هەڵەبجە دوای 28 ساڵ لەدەسەڵاتی کوردی

وتار/ 16/03/2020 581 جار بینراوە

كاميل مەحمود

هەڵەبجە دوای 28 ساڵ لەدەسەڵاتی کوردی

کامیل مەحمود
جارێکیتر یادە تراژیدییەکەی کیمیابارانی هەڵەبجە گەڕایەوە، ۲٨ساڵە کورد بەخوێنی شەهیدانی هەڵەبجەو ئەوانیتر حوکمڕانە بەڵام:
- هێشتا گەڕەکەکانی هەڵەبجە کەلاوەی هەشتاو هەشتی تیا ماوە.
- هێشتا کوڕو کچە ونبووەکانی هەڵەبجە لەناو خانەوادە ئێرانییەکاندا دەژین و هیچ هەماهەنگییەکی فەرمی و جدی لەگەڵ تاراندا لەڕێگای بەغداو هەولێرەوە بۆ گێڕانەوەیان نییە.
- هێشتا بریندارو هەناسە توندبووەکانی هەڵەبجە بێ چارەسەر ماونەتەوە لەکاتێکدا کوڕە بەرپرسەکان بۆ پەتاو ئازارو هەڵامەتێک ڕەوانەی هەندەران دەکرێن.
- هێشتا سیمای شەست و حەفتاکان بەڕواڵەتی شارەوەیەو جێ دەستی ئەم دەسەڵاتە ونە.
- هێشتا بەرژەوەندی حزبی و هاوکێشەی نفوزی سیاسی سەوزو زەرد لەسەرووی بەرژەوەندی شارەکەوەیەو ڕێگرە لەئاوەدانی و گەشەکردنی بوارەکانی ژیانی هەڵەبجەییەکان.
- هێشتا هەڵەبجە وەک شارەدێیەک مامەڵەی لەگەڵ دەکرێت و بڕیاری بەپارێزگابوونەکەی تەنها ڕوواڵەتییەو بە ژیانی ئیداری و فەرهەنگی شارو ناوچەکەوە نابینرێت.
- هێشتا بەسوتماکبوونی جەستەی ئەم شارە نەکراوەتە پرسێک لەگەڵ دەسەڵاتی ئیتیحادی بەغدادا کەبچێتە ژێر باری بەرپرسیاریەتییەوە وەەک میراتگری فەرمی دەسەڵاتی پێشوو...

نوێترین نوسینەکانی كاميل مەحمود