حەقیقەتێك دڵانی ساغ ئارامدەكاتەوە

وتار/ 11/01/2018 420 جار بینراوە

عوسمان حمەکریم زەڵمی

حەقیقەتێك دڵانی ساغ ئارامدەكاتەوە
عوسمان حمەكریم زەڵمی
  كەمنین ئەوانەی بەردەوام فرمانی خوا لەبان سەری خۆیان دادەنێن و ، بەوپەڕی پەرۆشیەوە كۆشش دەكەن بۆ خزمەتی ـ دوور لە منەت و ئەزیەتی ـ مرۆڤەكان . وە پاڵنەری ناخ و دڵیان تەنهاو تەنها : ( لِۆجْهِ اللَّهِ) یە ، نە بەرانبەرێ‌ ، نە سوپاسگوزاریێ : (ڵا نُڕیدُ مِنكُمْ جَزَا‌و ۆڵا شُكُوراً). هەروەك دروست خۆیان دەپارێزن لەزەوتكردنی مافی ڕەوای ئادەمیزاد یان غەیر .. چونكە دڵنیان سنوور بەزاندن لای خوا هێڵی سورەو ڕۆژی خەجاڵەتی و ڕووڕەشی بەڕێوەیەو هاكا هاتەبەرەوە : (إِنَّا نَخَافُ مِن رَّبِّنَا ێوْماً عَبُوساً قَمْگَڕیراً).
  وەختێك ئەم جوامێرانە دەترسن لەڕۆژە سەختە ڕوگرژەكە (العبوس) ، كە مۆنی و مڕومۆچی (قمگریر) یەكەی گەیشتۆتە لوتكەو هەم خۆی وە ئەوانەی ناوی دەگرێتەوە ، چونكە بە (سیغەی موبالەغە) باسكراوە ، وە هەر لێرەوە حساب بۆ ئەو بەڵێنە چاوەڕوانكراوە دەكەن ، دەی ئیتر ئەوكاتە هاتەبەرەوە خوای خاوەن فەزڵ دەیانپارێزێ لەو شەڕو خراپەی تیایدایە و دەبێتە واقع : (فَۆقَاهُمُ اللَّهُ شَرَّ ژَلِكَ الْێوْمِ ) ، لەبری ڕووڕەشی و مڕومۆچی (العبوس) ، ڕوخساری گەش (النچرە) ، كەهەردوكیان بەڕومەتەوە دەردەكەون ، وە لەجێی ترس (الخوف) خۆشی و شادی (السرور) یان پێ‌ دەبەخشێ‌ كە شوێنی جێگیربونی هەردوكیان دڵە : ( ۆڵقَّاهُمْ نَچْرَەً ۆسُرُوراً / الانسان : 11 ) .. ئیتر ڕوگرژی و مۆنی و مڕومۆچی ئەو ڕۆژە بۆ ئەوان دەبێتە ڕوخساری گەش و ، ترس و بیم دەبێتە خۆشی و شادی بۆیان .. 
    فەرمایشتی خوا زۆر وردو شیرین و بڵندە ، دەبینین لە بەرانبەر وشەی (العبوس) وە دەفەرموێ‌ (النچرە) ، چونكە هەندێ‌ دەم و چاو و ڕوخاسار هەیە مۆن نیەو كەچی درەوشاوە (نچرە) ش نیە . هەروەك وشەی (السرور) زیاتر لەئەمن و ئاسایش مانا دەبەخشێت ، كەسی وا  هەیە جێگای ئەمنە كەچی دڵخۆش نیە..
ئا ئەم زیادەیە فەزڵی خوایە ، ئەوەی بە چاكە (الحسنە)وە هاتبێ بۆ ئەوێ‌ ، حەتمەن پاداشتەكەی چاكتر (أحسن) دەبێت : (مَن جَا‌وَ بِالْحَسَنَەِ فَڵهُ خَیْرٌ مِّنْهَا ۆهُم مِّن فَزَعٍ ێوْمَئِژٍ ێ‌مِنُونَ / النمل : 89) .
   وشەی (السرور) بەرانبەر (الحزن) ـە نەك (الخوف) ، چونكە ترسان (الخوف) لەشتێك لەدڵدا دروست دەبێت بەرلەوەی ڕووبدات ، بەڵام كە ڕویدا ترس دەبێتە خەم (حزن) ، بە بەڵگەی : (ڵا خَوْفٌ عَڵیْهِمْ ۆڵا هُمْ ێحْزَنُونَ / یونس : 62) ،  ئەوان نەك خەمبار نابن بەڵكو ناشترسن ، وەختێت ترس نەبوو خەمیش نابێت بۆیە ئاماژەی بە (السرور) كردووە .   
   لەئایەتی پێشودا فەرمویەتی (یخافون یوماً) بەڵام لەم ئایەتەدا دەفەرموێ‌ (فوقاهم الله شر ژلك الیوم) ، ئا ئەمە واتە : بەڕاستی ئەوان لەم ڕۆژەو لەوەی تیایەتی ترساون لە شەڕو ناڕەحەتی و لێپرسینەوە و لێپێچینەوە و .. تاد . كە تیایدا (یجعل الولدان شیبا) ، بەڵام خوای خاوەن كەرەم دەیانپارێزێ‌ لە شەڕوخراپەی ئەم ڕۆژە مۆن و سەخت و توندە ..
   ئا لەم پرسەدا دوو سەرنجی زۆر ورد ئاماژەی پێكراوە ، یەكەم : هەموو مرۆڤەكان تەواوی دیمەنی سامناكی ئەوڕۆژە دەبینن . دووەم :  ئەوانەی لەخەمی ئەم ڕۆژەدا بوون تەنها مەشهەدەكە دەبینن وە خوای خاوەن كەرەم بەڕەحمی خۆی لە شەڕو خراپەی دیمەنەكان دەیان پارێزێت . ئەویش بەهۆی كاری چاكی دونیایانەوە . لێرەدا پیتی (الفا‌و) لە (فوقاهم) سودی سەبەبیەت دەبەخشێ‌ ، پاراستنەكە بەهۆی ئەنجامدانی گوفتارو ڕەفتاری چاكی دونیاوەیە .

نوێترین نوسینەکانی عوسمان حمەکریم زەڵمی