چیمان له گۆڕان ویست ئه‌و چی ده‌كات
وتار/
03/11/2019
660 جار بینراوە
له‌تیف فاتیح فه‌ره‌ج
چیمان له گۆڕان ویست ئه‌و چی ده‌كات
له‌تیف فاتیح فه‌ره‌ج
بزوتنه‌وه‌ی گۆڕان وه‌ك بزوتنه‌وه‌یه‌كی سیاسی هه‌رێمی كوردستان ، لانی
كه‌م له ئێستادا وه‌ك هێزی سێیه‌می ئه‌م هه‌رێمه به قه‌د ئه‌وه‌ی هه‌یه
ده‌كرێت قسه‌ی له سه‌ر بكرێت ، ره‌خنه‌ی لێبگیرێت ، وه‌ك چۆن یه‌كێتی و
پارتیش قسه‌یان له سه‌ر ده‌كرێت و ره‌خنه‌یان لێده‌گیرێت ، بزوتنه‌وه‌ی
گۆڕان له سه‌ره‌تای دروستبوونیدا نه‌ك هه‌ر خه‌ڵكی گۆڕانخوازو هێزه
سیاسیه‌ناڕازیه‌كانی هه‌رێمی كوردستان به چاوی ئومێده‌وه سه‌یریان ده‌كرد
، ته‌نانه‌ت ده‌نگه ناڕازی و توڕه‌كانی نێو پارتی و یه‌كێتیش چاوی
ئومێدیان تێبڕیبوو، ئێمه ئه‌و سه‌رده‌مه له نزیكه‌وه ئاگاداری هه‌موو
ئه‌وانه بووین .
ئه‌و رۆژگاره به هۆی بوونی ده‌یان جه‌نگاوه‌ری
خاوه‌ن قسه‌و سیاسی بڕیارده‌ره‌وه نه‌ك هه‌ر چاوی ئومێدی له سه‌ر بوو ،
سڵیشی لێده‌كرایه‌وه ، هه‌ر ئه‌و سڵه‌ش بوو وای كردبوو تۆمه‌تی ناڕه‌واو
نابه‌جێ بۆ كاره‌كته‌ره‌كانی دروستبكرێت به رێكخه‌ری گشتیشه‌وه كه له
بنده‌ستیه‌وه به پاره جاسوس دروستده‌كراو ده‌كڕدرا .
ئێستا ئه‌م
بزوتنه‌وه‌یه له‌م دۆخه هه‌ستیاره‌دا چوار قسه‌ی ئاشكراو ڕوونی نیه ،
هیچ له بارو دۆخی خه‌ڵك نه‌گۆڕاوه ، ته‌ندروستی و خوێندن له هه‌مان دۆخی
جاراندان خراپتر نه‌بن ، موچه‌و بودجه له به‌رده‌م مه‌ترسیدان ، نه‌ك
ئه‌وه هه‌رێمی كوردستان ، ماده‌ی 140،ته‌واوی ده‌ستورو هتد له‌به‌رده‌م
هه‌ڕه‌شه‌دایه ، ئه‌م بزوتنه‌وه‌یه ده‌نگی لێوه نایه‌ت ، به‌غداو باشور
له‌به‌ر نادادی و سته‌م و گه‌نده‌ڵی و نه‌بوونی خزمه‌تگوزاری رژاونه‌ته
سه‌ر جاده ، رۆژئاوای كوردستان له‌به‌رده‌ك كه‌ڵبه‌ی تیژی ئاكه‌په‌و
ئه‌ردۆغان و سوپای توركیادایه ، كه‌م رۆژ هه‌یه كۆڵبه‌رێكی كورد له
رۆژهه‌ڵات سینگه نه‌بێته گوله‌وه ئه‌م بزوتنه‌وه‌یه ، ئه‌و هێزه‌ی كه
له رابردوودا داوه‌تی توركیای له پێناوی كوردا ره‌تده‌كرده‌وه ، ئاوڕی
له پێشنیازو به‌ڵێنی درۆینه‌ی ئه‌م وڵات و ئه‌و وڵات نادایه‌وه ،
ئه‌وه‌تا هیچی نیه بۆ ووتن .
ئه‌م بزوتنه‌وه بێده‌نگه كه هه‌ندێك
بۆ شكاندن و لێدانی ئه‌و بێده‌نگیه به ئاقڵ بوون ناوده‌به‌ن
كاره‌كته‌ره‌كانی كه به‌ده‌نگی خه‌ڵك به‌رزترین پله‌یان وه‌رگرت ، له بری
ئه‌وه‌ی له به‌غدا له نێو خۆپیشانده‌راندا بن ، ده‌ڵێن "ئه‌وه‌ی له
به‌غدا هه‌یه ده‌ستی له پشته" و نه‌ك ئه‌وه‌نده ده‌ڵێن " هه‌مان
ده‌ستیش له هه‌رێم هه‌یه " هه‌مان ئه‌و قسه‌یه‌ی كه پێشتر ده‌درایه پاڵ
بزوتنه‌وه‌ی گۆڕان و خه‌ڵكی ناڕازی ، له راستیدا ئه‌م بزوتنه‌وه‌یه له
دۆخێكدایه له‌وه ده‌چێت كه‌س ئاگای له‌وی تر نه‌بێت ، ئه‌وه‌بۆیه
گوێبیستی ئه‌و جۆره قسانه‌ش ده‌بین .
گه‌وره‌ترین مه‌ترسی له سه‌ر
هه‌ر بزوتنه‌وه‌یه‌كی سیاسی كوشتنی گیانی به‌رهه‌ڵستی و زمانی قسه‌كردنه،
ده‌سه‌ڵاتدارانی هه‌رێمی كوردستان مه‌رگی نه‌وشیروان مسته‌فاو
دوركه‌وتنه‌وه‌ی قادری حاجی عه‌لی و عوسمانی حاجی مه‌حمود و سه‌دان
قسه‌كه‌ری بوێریان به هه‌لزانی بۆ ئه‌وه‌ی به هه‌ر بڕو بیانویه‌ك ئه‌و
گیانی به‌رهه‌ڵستی و زمانی قسه‌كردنه تا ئاستی كوشتن به‌رن ، من بۆ خۆم
بڕوام به ئارامی و پێكه‌وه ژیانی ئاشتیانه‌ی سیاسی هه‌یه ، به‌ڵام نه‌ك
به‌و راده‌یه‌ی هێزی سیاسی بوونی خۆی فه‌رامۆش بكات كه چیه‌و ده‌بێت
چیبكات ، ئاخر ئه‌گه‌ر ئێستا نه‌وشیروان مسته‌فا زندوو بێته‌وه ئه‌م
بزوتنه‌وه سیاسیه‌ی خۆی ناناسێته‌وه .
هیوام وایه دۆستان ئه‌م ره‌خنانه به سنگی فراوانه‌وه وه‌ربگرن و بیرێك له خۆیان و ئاینده‌ی میله‌ته‌كه‌شیان بكه‌نه‌وه .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020