێكۆڵینه‌وه‌م ، ئه‌وه‌ش پاداشته‌كه‌م كه قازو قه‌زه‌مه‌كان
ده‌مگه‌زن.
3
له وڵاته‌كه‌ی مه‌سعود بارزانی و نێچیرڤان بارزانیدا ،
رۆژنیه سوكایه‌تی به ئازادی خوازان نه‌كرێ ، رۆژنیه به ناوی ئه‌وانه‌وه جنێوی
بازاڕی به دایك و خوشكی شه‌هیدو ئازادیخوازان نه‌درێ ، من هیچم له نێچیرڤان ناوێت
هه‌ر ئه‌وه‌نده نه‌بێت با خۆم و مناڵه‌كانم له‌م وڵاته ده‌ركات و بڵێ جێی تۆ لێره
نابێته‌وه ، ئاخر بۆیه نێچیر ده‌ڵێم له‌به‌ر ئه‌وه‌ی باوكم خۆی زۆر به دۆست و
نزیكی باوكی ئه‌و ده‌زانی ، هه‌ر له‌به‌ر ئه‌وه داوای لێده‌كه‌م ئه‌و چاكه‌یه‌ی
باوكم بداته‌وه و له‌م وڵاته ده‌رمكات، موچه‌كه‌شم ئه‌گه‌ر ماو هێشتیانه‌وه‌و وه‌ك
فه‌رمانبه‌ریش خانه‌نشینكرام له ئێستاوه تا مردن بدرێته نه‌خۆشخانه‌ی هیوا .
لێره به دواوه له جێی سندان قوزه‌ڵقورته .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020