ڕه‌خنه چیه؟ كێن ئه‌وانه‌ی ڕه‌خنه ده‌گرن؟
وتار/
14/01/2018
477 جار بینراوە
سه‌لیم میراوده‌لی
ڕه‌خنه چیه؟ كێن ئه‌وانه‌ی
ڕه‌خنه ده‌گرن؟
ئایه ده‌سه‌ڵاتداران توانیویانه
گوێ له ڕه‌خنه‌گرانی بونیادنه‌ر بگرن ؟
سه‌لیم میراوده‌لی
به درێژای 25 ساڵ حكومڕانی
حكومه‌تی هه‌رێمی كوردستان زۆرتر ڕه‌خنه گیراوه و به‌داخه‌وه كه‌متر سودیان لێ
بینیوه و گوێیان بۆ ڕه‌خنه گران ڕاگرتوه ،
ڕه‌خنه چه‌ندین جۆری هه‌یه
1- ڕه‌خنه گری بونیاتنان و دڵسۆز ئه‌و كه‌سانه‌ن
ده‌یانه‌وێت ڕاستیه‌كان پیشانی ده‌سه‌ڵات بده‌ن و بۆ ئه‌وه‌ی حكومه‌ت و ده‌سه‌ڵات
بپارێزن به دڵسۆزی و به هێمنی پێشنیار ده‌كه‌ن و ڕه‌خنه له كاره سلبیه‌كانی
حكومه‌ت ده‌گرن بۆ ئه‌وه‌ی ئاینده‌یه‌كی جوانتری هه‌بێت و نێوان گه‌ل و ده‌سه‌ڵات
به‌هێزتر بكه‌ن ئه‌و كه‌سانه‌ی ئه‌و ڕه‌خنانه ده‌گرن كار و كرده‌وه‌یان یه‌كه ده‌بێت
ئه‌وانه گوێیان لێ ڕابگرن و تێبینه‌كانیان به هه‌ند وه‌ربگرن ،
ڕه‌خنه‌ی خۆ ده‌رخستن
ئه‌و جۆره ڕه‌خنه گرانه
ته‌نها له‌سه‌ر میدیاكان قسه ده‌كه‌ن و بۆ ئه‌وه‌ی ده‌سه‌ڵات بیان ناسێت زۆر به
ئاسانی ده‌سته‌مۆ ده‌كرێن و شاره‌زایه‌كی ئه‌وتۆیان نیه له كاروباری ڕۆژانه‌ی خه‌ڵك
و ده‌سه‌ڵات ، ڕه‌خنه‌ی ڕوخێنه‌ر و دووڕوو
ئه‌وانه‌ن هه‌رگیز ڕاستیه‌كان
نابینن و ته‌نانه‌ت ناشیانه‌وێت ڕاستیه‌كان ببینن خه‌تی چه‌وت به هه‌موو جوانیه‌كانیشدا
دێنن ئه‌وانه ته‌نانه‌ت بۆخۆشیان ڕاستگۆ نین ته‌نانه‌ت له گه‌نده‌ڵی و پێشێلكردنی
مافه‌كانی مرۆڤ و ژنانیش بێ به‌ری نین ته‌نانه‌ت تاوانباریشن كاریان ته‌نها تێكدانه
و دوركه‌وتنه‌وه‌یه له نێوان گه‌ل و ده‌سه‌ڵات ته‌نها بۆ به‌رژه‌وه‌ندی خۆیان
كار ده‌كه‌ن بێ به‌رین له هه‌موو به‌ها مرۆڤیه‌كان هه‌ر جاره و بۆ كه‌سێك سه‌ما
ده‌كه‌ن ،
ئه‌وانه زۆر مه‌ترسیدارن و
ده‌بێت به ڕێگای یاساوه لێ پرسینه‌وه‌یان له‌گه‌ڵدا بكرێت و بواریان پێ نه‌درێت
ببنه هۆی تێكدانی شیرازه‌ی ئاسایشی نه‌ته‌وه‌ی ،
بۆیه بارودۆخی هه‌رێمی
كوردستان به‌م شێوه‌یه ته‌نانه‌ت كه سه‌یری میدیاكان ده‌كه‌یت نازانیت كێ هه
تاونباره و كێ به‌رگری له گه‌ل ده‌كات وه‌كو ئه‌و كابرای گوندیمان لێهاتوه ده‌بێت
بڵێین كامه‌تان شه‌ریفن ،
ئه‌مڕۆ له هه‌مووكات زیاتر
مه‌له‌فی گه‌نده‌ڵی و به فیڕۆدانی سامانی گشتی به درێژای ئه‌و 25 ساڵه هه‌ڵده‌درێته‌وه
،
ئه‌گه‌ر دادوه‌ری گشتی هه‌بێت
ده‌بێت لێپرسینه‌وه له‌و هه‌مووه خاوه‌ن مه‌له‌فانه بكات كه بونه‌ته هۆی برسیكردن و به‌هه‌دردانی سامانی نه‌ته‌وه‌كه‌مان
یان ئه‌گه‌ر لیژنه‌ی ده‌ستپاكی هه‌بێت هیچ پێویست ناكات به‌دوای ڕاستیه‌كان بگه‌ڕێت
خۆشبه‌ختانه دزه‌كان بۆخۆیان خۆبه‌خۆ ڕووی ڕاستی دزێویان بۆ گه‌ل ئاشكرا ده‌كه‌ن
،
هیوادارم ده‌سه‌ڵاتدارانی هه‌رێم
سود له ڕابردوی تاڵی ئه‌و 25 ساڵه حكومڕانیه‌ی خۆی وه‌ربگرێت كه بۆته هۆی
لاوازبوونی ئینتیمای نیشتیمانی و هه‌ڵگیرساندنی ده‌یان شه‌ڕی ناڕه‌واو به‌فیڕۆدانی
سامانی گشتی و كۆچكردنی به هه‌زاران لاو داهێنه‌رانی نیشتیمانه‌كه‌مان كه به‌داخه‌وه
ئه‌مڕۆ له هه‌مووكات زیاتر پێویستمان پێیانه ، دووركه‌ونه له‌وانه‌ی دووڕوون ته‌نها
كاریان قه‌ڵوكردنی خۆیان و خاوه‌نه‌كانیانه .
ئه‌و بابه‌ته‌م بۆ به‌رژه‌وه‌ندی
گشتی نیشتیمانه‌كه‌مه و ڕووم له كه‌س نیه چونكه ده‌زانم هه‌موان ماڵیان له
شوشه‌یه .
نوێترین نوسینەکانی سه‌لیم میراوده‌لی
-
سه‌لیم میراوده‌لی
21/08/2021
-
سه‌لیم میراوده‌لی
16/08/2021
-
سه‌لیم میراوده‌لی
14/07/2021
-
سه‌لیم میراوده‌لی
02/07/2021
-
سه‌لیم میراوده‌لی
20/06/2021
-
سه‌لیم میراوده‌لی
07/06/2021