داعش چوار پیت به‌ڵام سه‌دان پرسیار

وتار/ 19/10/2016 1424 جار بینراوە

دارا سێكانیانی

داعش چوار پیت به‌ڵام سه‌دان پرسیار

دارا سێكانیانی
ئه‌م هێزه‌ تیرۆرسته‌ بۆ دروست بو ،وه‌ئامانج له‌دروستكردنی چی بوو، بۆبه‌ربوه‌ گیانی گه‌لانی ئه‌م رۆژهه‌ڵاتی ناوه‌ڕاسته‌، بۆ ئه‌و كاته‌ی كه‌ موصڵ و به‌شێكی زۆری له‌ خاكی عێراق و سوریای داگیركرد یه‌كسه‌ر ووڵاتانی زلهێز به‌گشتی و ئه‌مریكیه‌كان به‌ تایبه‌تی وتیان سێ 3 ساڵی پێ ئه‌چێت تا داعش له‌عێراق له‌ناو ئه‌برێت واسێ 3ساڵه‌كه‌ خه‌ریكه‌ ته‌واو ئه‌بێت و داعشیش له ‌ڕۆژه‌كانی كۆتاییایه‌تی له‌عێراقدا.
ئایه‌ كێ له‌پشت داعشه‌وه‌بو، وه ‌ئایه‌ كێ هاوكاری وپشتیوانی ئه‌م هێزه‌ توندڕه‌وه‌ی كرد ڕۆژیك تالیبان ڕۆژێك قاعیده ‌و ئه‌مرۆش داعش ئه‌ی ئه‌بێت به‌یانی و له‌داهاتودا چ هێزێكی تر دروست بكرێت ، به‌داخه‌وه‌ زۆر له‌مێژه‌ ئه‌م ووڵاتانه‌ ئارامیان تیانه‌ماوه‌ به‌رده‌وام شه‌رو كوشتارو خوێن و به‌رده‌وام سوكایه‌تی به‌مرڤ بونی مرۆڤه‌كان ئه‌كرێت.
هه‌مووئه‌و هێزه‌توندڕه‌وانه‌ی كه‌دروست بون له‌سه‌ر خاكی مسوڵمانان دروستكراون ئه‌وانه‌ی كه‌ تیاچون هه‌رمسوڵمانان بون ،خاكی ئه‌م ووڵاتانه‌ بۆته‌ بازاڕی چه‌ك ساغكردنه‌وه‌ی زلهێزه‌كان. به‌هه‌مو شێوه‌یه‌ك وێران كراون وسه‌رخان و ژێرخانیان له‌ناوبراوه‌ بۆئه‌وه‌ی هه‌میشه‌ هه‌رله‌دواوه‌بن و به‌ به‌رده‌وامی چاویان له‌ ده‌ستی زلهێزانه‌وه‌بێت به‌داخه‌وه‌ له‌پێناوی پاراستنی به‌رژه‌وه‌ندی خۆیان هه‌موشتێك له‌ناو ئه‌به‌ن به‌هه‌زاران هاووڵاتی له‌ عێراق و سوریا و ووڵاتانی ڕۆژ هه‌ڵاتی ناوه‌ڕاستدا بونه‌ سوته‌مه‌نی ده‌سكه‌وت و خه‌ونی نه‌گرسی داگیركه‌ران و هێزه‌ توند ڕه‌وه‌كان .
تاكه‌ ڕێگاو چاره‌سه‌ر بریتیه‌ له‌ هۆشیار كردنه‌وه‌ی هاووڵاتیان و به‌رپاكردنی شۆڕشێكی ڕۆشنبیری گشتگیر بۆ به‌گژداچونه‌وه‌ی بیری توند ڕه‌وی و پاوانخوازی ، وه‌بره‌ودان به‌بیری هاوچه‌رخی ڕه‌سه‌نی میانه‌ ڕه‌وه‌ی و قوڵكردنه‌وه‌ی گیان به‌یه‌كه‌وژیان یه‌كتر خوێندنه‌وه‌و یه‌كتر قبوڵكردن و ئاشی و مه‌ده‌نی بون.
بۆدوباره‌نه‌بونه‌وه‌ی ئه‌م هێزه‌توندڕه‌وانه‌ پێویسته‌ بره‌و به‌بیری میانه‌ڕه‌وه‌ی ئیسلامیی بدرێت وه‌له‌ جوانترین فۆڕم و شێوازدا ئه‌و په‌یامه‌ جوان و گشتگیره‌ی ئیسلام كه‌سه‌رتاپای خێرو خۆشیه‌ بۆكۆمه‌ڵگای مرڤایه‌تی به‌گشتی و تاك به‌تاكی مرۆڤه‌كان به‌تایبه‌تی پێشكه‌ش بكرێت