کۆچ لەپێناو دادپەروەری و پێکەوەژیان و چەسپاندنی مافەکانی مرۆڤ

وتار/ 31/08/2019 1073 جار بینراوە

سه‌لیم میراوده‌لی

کۆچ لەپێناو دادپەروەری و پێکەوەژیان و چەسپاندنی مافەکانی مرۆڤ

سەلیم میراودەلی

ساڵی کۆچی وەبیرهێنانەوەیکی یەکجار گرینگە بۆ چەسپاندنی مافەکانی مرۆڤ و پێکەوەژیان و دادپەروەری ، بەدرێژای مێژوو مرۆڤ هەوڵیداوە لە نیشتیمانێکی ئارام و ئاسودەدا بژیەت وەلێ کاتێک مافەکانی زەوت کرا یەکێک لە ڕێگاکانی کە هەڵیدەبژێرێت کۆچکردنە ، خوای گەورەش ڕەوای داوەتە ئەو کۆچانەی کە هەڵاتنە لەبەر زوڵم و ستەم ، یان بۆ دابینکردنی ژیانێکی سەرەتای ، گەلی کورد بەداخەوە بەناچاری چەندین جار کۆچی بە کۆمەڵی کردوە نمونەی ڕەوی بە کۆمەڵ و کۆچی گەنجان بەرەو هەندەران ، لەو یادە پیرۆزەدا دەکرێت وانەیەکی گرینگی لێ فێرببین کە چۆن کاتێک نیشتیمان بەجێدێڵیت خۆت پەروەردە بکەیت کە بەشێوەیەکی سیستەم وڵات بەڕێوە بەرین ، بەو بۆنەوە پیرۆزبای ساڵیادی هیزرەتی پێغەمبەری ئیسلام لە تەواوی مسوڵمانان پیرۆز دەکەم داوای خۆڕاگری لەو گەنجانە و کوردانی تاراوگە دەکەم کە نیشتیمانیان بەجێهێشتوە و هەوڵبدەن دۆزی ڕەوای گەلەکەمان بەجیهان بناسێن و ئامانجی نەتەوەکەمان بپێکن تاوەکو سود بە ئەمڕۆ و ئایندەمان بگەیەنن ، هەموومان لە نیشتیمانی خۆمان بە ئاسودەی و ئارامی  و دادپەروەری بەشکۆوە بژین .

نوێترین نوسینەکانی سه‌لیم میراوده‌لی