مام و قه‌ل و فه‌ل
وتار/
13/11/2017
687 جار بینراوە
له‌تیف فاتیح فه‌ره‌ج
مام و قه‌ل و فه‌ل
له‌تیف فاتیح فه‌ره‌ج
زۆربه‌مان ده‌زانین كه مام جه‌لال ئاره‌زوویه‌كی زۆری
خواردنی گۆشتی قه‌لی هه‌بوو، له‌و باره‌یه‌وه هه‌میشه له نێو خه‌ڵكدا نوكته‌و
قسه‌ی خۆش دروستده‌كرا ، مام جه‌لال خۆیشی كه‌یفی به‌و نوكتانه ده‌هات ، زۆر جار
خۆی ئاره‌زوی نوكته دروستكردنی بوو ، جارێكیان له كه‌ركوك له كۆبونه‌وه‌یه‌كی
گه‌وره‌دا من ره‌خنه‌ی زۆرم گرت ، مام جه‌لال دوای قسه‌كان داوای دوا نوكته‌ی لێكردم
له سه‌ر خۆی ، من نوكته‌یه‌كم گێڕایه‌وه ،گوتی "بابه ئه‌وه كۆنه" خۆی
دوونوكته‌ی تازه‌تری گێڕایه‌وه ، ئیتر مام نوكته‌و قسه‌ی خۆشی زۆره ، جا ده‌ڵێن
حه‌سه‌نی شیرین وتبووی له نێوان من و مام جه‌لالدا جیاوازیه‌كه یه‌ك نوقته"
خاڵ" ه ئه‌و قه‌ل ده‌خوات و من فه‌ل ده‌خۆمه‌وه " قه‌ل و فه‌ل " هه‌ر
به‌ڕاستی قه‌له‌كانی مام تام و چێژی خۆیان هه‌بوو ، جارێكیان 1996 یان 1997 بوو له
فه‌رمانده‌یی چه‌ند براده‌رێك داوه‌تی بووین ، هه‌ریه‌كه‌و قه‌لێكیان خسته به‌رده‌ستمان
، ئاخر ماڵته قه‌لێك زۆرزۆره ، من ئه‌ونده‌لام خۆش بوو زۆرم لێ خوارد دواتر نه‌خۆش
كه‌وتم ، هه‌ڵبه‌ت زۆره‌كه‌ی من نیوه‌ی خه‌ڵكی تر نه‌بوو، له باره‌ی قه‌له‌كانی
مام جه‌لاله‌وه ده‌ڵێن كه گۆڕیویانه‌و له خواردنیدا گوتویه‌تی ئه‌مه قه‌لی من
نیه ، دواتر دكتۆر كه‌مال فواد دانی پیاناوه كه گۆڕیویانه ، ئاخر قه‌له‌كانی
ئه‌و گوێزو خواردنی باشیان خواردووه ، ئه‌مه هه‌مووی گێڕانه‌وه‌یه ، نازانم یان
من به‌رچاوم نه‌كه‌وتووه ، یان سه‌لاح ڕه‌شید به‌لای قه‌له‌كانی مامدا نه‌چووه ،
خۆ هه‌ر سه‌لاح ره‌شید كاتی خۆی باسی ده‌ست و په‌نجه‌ی مامی له خواردن دروستكردن
و قاپشۆریدا بۆ كردووم .
مادام قسه له سه‌ر نوكته‌كان و قه‌له‌كانی مامه ، جێی
خۆیه‌تی بڵێین ئه‌م جۆره نه‌ته‌وانه ئه‌گه‌ر نوكته نه‌بێت چۆن بژین،ئاخر شه‌وی
رابردوو 12-11 ئه‌وه‌نده‌ی خه‌ڵك دوای بومه‌له‌رزه‌كه خه‌ریكی نوكته‌بوون له‌و
باریه‌وه خه‌ریكی پرسیاری ورد نه‌بوون له باره‌ی ئه‌وه‌ی كه بومه له‌رزه چۆن ڕووده‌دات
، خۆشترین نوكته‌له‌سه‌ر دۆستێكی مام جه‌لال و پیاوێكی زۆر هێمن و سه‌نگین له سیاسه‌تا
بوو ، كه ئه‌و ئێستا كه‌سی یه‌كه‌می عێراقه به پۆست ، لێ عه‌بادی حاكم تره ،
ئهویش دكتۆر فواد مه‌عسومه ، نه‌یاره‌كانی مه‌عسوم نوكته‌كه‌یان ئاوا دروست
كردبوو ،گوایه دكتۆر گوتویه‌تی" ئه‌وه كێ ئه‌و پاڵه‌ی پێوه نام " ،
به هه‌ر حاڵ دكتۆر فواد پیاوێكی ئارام و له سه‌ر خۆیه هه‌ر ئه‌مه‌ش هۆكاری
دروستبوونی ئه‌و نوكتانه‌یه ، ده‌ی دیاره ئهویش سه‌ر به هه‌مان فێرگه‌ی مامه
بۆیه نابێ به نوكته‌كان قه‌ڵس بێت .
ئێستا مام له ناوماندا نیه‌و له ده‌باشانه ، ساڵی 2017
بۆ كورد ساڵێكی شوم بوو ،له لایه‌كه‌وه كاك نه‌وشیروان ئۆغری كردو له‌لایه‌كی دیكه‌شه‌وه
مام و دواتریش په‌لاماردانی كه‌ركوك و ناوچه‌كانی تر له لایه‌ن حه‌شدی شه‌عبی و
سوپای عێراقه‌وه ، هه‌ر ئه‌م ساڵ ئه‌میری حه‌سه‌ن پورو عه‌لی ئه‌شره‌فی ده‌روێشیان
و كه‌ریم زه‌ند ئۆغریان كرد.
ئه‌مساڵ هێشتا مانگ و نیوێك زیاتری ماوه ئه‌وه به
بومه‌له‌رزه‌ش تاقیكراینه‌وه ، فڕۆكه‌كانی توركیاش له‌و لاوه بووه‌ستێ .
نوێترین نوسینەکانی له‌تیف فاتیح فه‌ره‌ج
-
له‌تیف فاتیح فه‌ره‌ج
08/07/2021
-
له‌تیف فاتیح فه‌ره‌ج
03/07/2021
-
له‌تیف فاتیح فه‌ره‌ج
14/03/2021
-
له‌تیف فاتیح فه‌ره‌ج
11/02/2021
-
له‌تیف فاتیح فه‌ره‌ج
16/01/2021
-
له‌تیف فاتیح فه‌ره‌ج
21/05/2020