هەڵبژاردن بەردی بناغەی دیموکراسیە

وتار/ 12/03/2018 684 جار بینراوە

سه‌لیم میراوده‌لی

هەڵبژاردن بەردی بناغەی دیموکراسیە
سـەلـیـم مـیراودەلــی
ئەگەر هەڵبژاردن بۆ وڵاتە پێشکەوتوەکان گرینگ بێت ئەوە بێ گومان بۆ گەلی کوردستان تایبەتمەن و گرینگترە ، لەبەر ئەوەی لەماوەی ئەو دەسەڵاتەی لە عێراق و کوردستان حکومڕانیان دەکرد تروسکایەک ڕووناکیان بۆ هاوڵاتیان نەهێشتەوە هەموومان ئەو ڕاستیانەمان لەبەرچاوە کە چۆن بەهۆی قەیرانی دروستکراو بێ خەمی و بێ باکی دەسەڵاتداران گەلی عێراق و کوردستا ن و هەژارەکان ڕووبەڕووی گوشارێکی دەرونی و ماڵوێرانی و کاولکردن بووینەوە ، هەڵبژاردن واتا قبوڵ کردنی دەستاودەست کردنی دەسەڵات ، بەرپرسان دەبێت باش بزانن کە ئەوانەی ئەمڕۆ حکومڕانی وڵات دەکەن بە میرات لە باوکیانەوە بۆیان بەجێ نەماوە ، یاخود بە کودەتایەکی سەربازی نەهاتونەتە سەر دەسەڵات ، بەڵکو گەلی عێراق  و خەڵکی بەشمەینەتی کوردستان بەزیادەوە فیداکاریان کردوا بۆ چەسپاندنی دادپەروەری و پێکەوەژیان و دیموکراسی ، دەبێت هاونیشتیمانیانش بە وشیاری و دڵسۆزیەوە  نوێنەرەکانیان هەڵبژێرن چونکە لە دیموکراسیەتدا گەل خاوەنی دەسەڵاتە و هەر گەلیش دەتوانێت بە دەنگ لێپرسینەوە لە گەندەڵچیەکان بکات ، جا کەوایە دەنگدەری بەڕێز با ویژدانما لە پێش سۆز دابێت چونکە تۆ بەرپرسی لە ئەمڕۆ و ئایندەی نیشیمانەکەت و نەوەکانی ئایندە ، بەدەنکی تۆ نیشتیمان بونیاد دەنێینەوە .

نوێترین نوسینەکانی سه‌لیم میراوده‌لی