سلێمانی راستیی وت....

وتار/ 11/06/2017 1011 جار بینراوە

فه‌ره‌یدون بێوار

سلێمانی راستیی وت....
فه‌ره‌یدوون بێوار
1
بیرم دێ ساڵی 2005 كاتی سه‌رقاڵبوون به‌نووسینه‌وه‌ی ده‌ستوری عێراق و به‌رله‌وه‌ی بخریته‌ راپرسییه‌وه‌، به‌شێك له‌ خه‌ڵكی سلێمانی و نووسه‌ران و رۆژنامه‌نووسان و رۆشنبیران و ده‌سته‌بژیرانی ئه‌و شاره‌، داوایان له‌سه‌ركردایه‌تی كورد و ئه‌ندامانی كوردی به‌شدار له‌لیژنه‌ی نووسینه‌وه‌ی ده‌ه‌ستووری عێراق كرد، كه‌ ماده‌یه‌ك له‌ پڕۆژه‌ی ده‌ستووردا بچه‌سێننن كه‌ دوای 8 ساڵ مانه‌وه‌ی ئاره‌زوومه‌ندانه‌ی كورد له‌عیراق، ئه‌وا هه‌رێمی كوردستان مافی راپرسی و جیابوونه‌وه‌ی ئاشتیانه‌ی له‌عێراق هه‌بێت.
به‌س به‌داخه‌وه‌ وه‌كو هه‌موو جاره‌كانی تر و وه‌كو هه‌میشه‌، سیاسیه‌ كورتبینه‌كانی كورد  گاڵته‌یان به‌و پێشنیاره‌ ده‌هات و گوێیان له‌رای خه‌ڵكی سلێمانی نه‌گرت. كه‌چی ئێستا هه‌مان سیاسییه‌كان باسی راپرسی ده‌كه‌ن له‌پێناو راپرسی دا. به‌كورتی، خه‌لكی ساده‌ به‌یه‌كجار تیگه‌یشتن به‌س سیاسییه‌كان به‌ دوو جار.

2
کە ساڵی 2005 لیژنەی باڵای ریفراندۆم لەکوردستان (خوالێخۆشبوو شێركۆ بێكه‌س و هاوكاره‌كانی)، راپرسیان کردو لەسەدا ۹٨ خەڵکی کوردستان دەنگیان بۆ سەربەخۆیی داو بەترێلە نەتیجەکەیان بردە بەغدا، كه‌چی به‌داخه‌وه‌ هیچ سەرکردەیەکی کورد پەنجەمۆرەکانیان لێوه‌رنه‌گرتن و بەڵکو بەشێکی زۆریی ئەوانەی کەئێستا بانگەشە بۆ ریفراندۆم دەکەن گاڵته و پێکەنینیان بە مەسەلەکە هاتبوو و له‌ شاشه‌ی تی ڤیییه‌كانه‌وه‌ به‌پێكه‌نینه‌وه‌ باسی ئه‌و پرسه‌یان ده‌كرد.


3
له‌باپیرم بیستووه‌، كه‌ باپیری بۆی گێڕاوه‌ته‌وه‌ كه‌‌ گوایه‌ له‌باپیری بیستووه‌ كه‌ باپیری وتوویه‌تی: كورد ده‌بێته‌ ده‌وڵه‌ت.
باپیری ئه‌م قسه‌یه‌ی بۆ كوڕه‌كه‌م ده‌كرد.

نوێترین نوسینەکانی فه‌ره‌یدون بێوار